Matthew 5
5
KETH MAIN, V.
1YEH u ka keh runiah bomu tre, u kon ko kick atook nu chall ka, ahdisciple ah tre ngha hundy ko ko woa:
2Jesus yëëry nyengh woa nu menghë ngha, nghaleh,
3Rubah kë nghana cheh moneh kë ugbolleh yeo: upock u foy tre ngho ngha bë.
4Rubah kë nghana tranghellin: peh hun ngha bëël pëah.
5Rubah kë aniah mboss: upock u tre ngho ngha bë.
6Rubah kë aniah tre nghana nriek ma ngha rë, nu ugboll ngha seckle eh rë hallë dyah keleng tre; peh hun ngha kah yempy dyo, ngha pum.
7Rubah kë aniah trë nghana cheh bongha nkeleng: peh ngha hun marr.
8Rubah kë aniah tre nghana bë ugboll u tinkle yeo: ngha hun lehly Foy.
9Rubah lë ahpom ah trë, peh veal ngha ahpomah Foy.
10Rubah kë aniah tre, lo ngha nghah dyah keleng yeo, nu peh ka nghah dyah bang ko ko ngha: nghana bë upock u foy trë.
11Rubah kë moa, loaniah tre ngha moa nghah punk, lo ngha toh moa, lo ngha moa kah ilillë bang nsele hallë hallë më.
12Nhvoy, nchang ah: moa bë packah bomu kë foy: kë manleh peh ka toh ahprophet ah tre nghana cheh leh moa ëboll.
13Ngha rë ëhehl upock u tre: lo ëhehl ë tre nghe lendy ënyummle nghe, yeh peh kui hallë salkar ah? ehehl ë tre ngho loi gbo yaë, peh pong nghe kë bengtë aniah tre aloh.
14Ngharë ërung upock u tre. Turr tre nghono peh ka semy ko kick u tre atook ngho boaehn matt.
15Yeh aniah tre ngha menny kandirr u tre, ngha boaehn beh ngho moaloa aloh, ngha beh la rë kë utock u kandirr, na u kah ërung kë aniah buleing ko killeh.
16Ntunky kandirr no tre kë aniah ëboll, leh ngha ngha keh mpant no nkeleng, nu kulluh papah no, wonno cheh ko kë foy.
17M ma trennin yah hundy hallë shinny troang tre nu ahprophet ah tre,: Ah hunehn hallë shinny, kereh hallë kissyeh la.
18Urondon yah no fohm, lëleh ngha foy ngha boa rë chang, kereh ufuss u toon u boaehn chang kë troang tre, behleh ndërick n tre buleing ngha kundy.
19Wonno gbo kenty gbusngha bull toon, nu menghe aniah tre hallë kenty ngho, peh hun woa veal toon kë upock u foy; kereh wonno gbo la nghah yeo nu menghë aniah tre hallë nghah kë, peh hun woa veal eh bomu kë upock u foy.
20Mbah, yah no fohm, lo ngha chehn keleng hallë chang ahgball ah tre oh, ahpharisee ah tre oh, ngha boaehn loi kë upock u foy.
21Ngha kung tuirë aniah ben ah tre ngha foh yeo, ngha m ma dyë; wonno dyë oh cheerah ngho konth woa:
22Keteh yah no fohm wonno gbo nghah lëbang kë pintre woa hallë sele yeo, cheerah ngho u konth woa: mbah; wonno gbo fohm pintre woa, Woa ha min yeo, tunkah woa ti konth; kereh wonno gbo fohm pintre woa, moa no punk, dyomly trë leh woa u konth.
23Lo nchëë eh buyah moa kë messah foy, ngha nfulloh rë, pintre moa u bë rë yin ko ko moa;
24Nloi buyah moa kë messah ëboll nu kon nu yoom kë pintre moa nu moony oh, nu chëë buyah moa.
25Nyoom hallë no mpunthirr ë moa, kehkehtoo, yehpeh ngha kon nah ë tre uborr ubull; lo n chehn yoom kë, woa moa kah kë bett no tunkah tre, nu woa moa kah kë ahlangbang woa tre, ngha beh woa ko kill rtill u tre.
26Urondong yah moa fohm, mboaehn loa foke behleh, m packah nyërick mbuleing.
27Ngha kundy tui la rë, peh ka fohm kë aniah ben ah tre, ngha m ma sotoh ball;
28Kereh yah no fohm, wonno gbo lehly kë noma tre hallë yehmah woa, woa sotoh ball kë ugbolleh woa.
29Lo foll ë pokeh moa ngha moa lëbang nfoke leh, nu pong leh, lëkeleng hallë moa lo konth woa bull ko shinny dyom, nu dyall ë moa bully peh pongehn kë dyom Jehannamah.
30Lo pëah moa dekeh nghah moa lëbang, mbett ngho, nu pong ngho; leh keleng hallë moa, lo konth moa bull shinny dyom, nu dyall moa bully peh pongehn kë dyom Jehannamah.
31Peh ka fohm, wonno tongul la woa, peh woa kah kayehry:
32Kereh yah no fohm, lo nolakan tre ngbahn m bang, poh woa tongul woa, poh woa woa lë lah nghah dyah bang: mbah; nopokan poom tre wonno woa kui oh, u sotoh ball.
33Ngha kundy tui la rë, peh ka foh rë kë aniah ben tre, ngha m ma cheh gbëëng, mbull; kereh n ngha dyah trë lanah u gbëëng eh yeo:
34Kereh yah yo fohm m ma na cheh gbëëng, m ma na cheh gbëëng kë tukeh; ngho cheh leh tant u Foy:
35M ma cheh gbëëng kë lëleh; ngho cheh leh chom u Foy hallë linkreh bengtë woa tre; m ma na, cheh gbëëng kë Jerusalem, ngho leh turr bay bomu tre.
36M ma na cheh gbëëng kë bull moa; m boaehn nghah dëring bull dinteh oh të oh.
37Nfoh ë no, ngho nghe choe: oh, oh; beh, mbeh; lo nfoh gbo peh lum poom tre, la lëbang.
38Ngha tui la rë, peh ka foh rë, kë aniah ben ah tre, lëfoll ngha lëfoll; ëchang ngha ëchang:
39Kereh yah no fohm, m ma trim dyah bang: lo peh suntah moa kë gburr moa mpokeh, m pinkin ko ko woa gburr moa min tre pehreh.
40Loamah tre ngha yehmah nghah tunkah ko ko moa, nu ngha kui kutah moa, nkah woa kutah moa buleing.
41Lo peh yëë woa halle koh woa uborr ubull mile ë bull nkoh miletë ting.
42Lo no tum moa yin, nkah woa, lo no yehmah gbo cheh yin, m ma pinkin bellung.
43Ngha ka tuirë peh ka foh yeo, m marr nokono, nsarrah won wonno bë mpunthurr.
44Kereh yah no fohm, m marr woa wonno, bë mpunthurr ko ko moa; n rubah nghana moa wung yeo; n nghah dyah keleng kë nghana sarrah mun yeo; n ramlin hallë nghana moa lehly koll yeo, nu sompon moa yeo;
45Ngha na cheh ahpomah Papah no, nghono cheh kë foy oh: mbah, woa nghah pall ë tre leh pung ko aniah mbang oh, kë aniah keleng oh atook; woa wong ëporr ë tre hallë aniah keleng oh, aniah mbang oh.
46Lo m marr ah aniah nghana marr ah moa, yeh packah ngho bë ah? ahpublican ah, tre ngha chehn nghah kin moa nghah yeo?
47Lo n lenghe pintre moa gbo, yeh ngho ë ah? ahpublican ah tre ngha chehn nghah kin moa yeo?
48Ngha ngha chang cherry, kin Papah no nghono cheh kë foy.!
Atualmente Selecionado:
Matthew 5: BUY1816
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
First published by the Church Missionary Society in 1816.