O KEJADIAN 1
1
O dihanga de o dunia Wo hidadi majarita
1Madodihirakahi, maöraha ma Jou Madutu womulaenge wohidadi o dihanga de o dunia 2o dunia koitükowahi, deʼ kairuaeukuohi. O ngöto deʼ malulu, yatamunuku hagala mata-mata, ohuhutu yahawoino, mä ma Jou Madutu Ai kuaha imanarama o akere mal̄okuino. 3#2Kor. 4:6 Ma Jou Madutu wotemo, ”O dararono idadi!” Ipaha naga o dararono. 4Ma Jou Madutu wosanangi wamake ohali gënanga. De ipaha o dararono gënanga deʼ o huhutu wohi tingaka, 5deʼ o dararono gënanga wohiromanga ”O Wange-wange” deʼ o huhutu gënanga wohiromanga ”O Hutu-hutu”. O hutu ipaha, de idadi o ngorumino. Genanga owange madodihiraka.
6-7 #
2Pet. 3:5
Ipaha ma Jou Madutu wotemo, ”Idadi odadatoko itatanguku ogahumu moi la ya regu o akere idadi oregu hinoto, deʼ yatumungu o ngï hinoto ima boritingakika.” Ipaha ohali gënanga ima dadi. Hoko gënanga ma Jou Madutu wadiai o dadatoko itotätanguku ihitotinga-tingaka o akere o dadatoko itotatangu matimiuku, deʼ naga o dadätoko mal̄okuoka. 8O dadatoko i totatanguku gënanga Wohiromanga ”O Dihanga.” O hutu ipaha deʼ idadi o ngorumino. Genanga owange mahinotoka.
9Ipaha ma Jou Madutu wotemo: ”Kokiani o akere naga o dihanga matimiuku ihahuru o ngï moika, hiädono o tonaka hamake.” Ipaha o hali gënanga imadadi. 10Ma Jou Madutu wohiromanga o tonaka gënanga ”O Dudungu”, deʼ o akere madoomu gënanga Wohiromanga ”O Ngöto”. De ma Jou Madutu wosanangi wamake ohali gënanga. 11Ma Jou Madutu wotemoli, ”Kokiani o tonaka ihi hupu hagala irupa o joro, enagënanga marupa ihihasili imui-mui de ma rupa ihi hasili ihö hohoko.” Ipaha o hali gënanga imadadi. 12Hoko gënanga o tonaka ihihupu hagala i rupa o joro. De ma Jou Madutu wosanangi wamake ohali gënanga. 13O huhutu ipaha deʼ idadi o ngorumino. Genanga o wange ma hangeoka.
14-15De ipaha ma Jou Madutu wotemo, ”Kokiani naga o baranga itotararono o dihangoka la yatararono o dunia, la o hutu-hutu de o wange-wange ihitingaka, deʼ la ihidumutu maöraha imulaenge o wange, o taongo, deʼ o agama ma amoko”. Done o hali gënanga imadadi. 16Hoko gënanga ma Jou Madutu wodiai o gahumu hinoto o baranga itotararono ma ago-agomo, enagënanga owange malako la ya kuaha o wange-wange, deʼ o mede la yakuaha o hutu-hutu; ma mahomoa deʼ gënanga Wodiaiö hagala o murumu. 17Ma Jou Madutu wohi gogere obaranga itotarono gënanga o dihangoka la yatararono o dunia, 18la yakuaha o wange-wange de hutu-hutu, de mangale ihitingaka o dararono de o huhutu. De ma Jou Madutu wosanangi wamake o hali gënanga. 19O huhutu ipaha, deʼ idadi o ngorumino. Genanga o wange maiatoka.
20Ipaha ma Jou Madutu wotemo, ”Kokiani o akere magoronaka mangoë marupa de matikaoka o dodadi mangango, de o gitawaoka mangoë hagala totaleo ihöhoho.” 21Ma Jou Madutu wohidadi o ngöto ma aiwani-aiwani ma ago-agomo, deʼ hegala irupa o dodadi iwowango-wango o akere magoronaka, inoli hegala irupa ototaleo. De ma Jou Madutu wosanangi wamake ohali gënanga. 22Ma Jou Madutu wohibarakati mata-mata gënanga deʼ Wohidöaka o pareta o dodadi iwöwango-wangoika o akere magoronaka hupaya i fäta de yaömanga o ngöto, deʼ ototaleoika hupaya idogo-dogo i woë. 23O huhutu ipaha deʼ idadi o ngorumino. Genanga owange ma motoaka.
24De ipaha ma Jou Madutu wotemo, ”Kokiani o dunia ihi hupu hagala i rupa, o aiwani o dudungoka, idö dana-dana deʼ ihö huhuhuku, ma ago-agomo ekola mahohumujuru.” Ipaha ohali gënanga imadadi. 25Hoko gënanga ma Jou Madutu wadiai mata-mata gënanga deʼ Unanga wosanangi wamake ohali gënanga.
26 #
1Kor. 11:7
De ipaha ma Jou Madutu wotemo, ”Oraha nanga Ngone aha hodiai o nyawa aha yodadi hokä Ngone deʼ manga rupa hokä Ngone. Onanga aha yakuaha hagala onawoko, o totaleo, deʼ hagala o aiwani mahomoa kayaoa idödana-dana kayaoa ihöhuhuku kayaoa ma ago-agomo kayaoaö mahohumujuru.” 27#Mat. 19:4; Mark. 10:6 #Kej. 5:1-2 Hoko gënanga ma Jou Madutu wahidadi o nyawa, deʼ wahidadi önanga hokä Ai diri mahirete. Wahidadi önanga o nauru deʼ ongoheka. 28De ipaha wahibarakati önanga deʼ mademo ”Ningohaka deʼ ni-danongo nima woë-woë, hupaya niadifauku yogogere o dunia mal̄okuoka mata-mataika ikali yakuaha. Ngini Tinihikuaha nihidö dailako hagala o nawoko, o totaleo, deʼ mata-mata o aiwani mahomoa ihühuhuku. 29Idadi nia inomo Tinihidoaka nginika hagala rupa o joro, enagënanga marupa ihihasili i mui-mui deʼ marupa ihihasili ihöhohoko. 30Mä hagala ototaleoika deʼ o aiwani ihöhuhuhuku ma homoa, Tohidoaka omomo deʼ o hoka-hoka toenanga mainomo.” Done o hali gënanga imadadi. 31Ma Jou Madutu wamake hagala moi-moi wadodiaioka gënanga, deʼ Unanga duru wosanangi. O huhutu ipaha deʼ idadi o ngorumino. Gënanga o wange mabutangaka.
Atualmente Selecionado:
O KEJADIAN 1: TLB
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login