Yaɓooda 28
28
1Kamla Isaak kun Jakob, njang dɔa, na ndaa mber an: A i taa dekɨdẽ ku ngan kɨdẽgt lo Kanag al 2I ɓai dõ, aw Padan Aram, ɓe lo Betuel bɔw kõi. Nu la a i taa dekɨdẽt ku ngan nani Labant 3Kɨ Luwah Ngetɔgtube njang dɔi ad i ooj ngang. Kɨ i bɨla kɨdɔtdɔt, kɨtakad i tel girrdeg koosɨg 4Kɨ Luwah adi njangdɔ lo Abraham, ĩ kɨ kohi, kɨtakad i ngahn dɔning'n i ndɨ mbah tit, dɔning'n Luwah ad Abraham. 5Kamla Isaak ad Jakob aw. Padan Aram ro Labant ngon Betuel kɨ Aramia, ngonkõ Rebeka kɨ kõ Jakob kɨ Esaw.
Esaw taa dekɨdẽ mad kɨɗang
6Esaw oo kad Isaak njang dɔ Jakob, na laa kɨ Padan Aramt kɨtakad taa dekɨdẽ nu, na lo njangdɔat ndaa mber an: a i taa dekɨdẽ ku ngan kɨdẽgt lo Kanag al. 7Oo kad Jakob tel ron go tat lo bɔwɨn kɨ kõn, aw Padan Aramt. 8Esaw oo kad ngan kɨdẽg lo Kanag nelɨn bɔwɨn Isaak al. 9Na Esaw aw ro Ismaelt, ngon Abraham, taa ngona Mahalat, kõnan Nebajot go nẽngt kɨkete.
Jakob ɓi Betelt, oo nyakamndilt
10Titbe Jakob ɓai Beer Seba, aw kɨ Harãt. 11Tee lot mad, na ɓi tit kɨta kàd ud. Un mbal mad laan dɔn, na to ber loat nõ. 12Ni, na oo ɗig mad kɨ ndah dɔningt aw kɨ dõ dɔboia ɔd dɔrã, na oo malaikag lo Luwah ɗa alɨn ho ɗisɨn ho dɔ ɗigt'n non. 13Na oo Bɨraɓe ɗa nderbe kadat na ela an: Mĩ Bɨraɓe Luwah lo bɔwi Abraham kɨ Luwah lo Isaak. Dɔning'n i tot teen, m'a m'adi, ĩ kɨ kohi. 14Kohi a i tit buning be, a i tat roi kɨ lokudkàdt kɨ loɓakàdt kɨ kodɔɔ kɨ koɓodo, na girrdeg kɨ dang dang tube kɨ dɔningt a ngahn majkurr kamit kɨ kam kohit. 15Oo mĩ sei nat, m'a m'ngomi kam lot kɨɗen a awt, m'a m'tel sei kɨ dɔningt 'nten gog kɨta m'a M'nyai al mbã kad m'tɔl kon nyag tube'n m'eli.
16Jakob ndool dɔ ɓit, na ko an: Rota, Bɨraɓe i kam lot 'nten, na m'ger al. 17Kamla ɓool ɗaa ad el an: Lo 'nten i lo kɨkootɓool, nẽbe i kuj lo Luwah, i lo kɨɗang al, nẽbe i tabit kɨ dɔrãt. 18Jakob ɓai kɨsĩ ritit, un mbal ka'n laan dɔn nõ, uda ad ɗa dõ kad i pilie, na mbel yib dɔt. 19Ndah tɔ lon non Betel, ad i kuj lo Luwah, na kete tɔ ɓebo'n non i Luj. 20Kamla Jakob un kɔn kɨ yokɨnda an: Ĩla Luwah i nat sem, ĩla ngomɨm dɔ ɗob kawɨmt, ĩla adɨm nyasam kɨ kub kɨ la romt, 21ĩla m'tel kɨɓe lo bɔwɨm kɨ kam kɨsokɨber kɨ rongang a ne, Bɨraɓe a i Luwah lom. 22El tɔ an: Mbal'n ɗan m'uda mad ɗa dõ kad i pilie ye, a i kuj lo Luwah, m'a m'adi gaj kɨkɨɗa ku kɨkɨlaht kam nyagt tube'n a adɨm.
Atualmente Selecionado:
Yaɓooda 28: MlL
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Mbai Bible Revision © Bible Society of Chad, 2015.
Yaɓooda 28
28
1Kamla Isaak kun Jakob, njang dɔa, na ndaa mber an: A i taa dekɨdẽ ku ngan kɨdẽgt lo Kanag al 2I ɓai dõ, aw Padan Aram, ɓe lo Betuel bɔw kõi. Nu la a i taa dekɨdẽt ku ngan nani Labant 3Kɨ Luwah Ngetɔgtube njang dɔi ad i ooj ngang. Kɨ i bɨla kɨdɔtdɔt, kɨtakad i tel girrdeg koosɨg 4Kɨ Luwah adi njangdɔ lo Abraham, ĩ kɨ kohi, kɨtakad i ngahn dɔning'n i ndɨ mbah tit, dɔning'n Luwah ad Abraham. 5Kamla Isaak ad Jakob aw. Padan Aram ro Labant ngon Betuel kɨ Aramia, ngonkõ Rebeka kɨ kõ Jakob kɨ Esaw.
Esaw taa dekɨdẽ mad kɨɗang
6Esaw oo kad Isaak njang dɔ Jakob, na laa kɨ Padan Aramt kɨtakad taa dekɨdẽ nu, na lo njangdɔat ndaa mber an: a i taa dekɨdẽ ku ngan kɨdẽgt lo Kanag al. 7Oo kad Jakob tel ron go tat lo bɔwɨn kɨ kõn, aw Padan Aramt. 8Esaw oo kad ngan kɨdẽg lo Kanag nelɨn bɔwɨn Isaak al. 9Na Esaw aw ro Ismaelt, ngon Abraham, taa ngona Mahalat, kõnan Nebajot go nẽngt kɨkete.
Jakob ɓi Betelt, oo nyakamndilt
10Titbe Jakob ɓai Beer Seba, aw kɨ Harãt. 11Tee lot mad, na ɓi tit kɨta kàd ud. Un mbal mad laan dɔn, na to ber loat nõ. 12Ni, na oo ɗig mad kɨ ndah dɔningt aw kɨ dõ dɔboia ɔd dɔrã, na oo malaikag lo Luwah ɗa alɨn ho ɗisɨn ho dɔ ɗigt'n non. 13Na oo Bɨraɓe ɗa nderbe kadat na ela an: Mĩ Bɨraɓe Luwah lo bɔwi Abraham kɨ Luwah lo Isaak. Dɔning'n i tot teen, m'a m'adi, ĩ kɨ kohi. 14Kohi a i tit buning be, a i tat roi kɨ lokudkàdt kɨ loɓakàdt kɨ kodɔɔ kɨ koɓodo, na girrdeg kɨ dang dang tube kɨ dɔningt a ngahn majkurr kamit kɨ kam kohit. 15Oo mĩ sei nat, m'a m'ngomi kam lot kɨɗen a awt, m'a m'tel sei kɨ dɔningt 'nten gog kɨta m'a M'nyai al mbã kad m'tɔl kon nyag tube'n m'eli.
16Jakob ndool dɔ ɓit, na ko an: Rota, Bɨraɓe i kam lot 'nten, na m'ger al. 17Kamla ɓool ɗaa ad el an: Lo 'nten i lo kɨkootɓool, nẽbe i kuj lo Luwah, i lo kɨɗang al, nẽbe i tabit kɨ dɔrãt. 18Jakob ɓai kɨsĩ ritit, un mbal ka'n laan dɔn nõ, uda ad ɗa dõ kad i pilie, na mbel yib dɔt. 19Ndah tɔ lon non Betel, ad i kuj lo Luwah, na kete tɔ ɓebo'n non i Luj. 20Kamla Jakob un kɔn kɨ yokɨnda an: Ĩla Luwah i nat sem, ĩla ngomɨm dɔ ɗob kawɨmt, ĩla adɨm nyasam kɨ kub kɨ la romt, 21ĩla m'tel kɨɓe lo bɔwɨm kɨ kam kɨsokɨber kɨ rongang a ne, Bɨraɓe a i Luwah lom. 22El tɔ an: Mbal'n ɗan m'uda mad ɗa dõ kad i pilie ye, a i kuj lo Luwah, m'a m'adi gaj kɨkɨɗa ku kɨkɨlaht kam nyagt tube'n a adɨm.
Atualmente Selecionado:
:
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Mbai Bible Revision © Bible Society of Chad, 2015.