Yaɓooda 29
29
Jakob ɗa kɨla ad Laban kɨta Rasel kɨ Lea
1Jakob ɓai so ɗobo, na tee dɔningt lo deg kɨ loɓakàdt. 2Nɔl lo, na oo buloman mad kam gawt. Ɓut batg mɨta ton kadt kɨta i ta bulomant'n non la a adɨn ɓut nyakulg ãin mant ye. Mbal kut ta buloman'n non i kɨbobe. 3Lon ɓut nyakulg tube a kawɨn na kɨnat a ne, deg a nduwrɨn mbal kɨ ta bulomant kɔ, na adɨn batg ãin man, na a tel lan in ɓal taat gog. 4Jakob ndɨje ngéngom batg an: Ngankom, ĩ deg kɨ ko ɗah a? Turɨna anan: Jĩ deg kɨ Harã. 5Ndɨjed an: I gerɨn Laban ngon Nakɔr a? Turɨna anan: Kɨ gera. 6Ndɨjed tɔ an: Ndi nõ kari a? Turɨna anan: Ndɨ kari, na oo Rasel ngona kɨdẽ la a ɗe kɨ batg nõn. 7Jakob el an: Kàd i dõ ɓaitɔ, i dɔkàd kaw nyakulg kɨnat al. Adɨn batg ãin man Na awɨn sed ad san nya 8Turɨn anan: Be al, j'a kɨ ɗa titbe al, mbã kad kawɨn ɓut nyakulg tube kɨnat, na a ndubɨrɨn mbal ta bulomant kɔ. Kamla a adɨn batg ãin man ye.
9Ɗà el sed ta ɓaitɔ la, Rasel ɗe kɨ batg lo bɔwɨn kɨta i ngengomd. 10Lon Jakob oo Rasel ngon nanɨn Laban kɨ batg lo nanɨn Laban ye, ndɔt, ndubɨr mbal ta bulomant kɔ, ad ɓut nyakulg lo nanɨn Laban ãin man. 11Jakob ɗa lapia Rasel hɔa kɨkadɨnt, un ndɨn kɨ dõ nõn. 12Jakob el Rasel an: Mĩ nooj bɔwi, mĩ ngon Rebeka. Rasel ãi ngɔd aw ɔrr hoia bɔwɨn. 13Lon Laban oo hoi Jakob, ngon kõnanɨn ye, ãi ngɔd, la taa, so kɔat kuia kɨ ront, aw sia kuju lon. Jakob ɔrra hoi nyag'n non tube. 14Laban ela an: Rota, ĩ kɨngam kɨ dãm. Jakob ndɨ ro Labant asɨ nah kɨɗa.
Jakob taa dekɨdẽ joo
15Kamla Laban el Jakob an: Kɨtɔ kĩĩ noojɨm la kɨ i ɗan kɨlaɓer kari adɨm a? Elɨm nyabajii a i ɗi? 16Laban aw kɨ nganɨn kɨdẽ joo. Tɔ ngonderra i Lea, na tɔ ngongoa i Rasel. 17Kum Lea mẽ, na Rasel maj ront kɨ takumɨnt tu. 18Jakob tar Rasel, na el an: M'a m'ɗa kɨla ɓal tanãimɨta m'adi kɨta Rasel ngoni kɨdu. 19Laban tur an: Maj kad m'adi Rasel tɔi kad m'ada de kɨɗang. I ndɨ sem. 20Titbe la Jakob ɗan kɨla ɓal tanãimɨta kɨta Rasel, na ɓalg'n non ĩn tit ndɔ ngãi al be roat kɨta tarɨn tara ngãi.
21Kamla Jakob el Laban an: Ad nẽm ɗe romt kɨta ndɔg lom asɨn oi, na m'ndig kaw kɨ roat. 22Laban kaw deg tube kɨ lot'n non kɨnat na ɗa mburnam. 23Lon lo diw woi ye un ngonɨn Lea aw sia ro Jakobt, kad Jakob aw roat. 24Laban un Jilpa ɓer lon kɨdẽ ad ngonɨn Lea kad ɗa kɨlaɓer ada. 25Loti kɨsĩ Jakob ooa i Lea ye, ta yaa, el Laban an: Ɗi kɨɓe i ɗa sem a? I kɨta Rasel hã m'ɗan kɨlaɓer m'adi ale? Kɨtɔɗi ɓai i goolɨm a? 26Laban tur an: I nyajiɓe loj al kad ngon kɨdu taa ngaw nõ ngonderrt. 27I tɔlkon ndɔg kɨtanãimɨta lo taa ĩn ndɨn, na j'a kɨ jadi kɨmad ho kɨta kɨla'n ɓet a i ɗa adɨm ɓal tanãimɨta tɔ nõ.
28Jakob ɗa titbe tɔlkon ndɔg kɨtanãimɨta lo taanat lod kɨ Lea, kamla Laban ada ngonɨn Rasel nẽat tɔ 29Laban un Bila ɓer lon kɨdẽ, ad ngonɨn Rasel kad ɗa kɨlaɓer ada. 30Jakob aw ro Raselt ho, na tara tɔi Lea. Na Jakob ɗa kɨla ad Laban ɓal tanãimɨta ɓaitɔ.
Ngan Jakob
31Bɨraɓe oo Jakob ndig Lea ngãi al, ad tee ta kujngon ada. Na Rasel i kuj. 32Lea nden ngon, ooj kɨdɨngã, na ndah tɔa Ruben kɨta el an: Bɨraɓe oo kamkɔl lom, tajigla ngawɨm a tarɨm ta. 33Lea nden ngon ɓaitɔ, ooj kɨdɨngã, na el an: Bɨraɓe oo kad ngawɨm tarɨm ngãi al, a adɨn ngon 'nten tɔ ye. Ndah tɔa Simeõ. 34Lea ndan ngon ɓaitɔ, ooj kɨdɨngã, el an: Tajigla kam ngawɨm a hɔm kɨta m'ooj sia ngan kɨdɨngã mɨta. Kɨtɔ 'nten la ndahn tɔa Lebi 35Lea ndan ngon mad gog ɓaitɔ, ooj kɨdɨngã, na el an: Tajigla m'a m'ndub Bɨraɓe. Kɨtɔ 'nten la ndahn tɔa Juda. Kamla nya ta kooj ngang.
Atualmente Selecionado:
Yaɓooda 29: MlL
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Mbai Bible Revision © Bible Society of Chad, 2015.
Yaɓooda 29
29
Jakob ɗa kɨla ad Laban kɨta Rasel kɨ Lea
1Jakob ɓai so ɗobo, na tee dɔningt lo deg kɨ loɓakàdt. 2Nɔl lo, na oo buloman mad kam gawt. Ɓut batg mɨta ton kadt kɨta i ta bulomant'n non la a adɨn ɓut nyakulg ãin mant ye. Mbal kut ta buloman'n non i kɨbobe. 3Lon ɓut nyakulg tube a kawɨn na kɨnat a ne, deg a nduwrɨn mbal kɨ ta bulomant kɔ, na adɨn batg ãin man, na a tel lan in ɓal taat gog. 4Jakob ndɨje ngéngom batg an: Ngankom, ĩ deg kɨ ko ɗah a? Turɨna anan: Jĩ deg kɨ Harã. 5Ndɨjed an: I gerɨn Laban ngon Nakɔr a? Turɨna anan: Kɨ gera. 6Ndɨjed tɔ an: Ndi nõ kari a? Turɨna anan: Ndɨ kari, na oo Rasel ngona kɨdẽ la a ɗe kɨ batg nõn. 7Jakob el an: Kàd i dõ ɓaitɔ, i dɔkàd kaw nyakulg kɨnat al. Adɨn batg ãin man Na awɨn sed ad san nya 8Turɨn anan: Be al, j'a kɨ ɗa titbe al, mbã kad kawɨn ɓut nyakulg tube kɨnat, na a ndubɨrɨn mbal ta bulomant kɔ. Kamla a adɨn batg ãin man ye.
9Ɗà el sed ta ɓaitɔ la, Rasel ɗe kɨ batg lo bɔwɨn kɨta i ngengomd. 10Lon Jakob oo Rasel ngon nanɨn Laban kɨ batg lo nanɨn Laban ye, ndɔt, ndubɨr mbal ta bulomant kɔ, ad ɓut nyakulg lo nanɨn Laban ãin man. 11Jakob ɗa lapia Rasel hɔa kɨkadɨnt, un ndɨn kɨ dõ nõn. 12Jakob el Rasel an: Mĩ nooj bɔwi, mĩ ngon Rebeka. Rasel ãi ngɔd aw ɔrr hoia bɔwɨn. 13Lon Laban oo hoi Jakob, ngon kõnanɨn ye, ãi ngɔd, la taa, so kɔat kuia kɨ ront, aw sia kuju lon. Jakob ɔrra hoi nyag'n non tube. 14Laban ela an: Rota, ĩ kɨngam kɨ dãm. Jakob ndɨ ro Labant asɨ nah kɨɗa.
Jakob taa dekɨdẽ joo
15Kamla Laban el Jakob an: Kɨtɔ kĩĩ noojɨm la kɨ i ɗan kɨlaɓer kari adɨm a? Elɨm nyabajii a i ɗi? 16Laban aw kɨ nganɨn kɨdẽ joo. Tɔ ngonderra i Lea, na tɔ ngongoa i Rasel. 17Kum Lea mẽ, na Rasel maj ront kɨ takumɨnt tu. 18Jakob tar Rasel, na el an: M'a m'ɗa kɨla ɓal tanãimɨta m'adi kɨta Rasel ngoni kɨdu. 19Laban tur an: Maj kad m'adi Rasel tɔi kad m'ada de kɨɗang. I ndɨ sem. 20Titbe la Jakob ɗan kɨla ɓal tanãimɨta kɨta Rasel, na ɓalg'n non ĩn tit ndɔ ngãi al be roat kɨta tarɨn tara ngãi.
21Kamla Jakob el Laban an: Ad nẽm ɗe romt kɨta ndɔg lom asɨn oi, na m'ndig kaw kɨ roat. 22Laban kaw deg tube kɨ lot'n non kɨnat na ɗa mburnam. 23Lon lo diw woi ye un ngonɨn Lea aw sia ro Jakobt, kad Jakob aw roat. 24Laban un Jilpa ɓer lon kɨdẽ ad ngonɨn Lea kad ɗa kɨlaɓer ada. 25Loti kɨsĩ Jakob ooa i Lea ye, ta yaa, el Laban an: Ɗi kɨɓe i ɗa sem a? I kɨta Rasel hã m'ɗan kɨlaɓer m'adi ale? Kɨtɔɗi ɓai i goolɨm a? 26Laban tur an: I nyajiɓe loj al kad ngon kɨdu taa ngaw nõ ngonderrt. 27I tɔlkon ndɔg kɨtanãimɨta lo taa ĩn ndɨn, na j'a kɨ jadi kɨmad ho kɨta kɨla'n ɓet a i ɗa adɨm ɓal tanãimɨta tɔ nõ.
28Jakob ɗa titbe tɔlkon ndɔg kɨtanãimɨta lo taanat lod kɨ Lea, kamla Laban ada ngonɨn Rasel nẽat tɔ 29Laban un Bila ɓer lon kɨdẽ, ad ngonɨn Rasel kad ɗa kɨlaɓer ada. 30Jakob aw ro Raselt ho, na tara tɔi Lea. Na Jakob ɗa kɨla ad Laban ɓal tanãimɨta ɓaitɔ.
Ngan Jakob
31Bɨraɓe oo Jakob ndig Lea ngãi al, ad tee ta kujngon ada. Na Rasel i kuj. 32Lea nden ngon, ooj kɨdɨngã, na ndah tɔa Ruben kɨta el an: Bɨraɓe oo kamkɔl lom, tajigla ngawɨm a tarɨm ta. 33Lea nden ngon ɓaitɔ, ooj kɨdɨngã, na el an: Bɨraɓe oo kad ngawɨm tarɨm ngãi al, a adɨn ngon 'nten tɔ ye. Ndah tɔa Simeõ. 34Lea ndan ngon ɓaitɔ, ooj kɨdɨngã, el an: Tajigla kam ngawɨm a hɔm kɨta m'ooj sia ngan kɨdɨngã mɨta. Kɨtɔ 'nten la ndahn tɔa Lebi 35Lea ndan ngon mad gog ɓaitɔ, ooj kɨdɨngã, na el an: Tajigla m'a m'ndub Bɨraɓe. Kɨtɔ 'nten la ndahn tɔa Juda. Kamla nya ta kooj ngang.
Atualmente Selecionado:
:
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Mbai Bible Revision © Bible Society of Chad, 2015.