Yaɓooda 34
34
Sikem yerr kɨ Dina, ad Simeõ kɨ Lebi ndan ngɨra
1Dina, ngon kɨdẽ kɨ Lea ooja kɨ Jakob, tee aw kad n'ngana kɨ ngan kɨdẽ kɨ dɔningt'n non. 2Sikem, ngon Hamɔr kɨ Hebia, ngar kɨ dɔningt'n non ooa, ɔrra, to sia na tuja. 3Sikem nda kamɨn dɔ Dinat, ngon Jakob kɨdẽ. Tar ngon kɨdẽ'n non, na ɗa ad ngon kɨdẽ kaa ada kamɨn ho. 4Sikem el bɔwɨn Hamɔr an: I taa ngomand'n non adɨm kad i nẽm. 5Jakob oo hoi yerrɨn yerrɨn kɨ Dina, ngonɨn kɨdẽ. Na ngana kɨdɨngã ĩn kam mut kɨ nyakulg, kɨta 'nten Jakob ndɨ tan mbo mbã kad telɨn kamtã.
6Hamɔr, bɔw Sikem, tee aw ro Jakobt kad kɨ nel sia ta. 7Lon ngan Jakob telɨn kam mut ɗen, na oon hoi nyan ɗa nya ye, kamd tuj, kamla, wong ɗad ngãi kɨta Sikem ɗa nya kɨ majal dan ngan Israel, ad to kɨ ngon Jakob. I nya kɨ sumba ɗa al. 8Hamɔr eld ta an: Kam ngonɨm Sikem i dɔ ngonsɨt kɨdẽ ngãi. M'kɔsɨ kɨ adɨna taa nẽnt. 9I hɔjɨn noj kɨtakul taana. Adjɨn ngansɨ kɨdẽ kɨ taad, na i taan nganj kɨdẽ ho. 10A i ndɨn nat sej, lo to kari nõsɨt I ndɨnt, i ɗan gat tit, i telɨn ngénya kamt.
11Sikem el bɔw Dina kɨ ngankõag kɨdɨngã an: Kɨ m'ngaa maj takumsɨt. Na m'a m'adsɨ nya'n a i damɨn. 12I gangɨn nar girra ngãi dɔmt kɨ kadkarig kɨbo, na m'a m'ba nya'n elmɨn, na admɨn ngon kɨdẽ nẽmt 13Ngan Jakob turɨn Sikem kɨ bɔwa Hamɔr ta kɨ lo goolt kɨta Sikem yerr kɨ kõnand Dina. 14Elɨnd anan: J'asɨ ɗa nya 'nten al, kad jad kõnanj taa de kɨkanj jagaj kɨta a i nya kɨ rosɔl rojt. 15J'a kɨ ndig sesɨ lon a i ɗan nya 'nten tã: Kad i tit'n sej be: Kɨ adɨn dekɨdɨngã kɨɗen kusɨt jagaj, kamla j'a kɨ ndig ta losɨ ye. 16Titbe j'a kɨ jadsɨ nganj kɨdẽ kad i taan ho, jĩ j'a kɨ taa ngansɨ kɨdẽ ho, j'a kɨ ndɨ nat sesɨ, na j'a kɨ telɨn girrdeg kɨkɨɗa. 17Na ĩla i ndigɨn koo dɔ ta loj kad i jan gaj al a ne, j'a kɨ j'un ngonj kɨdẽ j'awɨn. 18Ta lod nel Hamɔr kɨ Sikem, ngon Hamɔr. 19Basan non ndɨ kɔkɨ al dɔ nyat'n dana kad ɗa kɨta ngon Jakob kɨdẽ nela ngãi. I de kɨ nga kɔsɨgon tɔi deg tube kam ɓet lo bɔwɨn.
20Hamɔr kɨ ngonɨn Sikem awɨn, ɗan tabit kand kam ɓet lod, na elɨn ta kɨ deg kɨ kam ɓebot lod, anan: 21Deg'n non ndɨn sej kɨ lapia. Ad kɨ jad'd ndɨn kam dɔningt loj, na kɨ ɗan gat tit. Oon dɔning i kɨtat asɨd. J'a kɨ taa ngand kɨdẽ nẽjgt, na j'a kɨ jad'd taan nganj kɨdẽ ho. 22Deg'n non ndɨg ndɨn nat sej kad kɨ tel girrdeg kɨkɨɗa, ĩla dekɨdɨngã kɨɗen kuujt jagaj kamtã, tit'n hã ĩn kɨdɔd jan ne gaj. 23Mangg lod kɨ nyag lod kɨ nyakulg lod tube a ĩn loj ale? Ad kɨ ndigɨn ta lod koon, na a ndɨn sej nat 24Tubeg 'nten kɨtɨga tabit kand kam ɓebot ye, oon dɔ ta lo Hamɔr kɨ ngona Sikem, na dekɨdɨngã kɨɗen'n tee kɨtɨga tabit kand kam ɓebot ye, jana gaj.
25Ndɔ kɨkõmɨta lon dó ndɨ tod ɓaitɔ ye, ngan Jakob kɨdɨngã joo, Simeõ kɨ Lebi, ngankõ Dina, ɔin kiyaɗɔɔg lod, andɨn kam ɓebot kɨkanj ɓool, tɔlɨn dekɨdɨngãg tube. 26Tɔlɨn Hamɔr kɨ ngona Sikem kɨ takat kiyaɗɔɔ, ɔrrɨn Dina kam kujt lo Sikem kɨtɨga, na teen. 27Ngan Jakob son dɔ ngedoogt, na tirɨn ɓebo'n non pur kɨta yerrɨn Hamɔr yerr kɨ kõnand. 28Hɔn batg lod kɨ mangg kɨ korrog ɔin nyag tube kɨ kam ɓebot kɨ nyag tube kɨ kam ndɔɔt. 29Ɔin nyamajg lod tube, hɔn ngandg tube kɨ nẽdg, na tirɨn nyag kɨ kam kujgt pur.
30Kamla Jakob el Simeõ kɨ Lebi an: admɨn kõ, i telɨmɨn nya kɨkootɓoolt ro Kanagt kɨ Perejiag kɨ ngéndɨ dɔningt 'nten Mĩ taa, m'aw kɨ deg tẽbe, na deg'n non a kawɨn na kɨnat ndoormɨn, a ɗɔɔn sem, na a nujɨmɨn, mĩ kɨ ngékɨɓe lom. 31Turɨna anan: Ɗà kõnanj tit kaya dekɨdẽ be ye, i goot a?
Atualmente Selecionado:
Yaɓooda 34: MlL
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Mbai Bible Revision © Bible Society of Chad, 2015.
Yaɓooda 34
34
Sikem yerr kɨ Dina, ad Simeõ kɨ Lebi ndan ngɨra
1Dina, ngon kɨdẽ kɨ Lea ooja kɨ Jakob, tee aw kad n'ngana kɨ ngan kɨdẽ kɨ dɔningt'n non. 2Sikem, ngon Hamɔr kɨ Hebia, ngar kɨ dɔningt'n non ooa, ɔrra, to sia na tuja. 3Sikem nda kamɨn dɔ Dinat, ngon Jakob kɨdẽ. Tar ngon kɨdẽ'n non, na ɗa ad ngon kɨdẽ kaa ada kamɨn ho. 4Sikem el bɔwɨn Hamɔr an: I taa ngomand'n non adɨm kad i nẽm. 5Jakob oo hoi yerrɨn yerrɨn kɨ Dina, ngonɨn kɨdẽ. Na ngana kɨdɨngã ĩn kam mut kɨ nyakulg, kɨta 'nten Jakob ndɨ tan mbo mbã kad telɨn kamtã.
6Hamɔr, bɔw Sikem, tee aw ro Jakobt kad kɨ nel sia ta. 7Lon ngan Jakob telɨn kam mut ɗen, na oon hoi nyan ɗa nya ye, kamd tuj, kamla, wong ɗad ngãi kɨta Sikem ɗa nya kɨ majal dan ngan Israel, ad to kɨ ngon Jakob. I nya kɨ sumba ɗa al. 8Hamɔr eld ta an: Kam ngonɨm Sikem i dɔ ngonsɨt kɨdẽ ngãi. M'kɔsɨ kɨ adɨna taa nẽnt. 9I hɔjɨn noj kɨtakul taana. Adjɨn ngansɨ kɨdẽ kɨ taad, na i taan nganj kɨdẽ ho. 10A i ndɨn nat sej, lo to kari nõsɨt I ndɨnt, i ɗan gat tit, i telɨn ngénya kamt.
11Sikem el bɔw Dina kɨ ngankõag kɨdɨngã an: Kɨ m'ngaa maj takumsɨt. Na m'a m'adsɨ nya'n a i damɨn. 12I gangɨn nar girra ngãi dɔmt kɨ kadkarig kɨbo, na m'a m'ba nya'n elmɨn, na admɨn ngon kɨdẽ nẽmt 13Ngan Jakob turɨn Sikem kɨ bɔwa Hamɔr ta kɨ lo goolt kɨta Sikem yerr kɨ kõnand Dina. 14Elɨnd anan: J'asɨ ɗa nya 'nten al, kad jad kõnanj taa de kɨkanj jagaj kɨta a i nya kɨ rosɔl rojt. 15J'a kɨ ndig sesɨ lon a i ɗan nya 'nten tã: Kad i tit'n sej be: Kɨ adɨn dekɨdɨngã kɨɗen kusɨt jagaj, kamla j'a kɨ ndig ta losɨ ye. 16Titbe j'a kɨ jadsɨ nganj kɨdẽ kad i taan ho, jĩ j'a kɨ taa ngansɨ kɨdẽ ho, j'a kɨ ndɨ nat sesɨ, na j'a kɨ telɨn girrdeg kɨkɨɗa. 17Na ĩla i ndigɨn koo dɔ ta loj kad i jan gaj al a ne, j'a kɨ j'un ngonj kɨdẽ j'awɨn. 18Ta lod nel Hamɔr kɨ Sikem, ngon Hamɔr. 19Basan non ndɨ kɔkɨ al dɔ nyat'n dana kad ɗa kɨta ngon Jakob kɨdẽ nela ngãi. I de kɨ nga kɔsɨgon tɔi deg tube kam ɓet lo bɔwɨn.
20Hamɔr kɨ ngonɨn Sikem awɨn, ɗan tabit kand kam ɓet lod, na elɨn ta kɨ deg kɨ kam ɓebot lod, anan: 21Deg'n non ndɨn sej kɨ lapia. Ad kɨ jad'd ndɨn kam dɔningt loj, na kɨ ɗan gat tit. Oon dɔning i kɨtat asɨd. J'a kɨ taa ngand kɨdẽ nẽjgt, na j'a kɨ jad'd taan nganj kɨdẽ ho. 22Deg'n non ndɨg ndɨn nat sej kad kɨ tel girrdeg kɨkɨɗa, ĩla dekɨdɨngã kɨɗen kuujt jagaj kamtã, tit'n hã ĩn kɨdɔd jan ne gaj. 23Mangg lod kɨ nyag lod kɨ nyakulg lod tube a ĩn loj ale? Ad kɨ ndigɨn ta lod koon, na a ndɨn sej nat 24Tubeg 'nten kɨtɨga tabit kand kam ɓebot ye, oon dɔ ta lo Hamɔr kɨ ngona Sikem, na dekɨdɨngã kɨɗen'n tee kɨtɨga tabit kand kam ɓebot ye, jana gaj.
25Ndɔ kɨkõmɨta lon dó ndɨ tod ɓaitɔ ye, ngan Jakob kɨdɨngã joo, Simeõ kɨ Lebi, ngankõ Dina, ɔin kiyaɗɔɔg lod, andɨn kam ɓebot kɨkanj ɓool, tɔlɨn dekɨdɨngãg tube. 26Tɔlɨn Hamɔr kɨ ngona Sikem kɨ takat kiyaɗɔɔ, ɔrrɨn Dina kam kujt lo Sikem kɨtɨga, na teen. 27Ngan Jakob son dɔ ngedoogt, na tirɨn ɓebo'n non pur kɨta yerrɨn Hamɔr yerr kɨ kõnand. 28Hɔn batg lod kɨ mangg kɨ korrog ɔin nyag tube kɨ kam ɓebot kɨ nyag tube kɨ kam ndɔɔt. 29Ɔin nyamajg lod tube, hɔn ngandg tube kɨ nẽdg, na tirɨn nyag kɨ kam kujgt pur.
30Kamla Jakob el Simeõ kɨ Lebi an: admɨn kõ, i telɨmɨn nya kɨkootɓoolt ro Kanagt kɨ Perejiag kɨ ngéndɨ dɔningt 'nten Mĩ taa, m'aw kɨ deg tẽbe, na deg'n non a kawɨn na kɨnat ndoormɨn, a ɗɔɔn sem, na a nujɨmɨn, mĩ kɨ ngékɨɓe lom. 31Turɨna anan: Ɗà kõnanj tit kaya dekɨdẽ be ye, i goot a?
Atualmente Selecionado:
:
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Mbai Bible Revision © Bible Society of Chad, 2015.