Yaɓooda 35
35
Jakob ɓai Sikemt tel aw Betelt. Luwah njang dɔa
1Luwah el Jakob an: I ɓai aw Betel, i ndɨt nu. I ɗa dɨngɨr kadkari tit ad Luwah kɨ nge tee hɔi kɨ roit, lon ãin ngonkõi Esaw 2Kamla Jakob el ngékɨɓe lon kɨ deg tube'n ĩn nat sia an: I tɔrrɨn luwahg kɨmbah dãsɨt kɔ. Arɨn rosɨ I mbelɨn kubg losɨ 3Ad kɨ ɓai j'awɨn Betelt, kad m'ɗa dɨngɨr kadkari tit nu mad Luwah kɨ ngeturɨm ta ndɔ kamkɔlt lom, na i nat sem dɔ ɗob kawɨmt 4Adɨn Jakob luwahg lod kɨmbahg'n awɨn ne jidt kɨ ningag kɨ mbidt; na Jakob duw nyag'n non girr kag dilt kɨkad ɓebo Sikemt. 5Goot gog awɨn, na Luwah ad ɓool kɨbobe ɗa deg kɨ kam ɓebogt kɨ gugɨn dɔd, ad tuɓan go ngan Jakob al.
6Jakob tee ɓe Lujt kam dɔning Kanat ad i Betel, ĩ kɨ deg tube'n ĩn nat sia. 7Jakob ɗa dɨngɨr kadkari kɨjakɔ tit, na ndah tɔ lon non an: El Betel ad i: Luwah kɨ Betelt kɨta lot'n non la Luwah tee hɔi kɨ roat, lon ãin ngonkõn Esaw. 8Kamla Debora, kõ Rebeka kɨ ngetoa, oi, na duwɨna kad Betelt girr kag dilt kɨ Jakob ndah tɔa Kag dil nõ yo.
9Luwah tee hɔi kɨ ro Jakobt ɓaitɔ, lon ɓain dɔning Padan Aramt, na njang dɔa.
10Luwah ela an:
Tɔi i Jakob:
Na a kunɨn Jakob al ta,
na tɔi i Israel. Titbe la Luwah ada'n tɔ kɨ Israel ye.
11Luwah ela an:
Mĩ Luwah Ngetɔg tube.
Ooj ngang, i bɨla kɨdɔtdɔt,
Girrdeg kɨ kɨ dang dang kɨ koosɨ girrdeg
a teen ko roit,
na ngarg a teen ko kamit.
12M'a m'adi dɔning'n mad Abraham kɨ Isaak,
na m'a mad dɔning 'nten ngakai kɨgoit ho.
13Kamla Luwah ɓai, na nya Jakob kɨ lot'n ela tat nõ. 14Jakob ɗa dɨngɨr mbal ad ɗa dõ kam lot'n Luwah ela tat nõ. I dɨngɨr mbal, ũ kadkari nyakãi dɔt, na urrɨn yib dɔt tɔ. 15Jakob ndah tɔ lon Luwah ela tat an: I Betel.
Kooj Benjami. Koi Rasel
16Jakob kɨ ngékɨɓe lon ɓain Betelt awɨn, na lon ɗob nãi sĩ kad aw teen Epratat ye, ngon to Rasel na tɔa kɨdumbit. 17Lon ngon to Rasel ngãi ye, dekɨdẽ ngegoosɨ kɔrr ngang ela an: Ot ɓool kɨta tajigla a ooj ngon kɨdɨngã mad tɔ. 18Lon koa ndɨ tee, kɨta ndɨ oi ye, ndah tɔ ngonɨn Ben-Oni, ad i ngon ndoo na bɔwa ndah tɔa Benjami, ad i ngon kɨ ko kõt. 19Titbe la Rasel oin ye, na duwɨna bɔg ɗobt kɨ kaw Epratat, ad i Betlehem. 20Jakob ndah mbal pilie dɔɓadat, ad i mbal pilie dɔɓad Rasel mbã ɓone.
21Kamla Israel tɔi aw gid kuj ngomlot kɨ Eder, na ɗa kujkub lon tit nu.
Ngan Jakob kɨlah gidaijoo
22Lon Israel ndɨ dɔningt'n non ye, Ruben aw ro Bilat, ɓer kɨ ne bɔwɨn, to sia, na Israel oo taa. Ngan Jakob kɨdɨngã ĩn kɨlah gidaijoo.
23Ngan Lea kɨdɨngã ĩn Ruben ngonderr Jakob kɨ Simeõ kɨ Lebi kɨ Juda kɨ Isakar kɨ Jabulon. 24Ngan Rasel kɨdɨngã ĩn Jojep kɨ Benjami. 25Ngan Bila kɨdɨngã, ɓer lo Rasel, ĩn Dan kɨ Neptali. 26Ngan Jilpa kɨdɨngã, ɓer lo Lea, ĩn Gad kɨ Ajer. Ĩgɨn non la ĩn ngan kɨdɨngãg'n oojɨnd adɨn Jakob dɔning Padan Aramt ye.
Jakob tel kɨɓe lo bɔwɨn. Koi Isaak
27Jakob ɗe ro bɔwɨn Isaakt Mamre, i ɓebo lo Arba, tɔa i Hebrõ'n. Lot'n non Abraham kɨ Isaak hɔn londɨt kete. 28Ɓal Isaak i ɓu kɨ dɔjijoo. 29Ko Isaak tee, ad oi, aw ro degt lon, Isaak tel bɨga bugum, ɓalag ĩn ngãi. Na ngana Esaw kɨ Jakob duwɨna.
Atualmente Selecionado:
Yaɓooda 35: MlL
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Mbai Bible Revision © Bible Society of Chad, 2015.
Yaɓooda 35
35
Jakob ɓai Sikemt tel aw Betelt. Luwah njang dɔa
1Luwah el Jakob an: I ɓai aw Betel, i ndɨt nu. I ɗa dɨngɨr kadkari tit ad Luwah kɨ nge tee hɔi kɨ roit, lon ãin ngonkõi Esaw 2Kamla Jakob el ngékɨɓe lon kɨ deg tube'n ĩn nat sia an: I tɔrrɨn luwahg kɨmbah dãsɨt kɔ. Arɨn rosɨ I mbelɨn kubg losɨ 3Ad kɨ ɓai j'awɨn Betelt, kad m'ɗa dɨngɨr kadkari tit nu mad Luwah kɨ ngeturɨm ta ndɔ kamkɔlt lom, na i nat sem dɔ ɗob kawɨmt 4Adɨn Jakob luwahg lod kɨmbahg'n awɨn ne jidt kɨ ningag kɨ mbidt; na Jakob duw nyag'n non girr kag dilt kɨkad ɓebo Sikemt. 5Goot gog awɨn, na Luwah ad ɓool kɨbobe ɗa deg kɨ kam ɓebogt kɨ gugɨn dɔd, ad tuɓan go ngan Jakob al.
6Jakob tee ɓe Lujt kam dɔning Kanat ad i Betel, ĩ kɨ deg tube'n ĩn nat sia. 7Jakob ɗa dɨngɨr kadkari kɨjakɔ tit, na ndah tɔ lon non an: El Betel ad i: Luwah kɨ Betelt kɨta lot'n non la Luwah tee hɔi kɨ roat, lon ãin ngonkõn Esaw. 8Kamla Debora, kõ Rebeka kɨ ngetoa, oi, na duwɨna kad Betelt girr kag dilt kɨ Jakob ndah tɔa Kag dil nõ yo.
9Luwah tee hɔi kɨ ro Jakobt ɓaitɔ, lon ɓain dɔning Padan Aramt, na njang dɔa.
10Luwah ela an:
Tɔi i Jakob:
Na a kunɨn Jakob al ta,
na tɔi i Israel. Titbe la Luwah ada'n tɔ kɨ Israel ye.
11Luwah ela an:
Mĩ Luwah Ngetɔg tube.
Ooj ngang, i bɨla kɨdɔtdɔt,
Girrdeg kɨ kɨ dang dang kɨ koosɨ girrdeg
a teen ko roit,
na ngarg a teen ko kamit.
12M'a m'adi dɔning'n mad Abraham kɨ Isaak,
na m'a mad dɔning 'nten ngakai kɨgoit ho.
13Kamla Luwah ɓai, na nya Jakob kɨ lot'n ela tat nõ. 14Jakob ɗa dɨngɨr mbal ad ɗa dõ kam lot'n Luwah ela tat nõ. I dɨngɨr mbal, ũ kadkari nyakãi dɔt, na urrɨn yib dɔt tɔ. 15Jakob ndah tɔ lon Luwah ela tat an: I Betel.
Kooj Benjami. Koi Rasel
16Jakob kɨ ngékɨɓe lon ɓain Betelt awɨn, na lon ɗob nãi sĩ kad aw teen Epratat ye, ngon to Rasel na tɔa kɨdumbit. 17Lon ngon to Rasel ngãi ye, dekɨdẽ ngegoosɨ kɔrr ngang ela an: Ot ɓool kɨta tajigla a ooj ngon kɨdɨngã mad tɔ. 18Lon koa ndɨ tee, kɨta ndɨ oi ye, ndah tɔ ngonɨn Ben-Oni, ad i ngon ndoo na bɔwa ndah tɔa Benjami, ad i ngon kɨ ko kõt. 19Titbe la Rasel oin ye, na duwɨna bɔg ɗobt kɨ kaw Epratat, ad i Betlehem. 20Jakob ndah mbal pilie dɔɓadat, ad i mbal pilie dɔɓad Rasel mbã ɓone.
21Kamla Israel tɔi aw gid kuj ngomlot kɨ Eder, na ɗa kujkub lon tit nu.
Ngan Jakob kɨlah gidaijoo
22Lon Israel ndɨ dɔningt'n non ye, Ruben aw ro Bilat, ɓer kɨ ne bɔwɨn, to sia, na Israel oo taa. Ngan Jakob kɨdɨngã ĩn kɨlah gidaijoo.
23Ngan Lea kɨdɨngã ĩn Ruben ngonderr Jakob kɨ Simeõ kɨ Lebi kɨ Juda kɨ Isakar kɨ Jabulon. 24Ngan Rasel kɨdɨngã ĩn Jojep kɨ Benjami. 25Ngan Bila kɨdɨngã, ɓer lo Rasel, ĩn Dan kɨ Neptali. 26Ngan Jilpa kɨdɨngã, ɓer lo Lea, ĩn Gad kɨ Ajer. Ĩgɨn non la ĩn ngan kɨdɨngãg'n oojɨnd adɨn Jakob dɔning Padan Aramt ye.
Jakob tel kɨɓe lo bɔwɨn. Koi Isaak
27Jakob ɗe ro bɔwɨn Isaakt Mamre, i ɓebo lo Arba, tɔa i Hebrõ'n. Lot'n non Abraham kɨ Isaak hɔn londɨt kete. 28Ɓal Isaak i ɓu kɨ dɔjijoo. 29Ko Isaak tee, ad oi, aw ro degt lon, Isaak tel bɨga bugum, ɓalag ĩn ngãi. Na ngana Esaw kɨ Jakob duwɨna.
Atualmente Selecionado:
:
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Mbai Bible Revision © Bible Society of Chad, 2015.