Maroko 13
13
O Pipali'ayaw to Saka Pleng no Fangcalay Pita'ongan
(Matay 24.1-2; Luka 21.5-6)
1Yo masadak ci Yis a miliyas to Fangcalay Pita'ongan i, sowal sa ko ccay a nisawawaan i Cingraan, <<Singsiaw, wata: ko nika tadamaan nonini a fokloh atonini a loma'!>> han ningra.
2Pasowal sa ci Yis, <<Mahmek kamo a minengneng tonini a tata'angay a loma' haw? o mamapleng a ma^min konini a mapatirengay a fokloh, o a awato ko ccaccay a fokloh i kafkang no roma a fokloh,>> han Ningra.
O Pades ato Kari'ang
(Matay 24.3-14; Luka 21.7-19)
3Yo maro' ci Yis i Olif a lotok a pasayra i Fangcalay Pita'ongan i, dokdok sa ca Pitiro aci Yakop aci Yohani aci Antiri a milicay i ci Yisan, 4<<Ano hacowa a ira konini a dmak? Ano o mamalahcito konini a dmak a ma^min i, o maan ko kacipinangan niyam a mafana' saw? Pasowalen kami,>> han nangra.
5Saka, sowal sa ci Yis i cangraan, <<Pina'on kamo. Aka ka sa'fit no tamdaw. 6O aira ko 'alomanay a tamdaw a micaliw to ngangan Ako. Sowal asa, <Ci Kristo kako>, o sasaan cangra a misa'fit to 'alomanay a tamdaw. 7Ano matngil namo ko nika ira no i ngataay a kalalood ato iraayay a lihaf to pakayniay i kalalood, aka ka rawraw ko faloco' namo. Nawhani o airaira aca konini a dmak. Nikawrira, caayho ko pahrekan no hkal itiya. 8O mamalaloolood ko finawlan ato finawlan. O mamasasi'ada'ada ko kitakit ato kitakit. O aira ko lonen ato kdal i cowacowa. Onini a dmak a ma^min i, o satapangan no tata'angay a pades a matiya o pisemsem no ma'at'atay.
9<<Pina'on kamo. Tona o mitooray kamo i Takowanan saka, o mamapatorod kamo i piliclican. O mamasti' kamo i kasa'opoan a loma'. O mamapatayra kamo i ka'ayaw no mikowanay ato hongtingti. Onini i, o sakanga'ay namo a pawacay to Nga'ayay Ratoh. 10Nikawrira, i 'ayaw nonini a dmak i, caay ka ^ca o mamapatnak ko Nga'ayay Ratoh i polong no finawlan i kasakitakit. 11Yo marpet nangra kamo a mapatorod i piliclican i, aka ka i 'ayaw a marawraw to o maan ko sasowalen, itiya to i, ano o maan ko nitoro'an no Kawas i, orira ko sasowalen namo. Nawhani caay ko no tked namo ko sasowalen, o nano pikrid no Fangcalay 'Adingo ko saka somowal namo. 12Itiya i, o salikaka ningra ko mamipatorod i mipatayay a tamdaw to salikaka ningra. O mama ningra ko mamipatorod i mipatayay a tamdaw to wawa ningra. O papacoli ko wawa to mama ato ina ningra a papipatay to tamdaw i cangraan. 13Tona mitoor kamo i Takowanan i, o mamaka'intel no tamdaw a ma^min kamo. Nikawrira, o pakahadidiay a tamdaw tahira i pahrekan i, o mamapa'orip.
O Tata'angay a Pades
(Matay 24.15-28; Luka 21.20-24)
14<<O mama'araw namo ko nika tomireng noya <Kaka'osian a mihadefekay,> itira i caay ko katomirengan nira. (Kafana' ko miasipay a tamdaw to tatodong nonini a sowal). Itiya i, pilaliw kamo o i Yutaya a tamdamdaw a talalotok. 15Ano i fadahongay kiso i, aka ka ^pod a micomod i loma' a miala to maamaan. 16Ano i omahay kiso i, aka pinokay i loma' a miala to kafafang iso. 17Itiya toya romi'ad i, tada o kasini'adaan ko cipoyapoyay a fafahiyan ato ciwawaay a wina to micocoayho a wawa. 18Pitolon kamo to saka^caaw ka tama i kasi^nawan konini a dmak. 19Nawhani oya aira a pades toya romi'ad i, awaho ko hatiniay a nika tata'ang no pades nai satapangan no nipisanga' no Kawas to hkal a tahanini. O a awato i ikor ko hatiniay a pades. 20Ano caay lowanen no Tapang koya kapadesan a romi'ad i, awaay ko mamapa'orip to ccaccay aca a tamdaw. Nikawrira, malowanto no Tapang koya romi'ad to saki nipili'an Ningra a finawlan.
21<<Itiya toya romi'ad i, ano ira ko somowalay i tamowanan, <Nengnengen, ini ci Kristo! Nengnengen, itiraw ci Kristo!> ano saasaan i, aka paso'lin to sowal ningra. 22Nawhani o aira ko mangah a Kristo ato mangah a pali'ayaway to sowal no Kawas. Ano mama^deng i, sa'fitaw ako ko nipili'an no Kawas a finawlan saan cangra saka, midmak cangra to kafahka'an a dmak a patiri' to 'icel nangra. 23Pina'on kamo! Mapali'ayawto Ako kamo a somowal tonini a dmak a ma^min.
O Pili'ayaw no Wawa no Tamdaw a Tayni
(Matay 24.29-31; Luka 21.25-28)
24<<I ikor nonini a kapadesan a romi'ad i, o tato'man ko cidal. Caayto ko mamalikat ko folad. 25O mamatfad ko fo'is nai kakarayan. O mamangernger ko polong no kakakafikafit no kakarayan. 26Itiya i, o mama'araw no tamdamdaw ko nika o tadaci'icelay, o ci'dilay koya Wawa no Tamdaw a pakato'em a tayni. 27Ocoren Ningra ko coyoh a patayra i ka'amis katimol kawali ka^tip, ta pasa'opoen nangra ko nai cowacowaay no hkal a nipili'an Ningra a finawlan.
O Sifana' to Sokon a Kilang
(Matay 24.32-35; Luka 21.29-33)
28<<Kafana' kamo to pakayniay i sokon a kilang a tinako. Yo masadak ko lo^ngelay a co'ong a cipapah ko ca'ang i, mangatato ko kacihrangan saan kamo a mafana'. 29Malcad tonini, ano mahapinang namo ko nika ira nonini a dmak i,#13.29 ira nonini a dmak i, -- ano ^ca i, o tatayni to Cingra. itiya a mafana' kamo to nika o mingataayto Cingra to fawahan. 30So'linen Ako a somowal kamo, o mamalahci ko polong nonini a dmak i 'ayaw no nika patay no aniniay a tamdaw. 31O mamalasawad ko kakarayan ato sra. Nikawrira, caay ko mamalasawad ko sowal Ako.
Awaay ko Mafana'ay toya Romi'ad atoya Toki
(Matay 24.36-44)
32<<Nikawrira, o pakayniay toya mamaraod a romi'ad atoya tatokian i, awaay ko ccaccay aca a mafana'ay a tamdaw, halocoyocoyoh no kakarayan a caay ka fana', halo Wawa a caay ka fana', dengan o Wama a Kawas ko mafana'ay. 33Pina'on. Kapalal kamo. Nawhani mafokil kamo to nika ano hacowa aira koya romi'ad. 34Onini a dmak i, malcad to dmak no palafangay a tamdaw i roma a kitakit. Yo tala'ayaw a lomowad cingra i, patatodongen ningra ko kahaccaccay no koli ningra to tatayalen a papikowan. Kapalal kiso, han ningra a palimo'ot ko misimaway to fawahan. 35Orasaka, kapalal kamo, nawhani caay ka fana' kamo to nika ano hakowa a minokay ko tawki no loma'. Alatek o dadaya, o lafii, o kaniharan, o kasadakan no cidal. 36Latek talifahal sa a minokay cingra. Saka, caay ka nga'ay a ma'araw ningra ko nika foti' namo. 37Orasaka, kapalal kamo. Onini a nisowalan Ako i tamowanan i, o sasowalen Ako i tamdaw a ma^min,>> han ni Yis.
Atualmente Selecionado:
Maroko 13: AMIS2019
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
© The Bible Society in Taiwan, 2019
Maroko 13
13
O Pipali'ayaw to Saka Pleng no Fangcalay Pita'ongan
(Matay 24.1-2; Luka 21.5-6)
1Yo masadak ci Yis a miliyas to Fangcalay Pita'ongan i, sowal sa ko ccay a nisawawaan i Cingraan, <<Singsiaw, wata: ko nika tadamaan nonini a fokloh atonini a loma'!>> han ningra.
2Pasowal sa ci Yis, <<Mahmek kamo a minengneng tonini a tata'angay a loma' haw? o mamapleng a ma^min konini a mapatirengay a fokloh, o a awato ko ccaccay a fokloh i kafkang no roma a fokloh,>> han Ningra.
O Pades ato Kari'ang
(Matay 24.3-14; Luka 21.7-19)
3Yo maro' ci Yis i Olif a lotok a pasayra i Fangcalay Pita'ongan i, dokdok sa ca Pitiro aci Yakop aci Yohani aci Antiri a milicay i ci Yisan, 4<<Ano hacowa a ira konini a dmak? Ano o mamalahcito konini a dmak a ma^min i, o maan ko kacipinangan niyam a mafana' saw? Pasowalen kami,>> han nangra.
5Saka, sowal sa ci Yis i cangraan, <<Pina'on kamo. Aka ka sa'fit no tamdaw. 6O aira ko 'alomanay a tamdaw a micaliw to ngangan Ako. Sowal asa, <Ci Kristo kako>, o sasaan cangra a misa'fit to 'alomanay a tamdaw. 7Ano matngil namo ko nika ira no i ngataay a kalalood ato iraayay a lihaf to pakayniay i kalalood, aka ka rawraw ko faloco' namo. Nawhani o airaira aca konini a dmak. Nikawrira, caayho ko pahrekan no hkal itiya. 8O mamalaloolood ko finawlan ato finawlan. O mamasasi'ada'ada ko kitakit ato kitakit. O aira ko lonen ato kdal i cowacowa. Onini a dmak a ma^min i, o satapangan no tata'angay a pades a matiya o pisemsem no ma'at'atay.
9<<Pina'on kamo. Tona o mitooray kamo i Takowanan saka, o mamapatorod kamo i piliclican. O mamasti' kamo i kasa'opoan a loma'. O mamapatayra kamo i ka'ayaw no mikowanay ato hongtingti. Onini i, o sakanga'ay namo a pawacay to Nga'ayay Ratoh. 10Nikawrira, i 'ayaw nonini a dmak i, caay ka ^ca o mamapatnak ko Nga'ayay Ratoh i polong no finawlan i kasakitakit. 11Yo marpet nangra kamo a mapatorod i piliclican i, aka ka i 'ayaw a marawraw to o maan ko sasowalen, itiya to i, ano o maan ko nitoro'an no Kawas i, orira ko sasowalen namo. Nawhani caay ko no tked namo ko sasowalen, o nano pikrid no Fangcalay 'Adingo ko saka somowal namo. 12Itiya i, o salikaka ningra ko mamipatorod i mipatayay a tamdaw to salikaka ningra. O mama ningra ko mamipatorod i mipatayay a tamdaw to wawa ningra. O papacoli ko wawa to mama ato ina ningra a papipatay to tamdaw i cangraan. 13Tona mitoor kamo i Takowanan i, o mamaka'intel no tamdaw a ma^min kamo. Nikawrira, o pakahadidiay a tamdaw tahira i pahrekan i, o mamapa'orip.
O Tata'angay a Pades
(Matay 24.15-28; Luka 21.20-24)
14<<O mama'araw namo ko nika tomireng noya <Kaka'osian a mihadefekay,> itira i caay ko katomirengan nira. (Kafana' ko miasipay a tamdaw to tatodong nonini a sowal). Itiya i, pilaliw kamo o i Yutaya a tamdamdaw a talalotok. 15Ano i fadahongay kiso i, aka ka ^pod a micomod i loma' a miala to maamaan. 16Ano i omahay kiso i, aka pinokay i loma' a miala to kafafang iso. 17Itiya toya romi'ad i, tada o kasini'adaan ko cipoyapoyay a fafahiyan ato ciwawaay a wina to micocoayho a wawa. 18Pitolon kamo to saka^caaw ka tama i kasi^nawan konini a dmak. 19Nawhani oya aira a pades toya romi'ad i, awaho ko hatiniay a nika tata'ang no pades nai satapangan no nipisanga' no Kawas to hkal a tahanini. O a awato i ikor ko hatiniay a pades. 20Ano caay lowanen no Tapang koya kapadesan a romi'ad i, awaay ko mamapa'orip to ccaccay aca a tamdaw. Nikawrira, malowanto no Tapang koya romi'ad to saki nipili'an Ningra a finawlan.
21<<Itiya toya romi'ad i, ano ira ko somowalay i tamowanan, <Nengnengen, ini ci Kristo! Nengnengen, itiraw ci Kristo!> ano saasaan i, aka paso'lin to sowal ningra. 22Nawhani o aira ko mangah a Kristo ato mangah a pali'ayaway to sowal no Kawas. Ano mama^deng i, sa'fitaw ako ko nipili'an no Kawas a finawlan saan cangra saka, midmak cangra to kafahka'an a dmak a patiri' to 'icel nangra. 23Pina'on kamo! Mapali'ayawto Ako kamo a somowal tonini a dmak a ma^min.
O Pili'ayaw no Wawa no Tamdaw a Tayni
(Matay 24.29-31; Luka 21.25-28)
24<<I ikor nonini a kapadesan a romi'ad i, o tato'man ko cidal. Caayto ko mamalikat ko folad. 25O mamatfad ko fo'is nai kakarayan. O mamangernger ko polong no kakakafikafit no kakarayan. 26Itiya i, o mama'araw no tamdamdaw ko nika o tadaci'icelay, o ci'dilay koya Wawa no Tamdaw a pakato'em a tayni. 27Ocoren Ningra ko coyoh a patayra i ka'amis katimol kawali ka^tip, ta pasa'opoen nangra ko nai cowacowaay no hkal a nipili'an Ningra a finawlan.
O Sifana' to Sokon a Kilang
(Matay 24.32-35; Luka 21.29-33)
28<<Kafana' kamo to pakayniay i sokon a kilang a tinako. Yo masadak ko lo^ngelay a co'ong a cipapah ko ca'ang i, mangatato ko kacihrangan saan kamo a mafana'. 29Malcad tonini, ano mahapinang namo ko nika ira nonini a dmak i,#13.29 ira nonini a dmak i, -- ano ^ca i, o tatayni to Cingra. itiya a mafana' kamo to nika o mingataayto Cingra to fawahan. 30So'linen Ako a somowal kamo, o mamalahci ko polong nonini a dmak i 'ayaw no nika patay no aniniay a tamdaw. 31O mamalasawad ko kakarayan ato sra. Nikawrira, caay ko mamalasawad ko sowal Ako.
Awaay ko Mafana'ay toya Romi'ad atoya Toki
(Matay 24.36-44)
32<<Nikawrira, o pakayniay toya mamaraod a romi'ad atoya tatokian i, awaay ko ccaccay aca a mafana'ay a tamdaw, halocoyocoyoh no kakarayan a caay ka fana', halo Wawa a caay ka fana', dengan o Wama a Kawas ko mafana'ay. 33Pina'on. Kapalal kamo. Nawhani mafokil kamo to nika ano hacowa aira koya romi'ad. 34Onini a dmak i, malcad to dmak no palafangay a tamdaw i roma a kitakit. Yo tala'ayaw a lomowad cingra i, patatodongen ningra ko kahaccaccay no koli ningra to tatayalen a papikowan. Kapalal kiso, han ningra a palimo'ot ko misimaway to fawahan. 35Orasaka, kapalal kamo, nawhani caay ka fana' kamo to nika ano hakowa a minokay ko tawki no loma'. Alatek o dadaya, o lafii, o kaniharan, o kasadakan no cidal. 36Latek talifahal sa a minokay cingra. Saka, caay ka nga'ay a ma'araw ningra ko nika foti' namo. 37Orasaka, kapalal kamo. Onini a nisowalan Ako i tamowanan i, o sasowalen Ako i tamdaw a ma^min,>> han ni Yis.
Atualmente Selecionado:
:
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
© The Bible Society in Taiwan, 2019