Maroko 14
14
O Pisahalaka to Sapipatayaw ci Yisan
(Matay 26.1-5; Luka 22.1-2; Yohani 11.45-53)
1Tosato a romi'ad ta maraod ko Pita'lifan ato Ka^caan Pipatamod to ^Pang a Lisin. Misahalaka ko kakridan no citodongay to ta'ong ato pasifana'ay to Rikec to sapidokdokaw a mirpet a mipatay ci Yisan. 2Sowal sa cangra, <<Caay ka nga'ay i pisalisinan a romi'ad a mirpet, ta caay ka palowad ko saka rawraw no finawlan,>> saan.
Mapaloso' to Simal ci Yis i Pitani
(Matay 26.6-13; Yohani 12.1-8)
3Yo itira i Pitani ci Yis i, itira Cingra i loma' ni Simon o nano malono'ay. Yo komaen ci Yis i, ira a tayra ko ccay a fafahiyan a mitatoy to cipinaroay a 'atomo to tadamatkesay a fangsisay a simal no narto. 'Ari han ningra koya 'atomo, ta paloso' han ningra i fongoh ni Yis koya fangsisay a simal. 4Nikawrira, ira itira ko papinapina a tamdaw a masasowasowal, <<Nawiro haenen a misaloya kora fangsisay a simal saw? 5Ano pacakayen kora fangsisay a simal i, kona ikaka no tolo a so'ot (300) no tinali#14.5 tinali -- tiri'en i Matay 18.28. ko tatodong nonini, ta malosapafli i pakoyoc a tamdaw!>> saan cangra. Saka, kakter hanto nangra koya fafahiyan.
6Nikawrira, sowal sato ci Yis, <<Aka lalangen cingra. Nawiro pakasmeren namo ko faloco' ningra saw? O nga'ayay konini a dmak ningra to saki Takowanan. 7Nawhani mararid a ira i tatihi namo ko pakoyoc a tamdaw. Ano sapipadamaan kamo i cangraan i, ano hacowato i, manga'ayto a mipadama kamo. Nikawrira, caay ko mamida'oc a ira Kako i tatihi namo. 8Malahciay nonini a fafahiyan ko mafiloay ningra. O pipatala ningra to sapitadem i Takowanan saka, pali'ayaw cingra a paloso' to simal i tireng Ako. 9So'linen Ako a somowal kamo, ano i cowacowato a mapatnak ko Nga'ayay Ratoh i polong no hkal i, o papasowalen no tamdamdaw ko dmak nonini a fafahiyan, to sapiharatengaw i cingraan,>> han ni Yis.
O Pipacakay ni Yuta ci Yisan
(Matay 26.14-16; Luka 22.3-6)
10Itiyasato, tayra i kakridan no citodongay to ta'ong ko ccay no tosaay ko safaw a tarokos ni Yis, ci Yuta no Iskariyot to sapipacakayaw ci Yisan i cangraan. 11Rahker sa cangra a mitngil tonini a sowal ni Yuta. Saka, kton sato cangra to sowal to sapafliaw i cingraan to payso. Nanitiya a misa'imer ci Yuta to kanga'ayan a romi'ad to sapacakayaw ci Yisan.
O Pitahka na Yis to Pita'lifan a Lisin
(Matay 26.17-25; Luka 22.7-14, 21-23; Yohani 13.21-30)
12O sa'ayaway a romi'ad to Ka^caan Pipatamod to ^Pang a Lisin, oya pipacokan to tofor a siri to saki Pita'lifan a Lisin i, licayen no nisawawaan ci Yis, <<I cowa ko kangalayan Iso to pipatalaan niyam to malo no Miso a tahka to saki Pita'lifan a Lisin saw?>> han nangra.
13Saka, ocor han ni Yis ko tatosa a nisawawaan, palimo'ot i cangraan, <<Yo micomod kamo to niyaro', o mamalitmoh namo ko ccay a mi'orongay a tamdaw to ciparoay to nanom a koreng, haklongen cingra. 14Ano i cowa ko nicomodan ningra a loma' i, licayen ko tawki noya loma' <I cowa ko malokamaro'an Ako a mapolong ato nisawawaan a komaen to saki Pita'lifan a Lisin sanay ko Singsi,> han a milicay. 15Ta pa'arawen ningra kamo to ccay a tata'angay a rawang i sakatosa a tingroh no loma', malkairaira ko lalosidan a mapatala itira. Kaitira kamo a mipatala to saki titaanan,>> han ni Yis cangra a miocor.
16Saka, lowad sato koya tatosa a nisawawaan a tayra i niyaro'. Mado^do koya sowal ni Yis. Saka, patala sato cangra itira to tahka to saki Pita'lifan a Lisin.
17Yo pisakalafianto i, malahaklong ci Yis ato tosa ko safaw a tarokos a tayra. 18Yo maro' a mitahka cangra a komaen i, sowal sa ci Yis, <<So'linen Ako a somowal kamo, ira i tamowanan ko ccay a mamipacakay i Takowanan, o mikapotay cingra i titaanan a komaen,>> han Ningra.
19Rarom sa ko nisawawaan a somowal, <<Kako haw? Kako haw?>> saan a mahaccaccay a milicay i Cingraan.
20Paca'of sa ci Yis, <<O ccay namo o tosa ko safaw, oya milcaday Takowanan a mitnas to ^pang i kaysing a tamdaw. 21Mato nika tilid i Fangcalay Cudad to pakayniay i sakapatay no Wawa no Tamdaw. Nikawrira, o cacilafo ko pacakayay to Wawa no Tamdaw. O nika ^ca kahofoc nonini a tamdaw ko nga'ay,>> han ni Yis.
O Saki Tapang a Lafi
(Matay 26.26-30; Luka 22.14-20; 1 Korinto 11.23-25)
22Yo komaen cangra i, tatoy sa ci Yis to ^pang. Kansiya sa Cingra to Kawas, ta pcih han Ningra a pafli i nisawawaan a somowal, <<Dada alaen a komaen. O tireng Ako konini,>> han Ningra.
23O romasato, mitatoy ci Yis to takid. Kansiya sa Cingra to Kawas, ta pafli i cangraan. Minanomto cangra a ma^min tonini. 24Pasowal sa ci Yis i cangraan, <<O lalowadan no nika tatlek ato Kawas a masadakay a rmes Ako to saki 'alomanay a tamdaw konini. 25So'linen Ako a somowal kamo, caayto piliyaw Kako a komaen to ^pah no fadisoso' tangasa i kakomaenan Ako to fa^lohay a takid i Kitakit no Kawas,>> han Ningra.
26Yo mahrek cangra a pa'olic a romadiw i, sadak sato cangra a tayra i Olif a lotok.
O Pipali'ayaw ni Yis to Pihakeno ni Pitiro
(Matay 26.31-35; Luka 22.31-34; Yohani 13.36-38)
27Itiyasato, pasowal ci Yis i cangraan, <<O mamilaliw kamo a ma^min i Takowanan. <Nawhani paloen Ako ko pakaenay to siri. Ta maliwasak ko siri,> saan ko sowal a matilid i Fangcalay Cudad. 28Nikawrira, ano lomowadto Kako a ma'orip nai patay i, o a i 'ayaw namo Kako a tayra i Kalili,>> han Ningra.
29Sowal sa ci Pitiro, <<Ano milalilaliw cangra a ma^min i Tisowanan i, caay ko mamiliyas kako i Tisowanan,>> han ningra.
30Pasowal sa ci Yis i ci Pitiroan, <<So'linen Ako a somowal kiso, anini a dadaya i 'ayaw no sakinatosa no 'ayam a maskak i, wa kinatolo kiso a mihakeno i Takowanan,>> han Ningra.
31Sa'icel sa ci Pitiro a somowal, <<Ano mapakapokapot kako i Tisowanan a mapatay i, caay ko mamihakeno kako i Tisowanan,>> han ningra.
Mahaen ko sowal no nisawawaan a ma^min.
O Pitolon i Kisimani
(Matay 26.36-46; Luka 22.39-46)
32Tayra sato cangra i Kisimani. Pasowal ci Yis to nisawawaan Ningra, <<Tayra Kako a mitolon, kaitini kamo a maro' a mitala,>> han Ningra. 33Ta krid han Ningra ci Pitiro aci Yakop aci Yohani a malahaklong a tayra. Ksem sa ko faloco' Ningra a mararom. 34Sowal sa Cingra i cangraan, <<Hato mamapatayto Kako to nika tata'ang no rarom no faloco' Ako. Kaitini kamo a mitala, kapalal ito!>> han Ningra.
35Ta tala'a'ayaw sa ci Yis to mamang. Hinokop sa Cingra i sra a milongoc to Kawas, ano mama^deng i, aka papilifeten Cingra tonini a pades. 36Sowal sa Cingra, <<Ama: Wamaaw! Mafilo Iso ko maamaan a dmak a ma^min. Nanay paliyasen Iso konini a 'anengeray a takid! Nikawrira, aka ka o no Mako a harateng ko tatooren. Ka o no Miso a nafaloco'an ko lalahcien,>> saan Cingra.
37Ta patiko sa ci Yis a tayra i tatoloay a nisawawaan Ningra. Ma'araw Ningra ko nika foti' nangra. Sowal sa Cingra ci Pitiroan, <<Simonaw, mafoti' kiso haw? Caay pakafilofilo kiso a mapalal to ccaccay aca a tatokian saw? 38Kapalal kamo a mitolon to saka^caaw ka sawi namo. Talacowa mangalay ko faloco' namo, nikawrira, rarima ko tireng namo,>> han ni Yis cangra.
39Tayra haca Cingra, toyanan to a sowal ko pitolon. 40Ta patiko haca Cingra i nisawawaan, manengneng ko nikafoti' haca nangra. Nawhani tadamatokatok cangra, mafokilto cangra to sapaca'of ci Yisan.
41Yo tayra haca ci Yis to sakinatolo i, sowal sa i cangraan, <<Mafoti'ho, pahanhanho kamo saw? Nengnengen, maraodayto ko toki, o mamapacakay ko Wawa no Tamdaw i kamay no ciraraway a tamdaw! 42Kalomowad, tatata, tayra kita. Nengnengen, irato a miraod ko pacakayay i Takowanan a tamdaw!>> han Ningra.
Marpet ci Yis
(Matay 26.47-56; Luka 22.47-53; Yohani 18.3-12)
43Yo somowalho ci Yis i, irato a miraod ko ccay no tosa ko safaw a tarokos ci Yuta. Mihaklong i cingraan ko mitatoyay to fonos ato sapalo a finawlan. O niocoran no kakridan no citodongay to ta'ong ato pasifana'ay to Rikec ato kalas no niyaro' cangra. 44Pa'ayawen noya pacakayay ci Yisan a tamdaw a pasowal cangra to kacipinangan. <<Oya nicocopan ako a tamdaw i, Cingra ko rarpeten namo. Songila'en a mikayat Cingra,>> han ningra.
45Tahira ci Yuta i, tangsol sa a micopa ci Yisan, lkal sa, <<Singsiaw,>> saan a micocop i Cingraan. 46Saka, rpet hanto nangra ci Yis a mipalit. 47Itiya i, sodoc sa to fonos ko ccay no tomirengay i tatihi ni Yis a tamdaw a mico'ay to koli no sakakaay a citodongay to ta'ong a mikrit to tatihi a tangila ningra. 48Pasowal sa ci Yis i cangraan, <<Samato mico'ayay sa to kokong a cifonos, cisapalo kamo a tayni a mirpet i Takowanan saw? 49Mikapot Kako i tamowanan to romi'ami'ad i Fangcalay Pita'ongan a pasifana' i tamdamdaw i, caay pirpet kamo i Takowanan. Nikawrira, o mamalahci ko sowal no Fangcalay Cudad,>> han Ningra.
50Itiya i, alapkapkaw sato ko nisawawaan a ma^min a miliyas i Cingraan.
51Ira ko ccay a kapah. Deng o nisanga'an to kliw a kiradom ko sapitafo ningra to tireng ningra. Mikotod cingra ci Yisan. Rpetaw sa ko tamdamdaw i cingraan i, 52falah han ningra koya kiradom a mawacay a milaliw.
Masawkit i Pilaocan
(Matay 26.57-68; Luka 22.54-55, 63-71; Yohani 18.13-14, 19-24)
53Krid hanto nangra ci Yis a patayra i loma' no sakakaay a citodongay to ta'ong. Masa'opo itira a ma^min ko kakridan no citodongay to ta'ong ato kalas no niyaro' ato pasifana'ay to Rikec. 54Pakaraaraay sa ci Pitiro a mikotod i ci Yisan, tangasa i potal no loma' no sakakaay a citodongay to ta'ong. Misakapokapot cingra to midipangay a tayring a maro' a miringo. 55O sapastekaw nangra ci Yisan i patay saka, mikilim ko kakridan no citodongay to ta'ong ato polong no lomaocay to sapakokot a wacay to dmak ni Yis. 'Arawhani, awaay a matama nangra ko maamaan a sakacipinang. 56Talacowa 'aloman ko pacfaay a pawacay to pakayniay i Cingraan, nikawrira, caay ka tatama ko nipawacayan nangra.
57Itiya i, tireng sa ko papinapina a tamdaw a patdo a pawacay to pakayniay i ci Yisan. Sowal sa, 58<<Matngil niyam ko sowal Ningra. <Plengen Ako konini a nano nisanga'an no tamdaw a Fangcalay Pita'ongan, ta i tolo a romi'ad, o mamapatireng Ako ko caay ko nano tamdaw a nisanga'an a roma a Fangcalay Pita'ongan,> saan,>> saan cangra a pakokot. 59Nikawrira, ano oninito a pipawacay nangra i, caay ka lcad.
60Saka, tireng sa ko sakakaay a citodongay to ta'ong i ka'ayaw no 'alomanay a miliclic i ci Yisan, <<Awaay ko maan a sapaca'of Iso to nipipakokot nangra a pawacay to pakayniay i Tisowanan saw?>> han ningra a milicay.
61Nikawrira, trep sa ci Yis. Caay paca'of to maan aca. Liyawen haca no sakakaay a citodongay to ta'ong a miliclic Cingra, <<O Wawa no kakahmekan a Kawas ci Kristo Kiso saw?>> han ningra.
62Paca'of sa ci Yis, <<Hai! Orira Kako. O mama'araw namo ko nika maro' noya Wawa no Tamdaw i kawanan no Ci'icelay a Kawas. O romasato, o mama'araw namo ko nika pakato'em Ningra a tayni nai kakarayan!>> han Ningra.
63Itiya i, cinas sato to riko' ningra ko sakakaay a citodongay to ta'ong. Sowal sa, <<O maanho ko kakilimen ita to papawacay a tamdaw saw? 64Matngilto namo konini a milokesay to Kawas a sowal Ningra. Maan saan ko harateng namo saw?>> han ningra a milicay.
O ciraraway Cingra, o papatayen saan cangra a mipastek.
65Itiya i, sopa'en no papinapina a tamdaw Cingra. Tahpoen haca nangra ko mata Ningra a miskong Cingraan. <<Cima kona miskongay Tisowanan saw? Pasowalen kami,>> han nangra a somowal. Kidkiden haca no midipangay a tayring Cingra, ta o kapal ko sapipatpih i Cingraan.
O Pihakeno ni Pitiro i ci Yisan
(Matay 26.69-75; Luka 22.56-62; Yohani 18.15-18, 25-27)
66Yo i potal no i la^noay a loma' ci Pitiro i, miraod ko ccay a fafahiyan o matayalay no sakakaay a citodongay to ta'ong. 67Ma'araw ningra ko nipingiro ni Pitiro a somowal, nengneng sa cingra ci Pitiroan a somowal, <<O kapot ni Yis no Nacali kiso sa kako,>> han ningra.
68Nikawrira, paca'of sa ci Pitiro, <<Hakeno, caay ka fana' kako tora nisowalan iso,>> han ningra a somowal. Ta sadak sato cingra a tayra i fawahan no potal. Itiya i, maskakto ko 'ayam.
69Ma'araw haca noya fafahiyan a matayalay ci Pitiro itira. Sowal sa cingra to tomirengay i tatihi a tamdaw, <<O ccay no kapot nangra konini a tamdaw!>> han ningra a somowal. 70Nikawrira, miliyaw haca a mihakeno ci Pitiro.
Nanoya, toro'en haca noya tomirengay i tatihi a tamdaw ci Pitiro a somowal, <<So'linay o ccay no kapot nangra kiso. Nawhani o Kalili a tamdaw kiso!>> han nangra.
71Kton sa to faloco' ci Pitiro, <<Ano caay ko so'linay ko sowal ako i, nga'ayto a tfocen no Kawas kako! Caay ka fana' kako toya nisowalan namo a tamdaw!>> saan.
72Itiya sato, maskak ko 'ayam to sakinatosa. Saka, itiyato a maharateng ni Pitiro ko nano sowal ni Yis toya, <<Wa kinatolo kiso a mihakeno Takowanan i 'ayaw no sakinatosa no 'ayam a maskak,>> yasanay. Caayto paka'met ci Pitiro a tomangic.
Atualmente Selecionado:
Maroko 14: AMIS2019
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
© The Bible Society in Taiwan, 2019
Maroko 14
14
O Pisahalaka to Sapipatayaw ci Yisan
(Matay 26.1-5; Luka 22.1-2; Yohani 11.45-53)
1Tosato a romi'ad ta maraod ko Pita'lifan ato Ka^caan Pipatamod to ^Pang a Lisin. Misahalaka ko kakridan no citodongay to ta'ong ato pasifana'ay to Rikec to sapidokdokaw a mirpet a mipatay ci Yisan. 2Sowal sa cangra, <<Caay ka nga'ay i pisalisinan a romi'ad a mirpet, ta caay ka palowad ko saka rawraw no finawlan,>> saan.
Mapaloso' to Simal ci Yis i Pitani
(Matay 26.6-13; Yohani 12.1-8)
3Yo itira i Pitani ci Yis i, itira Cingra i loma' ni Simon o nano malono'ay. Yo komaen ci Yis i, ira a tayra ko ccay a fafahiyan a mitatoy to cipinaroay a 'atomo to tadamatkesay a fangsisay a simal no narto. 'Ari han ningra koya 'atomo, ta paloso' han ningra i fongoh ni Yis koya fangsisay a simal. 4Nikawrira, ira itira ko papinapina a tamdaw a masasowasowal, <<Nawiro haenen a misaloya kora fangsisay a simal saw? 5Ano pacakayen kora fangsisay a simal i, kona ikaka no tolo a so'ot (300) no tinali#14.5 tinali -- tiri'en i Matay 18.28. ko tatodong nonini, ta malosapafli i pakoyoc a tamdaw!>> saan cangra. Saka, kakter hanto nangra koya fafahiyan.
6Nikawrira, sowal sato ci Yis, <<Aka lalangen cingra. Nawiro pakasmeren namo ko faloco' ningra saw? O nga'ayay konini a dmak ningra to saki Takowanan. 7Nawhani mararid a ira i tatihi namo ko pakoyoc a tamdaw. Ano sapipadamaan kamo i cangraan i, ano hacowato i, manga'ayto a mipadama kamo. Nikawrira, caay ko mamida'oc a ira Kako i tatihi namo. 8Malahciay nonini a fafahiyan ko mafiloay ningra. O pipatala ningra to sapitadem i Takowanan saka, pali'ayaw cingra a paloso' to simal i tireng Ako. 9So'linen Ako a somowal kamo, ano i cowacowato a mapatnak ko Nga'ayay Ratoh i polong no hkal i, o papasowalen no tamdamdaw ko dmak nonini a fafahiyan, to sapiharatengaw i cingraan,>> han ni Yis.
O Pipacakay ni Yuta ci Yisan
(Matay 26.14-16; Luka 22.3-6)
10Itiyasato, tayra i kakridan no citodongay to ta'ong ko ccay no tosaay ko safaw a tarokos ni Yis, ci Yuta no Iskariyot to sapipacakayaw ci Yisan i cangraan. 11Rahker sa cangra a mitngil tonini a sowal ni Yuta. Saka, kton sato cangra to sowal to sapafliaw i cingraan to payso. Nanitiya a misa'imer ci Yuta to kanga'ayan a romi'ad to sapacakayaw ci Yisan.
O Pitahka na Yis to Pita'lifan a Lisin
(Matay 26.17-25; Luka 22.7-14, 21-23; Yohani 13.21-30)
12O sa'ayaway a romi'ad to Ka^caan Pipatamod to ^Pang a Lisin, oya pipacokan to tofor a siri to saki Pita'lifan a Lisin i, licayen no nisawawaan ci Yis, <<I cowa ko kangalayan Iso to pipatalaan niyam to malo no Miso a tahka to saki Pita'lifan a Lisin saw?>> han nangra.
13Saka, ocor han ni Yis ko tatosa a nisawawaan, palimo'ot i cangraan, <<Yo micomod kamo to niyaro', o mamalitmoh namo ko ccay a mi'orongay a tamdaw to ciparoay to nanom a koreng, haklongen cingra. 14Ano i cowa ko nicomodan ningra a loma' i, licayen ko tawki noya loma' <I cowa ko malokamaro'an Ako a mapolong ato nisawawaan a komaen to saki Pita'lifan a Lisin sanay ko Singsi,> han a milicay. 15Ta pa'arawen ningra kamo to ccay a tata'angay a rawang i sakatosa a tingroh no loma', malkairaira ko lalosidan a mapatala itira. Kaitira kamo a mipatala to saki titaanan,>> han ni Yis cangra a miocor.
16Saka, lowad sato koya tatosa a nisawawaan a tayra i niyaro'. Mado^do koya sowal ni Yis. Saka, patala sato cangra itira to tahka to saki Pita'lifan a Lisin.
17Yo pisakalafianto i, malahaklong ci Yis ato tosa ko safaw a tarokos a tayra. 18Yo maro' a mitahka cangra a komaen i, sowal sa ci Yis, <<So'linen Ako a somowal kamo, ira i tamowanan ko ccay a mamipacakay i Takowanan, o mikapotay cingra i titaanan a komaen,>> han Ningra.
19Rarom sa ko nisawawaan a somowal, <<Kako haw? Kako haw?>> saan a mahaccaccay a milicay i Cingraan.
20Paca'of sa ci Yis, <<O ccay namo o tosa ko safaw, oya milcaday Takowanan a mitnas to ^pang i kaysing a tamdaw. 21Mato nika tilid i Fangcalay Cudad to pakayniay i sakapatay no Wawa no Tamdaw. Nikawrira, o cacilafo ko pacakayay to Wawa no Tamdaw. O nika ^ca kahofoc nonini a tamdaw ko nga'ay,>> han ni Yis.
O Saki Tapang a Lafi
(Matay 26.26-30; Luka 22.14-20; 1 Korinto 11.23-25)
22Yo komaen cangra i, tatoy sa ci Yis to ^pang. Kansiya sa Cingra to Kawas, ta pcih han Ningra a pafli i nisawawaan a somowal, <<Dada alaen a komaen. O tireng Ako konini,>> han Ningra.
23O romasato, mitatoy ci Yis to takid. Kansiya sa Cingra to Kawas, ta pafli i cangraan. Minanomto cangra a ma^min tonini. 24Pasowal sa ci Yis i cangraan, <<O lalowadan no nika tatlek ato Kawas a masadakay a rmes Ako to saki 'alomanay a tamdaw konini. 25So'linen Ako a somowal kamo, caayto piliyaw Kako a komaen to ^pah no fadisoso' tangasa i kakomaenan Ako to fa^lohay a takid i Kitakit no Kawas,>> han Ningra.
26Yo mahrek cangra a pa'olic a romadiw i, sadak sato cangra a tayra i Olif a lotok.
O Pipali'ayaw ni Yis to Pihakeno ni Pitiro
(Matay 26.31-35; Luka 22.31-34; Yohani 13.36-38)
27Itiyasato, pasowal ci Yis i cangraan, <<O mamilaliw kamo a ma^min i Takowanan. <Nawhani paloen Ako ko pakaenay to siri. Ta maliwasak ko siri,> saan ko sowal a matilid i Fangcalay Cudad. 28Nikawrira, ano lomowadto Kako a ma'orip nai patay i, o a i 'ayaw namo Kako a tayra i Kalili,>> han Ningra.
29Sowal sa ci Pitiro, <<Ano milalilaliw cangra a ma^min i Tisowanan i, caay ko mamiliyas kako i Tisowanan,>> han ningra.
30Pasowal sa ci Yis i ci Pitiroan, <<So'linen Ako a somowal kiso, anini a dadaya i 'ayaw no sakinatosa no 'ayam a maskak i, wa kinatolo kiso a mihakeno i Takowanan,>> han Ningra.
31Sa'icel sa ci Pitiro a somowal, <<Ano mapakapokapot kako i Tisowanan a mapatay i, caay ko mamihakeno kako i Tisowanan,>> han ningra.
Mahaen ko sowal no nisawawaan a ma^min.
O Pitolon i Kisimani
(Matay 26.36-46; Luka 22.39-46)
32Tayra sato cangra i Kisimani. Pasowal ci Yis to nisawawaan Ningra, <<Tayra Kako a mitolon, kaitini kamo a maro' a mitala,>> han Ningra. 33Ta krid han Ningra ci Pitiro aci Yakop aci Yohani a malahaklong a tayra. Ksem sa ko faloco' Ningra a mararom. 34Sowal sa Cingra i cangraan, <<Hato mamapatayto Kako to nika tata'ang no rarom no faloco' Ako. Kaitini kamo a mitala, kapalal ito!>> han Ningra.
35Ta tala'a'ayaw sa ci Yis to mamang. Hinokop sa Cingra i sra a milongoc to Kawas, ano mama^deng i, aka papilifeten Cingra tonini a pades. 36Sowal sa Cingra, <<Ama: Wamaaw! Mafilo Iso ko maamaan a dmak a ma^min. Nanay paliyasen Iso konini a 'anengeray a takid! Nikawrira, aka ka o no Mako a harateng ko tatooren. Ka o no Miso a nafaloco'an ko lalahcien,>> saan Cingra.
37Ta patiko sa ci Yis a tayra i tatoloay a nisawawaan Ningra. Ma'araw Ningra ko nika foti' nangra. Sowal sa Cingra ci Pitiroan, <<Simonaw, mafoti' kiso haw? Caay pakafilofilo kiso a mapalal to ccaccay aca a tatokian saw? 38Kapalal kamo a mitolon to saka^caaw ka sawi namo. Talacowa mangalay ko faloco' namo, nikawrira, rarima ko tireng namo,>> han ni Yis cangra.
39Tayra haca Cingra, toyanan to a sowal ko pitolon. 40Ta patiko haca Cingra i nisawawaan, manengneng ko nikafoti' haca nangra. Nawhani tadamatokatok cangra, mafokilto cangra to sapaca'of ci Yisan.
41Yo tayra haca ci Yis to sakinatolo i, sowal sa i cangraan, <<Mafoti'ho, pahanhanho kamo saw? Nengnengen, maraodayto ko toki, o mamapacakay ko Wawa no Tamdaw i kamay no ciraraway a tamdaw! 42Kalomowad, tatata, tayra kita. Nengnengen, irato a miraod ko pacakayay i Takowanan a tamdaw!>> han Ningra.
Marpet ci Yis
(Matay 26.47-56; Luka 22.47-53; Yohani 18.3-12)
43Yo somowalho ci Yis i, irato a miraod ko ccay no tosa ko safaw a tarokos ci Yuta. Mihaklong i cingraan ko mitatoyay to fonos ato sapalo a finawlan. O niocoran no kakridan no citodongay to ta'ong ato pasifana'ay to Rikec ato kalas no niyaro' cangra. 44Pa'ayawen noya pacakayay ci Yisan a tamdaw a pasowal cangra to kacipinangan. <<Oya nicocopan ako a tamdaw i, Cingra ko rarpeten namo. Songila'en a mikayat Cingra,>> han ningra.
45Tahira ci Yuta i, tangsol sa a micopa ci Yisan, lkal sa, <<Singsiaw,>> saan a micocop i Cingraan. 46Saka, rpet hanto nangra ci Yis a mipalit. 47Itiya i, sodoc sa to fonos ko ccay no tomirengay i tatihi ni Yis a tamdaw a mico'ay to koli no sakakaay a citodongay to ta'ong a mikrit to tatihi a tangila ningra. 48Pasowal sa ci Yis i cangraan, <<Samato mico'ayay sa to kokong a cifonos, cisapalo kamo a tayni a mirpet i Takowanan saw? 49Mikapot Kako i tamowanan to romi'ami'ad i Fangcalay Pita'ongan a pasifana' i tamdamdaw i, caay pirpet kamo i Takowanan. Nikawrira, o mamalahci ko sowal no Fangcalay Cudad,>> han Ningra.
50Itiya i, alapkapkaw sato ko nisawawaan a ma^min a miliyas i Cingraan.
51Ira ko ccay a kapah. Deng o nisanga'an to kliw a kiradom ko sapitafo ningra to tireng ningra. Mikotod cingra ci Yisan. Rpetaw sa ko tamdamdaw i cingraan i, 52falah han ningra koya kiradom a mawacay a milaliw.
Masawkit i Pilaocan
(Matay 26.57-68; Luka 22.54-55, 63-71; Yohani 18.13-14, 19-24)
53Krid hanto nangra ci Yis a patayra i loma' no sakakaay a citodongay to ta'ong. Masa'opo itira a ma^min ko kakridan no citodongay to ta'ong ato kalas no niyaro' ato pasifana'ay to Rikec. 54Pakaraaraay sa ci Pitiro a mikotod i ci Yisan, tangasa i potal no loma' no sakakaay a citodongay to ta'ong. Misakapokapot cingra to midipangay a tayring a maro' a miringo. 55O sapastekaw nangra ci Yisan i patay saka, mikilim ko kakridan no citodongay to ta'ong ato polong no lomaocay to sapakokot a wacay to dmak ni Yis. 'Arawhani, awaay a matama nangra ko maamaan a sakacipinang. 56Talacowa 'aloman ko pacfaay a pawacay to pakayniay i Cingraan, nikawrira, caay ka tatama ko nipawacayan nangra.
57Itiya i, tireng sa ko papinapina a tamdaw a patdo a pawacay to pakayniay i ci Yisan. Sowal sa, 58<<Matngil niyam ko sowal Ningra. <Plengen Ako konini a nano nisanga'an no tamdaw a Fangcalay Pita'ongan, ta i tolo a romi'ad, o mamapatireng Ako ko caay ko nano tamdaw a nisanga'an a roma a Fangcalay Pita'ongan,> saan,>> saan cangra a pakokot. 59Nikawrira, ano oninito a pipawacay nangra i, caay ka lcad.
60Saka, tireng sa ko sakakaay a citodongay to ta'ong i ka'ayaw no 'alomanay a miliclic i ci Yisan, <<Awaay ko maan a sapaca'of Iso to nipipakokot nangra a pawacay to pakayniay i Tisowanan saw?>> han ningra a milicay.
61Nikawrira, trep sa ci Yis. Caay paca'of to maan aca. Liyawen haca no sakakaay a citodongay to ta'ong a miliclic Cingra, <<O Wawa no kakahmekan a Kawas ci Kristo Kiso saw?>> han ningra.
62Paca'of sa ci Yis, <<Hai! Orira Kako. O mama'araw namo ko nika maro' noya Wawa no Tamdaw i kawanan no Ci'icelay a Kawas. O romasato, o mama'araw namo ko nika pakato'em Ningra a tayni nai kakarayan!>> han Ningra.
63Itiya i, cinas sato to riko' ningra ko sakakaay a citodongay to ta'ong. Sowal sa, <<O maanho ko kakilimen ita to papawacay a tamdaw saw? 64Matngilto namo konini a milokesay to Kawas a sowal Ningra. Maan saan ko harateng namo saw?>> han ningra a milicay.
O ciraraway Cingra, o papatayen saan cangra a mipastek.
65Itiya i, sopa'en no papinapina a tamdaw Cingra. Tahpoen haca nangra ko mata Ningra a miskong Cingraan. <<Cima kona miskongay Tisowanan saw? Pasowalen kami,>> han nangra a somowal. Kidkiden haca no midipangay a tayring Cingra, ta o kapal ko sapipatpih i Cingraan.
O Pihakeno ni Pitiro i ci Yisan
(Matay 26.69-75; Luka 22.56-62; Yohani 18.15-18, 25-27)
66Yo i potal no i la^noay a loma' ci Pitiro i, miraod ko ccay a fafahiyan o matayalay no sakakaay a citodongay to ta'ong. 67Ma'araw ningra ko nipingiro ni Pitiro a somowal, nengneng sa cingra ci Pitiroan a somowal, <<O kapot ni Yis no Nacali kiso sa kako,>> han ningra.
68Nikawrira, paca'of sa ci Pitiro, <<Hakeno, caay ka fana' kako tora nisowalan iso,>> han ningra a somowal. Ta sadak sato cingra a tayra i fawahan no potal. Itiya i, maskakto ko 'ayam.
69Ma'araw haca noya fafahiyan a matayalay ci Pitiro itira. Sowal sa cingra to tomirengay i tatihi a tamdaw, <<O ccay no kapot nangra konini a tamdaw!>> han ningra a somowal. 70Nikawrira, miliyaw haca a mihakeno ci Pitiro.
Nanoya, toro'en haca noya tomirengay i tatihi a tamdaw ci Pitiro a somowal, <<So'linay o ccay no kapot nangra kiso. Nawhani o Kalili a tamdaw kiso!>> han nangra.
71Kton sa to faloco' ci Pitiro, <<Ano caay ko so'linay ko sowal ako i, nga'ayto a tfocen no Kawas kako! Caay ka fana' kako toya nisowalan namo a tamdaw!>> saan.
72Itiya sato, maskak ko 'ayam to sakinatosa. Saka, itiyato a maharateng ni Pitiro ko nano sowal ni Yis toya, <<Wa kinatolo kiso a mihakeno Takowanan i 'ayaw no sakinatosa no 'ayam a maskak,>> yasanay. Caayto paka'met ci Pitiro a tomangic.
Atualmente Selecionado:
:
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
© The Bible Society in Taiwan, 2019