Matiə 4
4
Jejuu fifiləəkɛ a ˈlɛnɩ
(Mar 1:12–13; Lu 4:1–13)
1Agɩpɩ Thu Phuu thɔɔ Jeju a jalna bəənnə Satã n fifilənee.#Ebi 2:18; 4:15 2A kɔɔ lire nʋɔ a cʋʋna wire kpalanyɔ na dɩtɩnɛ kpalanyɔ, agɩpɩ kɔmɛr fʋʋrɛ. 3Dɩ fifilədaarɩlera tɔr dã a sʋʋraa ayɩ: Ado Thãgbaa Bikuun fɩ do, sɔ bokananaakɛ gɩ debi gɩ do dɩkor. 4Sɩ dɩ Jeju birsee: Gɩ kherere Thãgbaa sɛbɛra ayɩ: “Ga do dɩkor dɩbara na hana tibil yirəˈ, sɩ thɩmɩa fɛʋʋkɛ n thɛnɩ Thãgbaa nɔra gɩ.”#Dət 8:3
5Agɩpɩ dɩ Satana bir kpaa a jalna dɩ phuurəəkɛ dɔnɩ Jerujalɛm, a jʋʋnna Thãgba fʋɔr cɔ kɔ̃tɩɩna yũ, sa sʋʋraa: 6Ado Thãgbaa Bikuun fɩ do, ubo je thʋnɔ, gɩdonɩ gɩ kherere ayɩ:
“Thãgba na pɛrɛ ɔɔ thɔ̃thɔ̃daar thusɔ
wɩ tɛ fɩ,
a mɛ̃ gaa fa ber nɔɔ bokaarra.”#Khɩ 91:11–12
7Dɩ Jeju sʋʋraa: Gɩ kherere dakha wo ayɩ: “Fa‐n fifilə Kɔ̃tɩn afɩ Thãgba a hɩɩnaˈ.”#Dət 6:16
8Dɩ Satã kpaa wo a jalna jʋʋnna gɔ̃gʋɔnaakɛ gbaanɔnɩ dɩɩ ka, a nɩɩraa fãgadaar dɩɩsɔ fɛʋʋkɛ hanɩ thɩɩra na awɩ nyɔ̃kor bɔ, 9sa sʋʋraa: Fɛr ma ha thɩ̃ɛ fɛʋʋkɛra ado fa gburõkure na fʋɔr mɩ. 10Dɩ Jeju sʋʋraa: Hala jala pal Satã. Mee gɩ kherere ayɩ: “Kɔ̃tɩn afɩ Thãgba fa fʋɔr, dɩ ɔrra dɩbara fa doro thɔma.”#Dət 6:13
11Agɩpɩ Satã sɩɩraa, dɩ hɩnɛ, Thãgbaa thɔ̃thɔ̃daar thusɔ pɔr dɩ wa‐n haa gɩrɛ n danaanɩ.
Galile dɩɩra Jeju tɔ̃tʋɔn ɔɔ thɔ̃
(Mar 1:14–15; Lu 4:14–15)
12Ɔbɔɔkɛ Jeju nɩɛnɩ dɩ wɩ fʋrɛ Jã a to khaɩra, a kɛrrɛ bir lõ Galile.#Mat 14:3; Mar 6:17; Lu 3:19–20 13Mɛ̃ a the Najarɛtɩ dɩɩra a jal too Kapɛrnayʋm mɩɩr nɔ nʋɔra Jabʋlɔ̃ na Nɛfɩtalɩ bəənnə.#Jã 2:12 14Gɩ do mɛ̃ gɩrɛ Ejaɩ Thãgbaa bobon sonɩ dã oti, gɩ sor:
15“Jabʋlɔ̃ dɩɩ na Nɛfɩtalɩ dɩɩ,
mɩɩr nɔ hʋɛ, kɛ hanɩ Jʋrdɛ̃ iiro,
Galile ca kpala.#Eja 9:1–2
16Tɩbɩlaakɛ hanɩ dabirəra,
wɩ yɩrɛ dahɩrɛ kɔ̃tɩ̃ɩ,
na wɩrɛɛkɛ hanɩ khĩdi dɩ birəra,
dahɩrɛ carã warɛ.”
17A fʋna ga bɔɔlera Jeju ma da‐n mɩɩ Thãgbaa thɩmɩɩ dɩ yɩ: Nɩ deba haar, gɩdonɩ yũ fãgadaarɩ dɩ bɔ daan.#Mat 3:2
Kpãkpãadara yenãa we
(Mar 1:16–20; Lu 5:1–11)
18Mɔ̃ Jeju n jalnɩ na Galile mɩɩr nɔ nʋɔ, a yɩrɛ õkona yenyɔ, Sɩmɔ̃ɔkɛ wɩ‐n wenɩ Pɩɛr gɩ, na Ãdire ɔɔ õkuun, dɩ wa‐n dʋna thʋ̃ pherdaakɛ n hɔnɩ jɔ̃ lanyʋɔnɔ, gɩdonɩ thʋ̃ pherdara ha wɩ. 19Dɩ a so warɛ: Na‐n kpa mar, dɩ ma cʋʋ nɛr na‐n yaal tɩbɩla thʋ̃ khaa. 20Dɩ dapaara, wɩ faarɛ awɩ thʋ̃ pherdasɔ sɩ wa‐n kpaaraa.
21Dɩ bir tɔ na jal wo a yɩ wɩ̃ õkona yenyɔ, Jakɩ Jebedee bikuun, na Jã ɔɔ õkuun, dɩ wɩ ha kha na awɩ thɩ Jebede gboroona, dɩ wa‐n gbɛbɩ awɩ thʋ̃ pherdasɔ. 22Dɩ a we wer, dɩ dapaara wɩ faarɛ gborõo na awɩ thɩ sɩ dɩ wa‐n kpaaraa.
23Dɩ Jeju kɔɔ kpaarɛ Galile dɩɩra fɛʋ, da‐n dɩɩr tɩbɩla thɩ̃ɛ Juifisɔɔ Thãgba fʋɔr cɔnanɔ, da‐n mɩɩna tutugo bʋɔɔkɛ dɔnɩ ƴũ fãgadaar doda, da‐n kpɛɛna khoosɔ dɩɩdɩɩ fɛʋ, na tãdarasɔ dɩɩdɩɩ fɛʋ tɩbɩlaa thɩ̃thɩɩn.#Mat 9:35; Mar 1:39 24Dɩ ɔɔ i kpaarɛ Siri dɩɩra fɛʋ. Dɩ wɩ kpar wɩrɛɛkɛ kho caar dɩɩdɩɩ fʋnɩ dɩ wa‐n gaar, na wɩrɛɛkɛ n ˈwãganɛnɩ: Kpãkpũdara, na ji khidara, na gbãgbarasɔ a pɔnanaa dɩ a kpɛɛ wɛr. 25Dɩ tibil jɔjʋɔ ther Galile, na Dekapol, na Jerujalɛm, na Jude, na Jʋrdɛ̃ iiro dɩ wa‐n kpaaraa.
Atualmente Selecionado:
Matiə 4: LOBIRI
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Bible Society of Burkino Faso 1985.