Chhòng-sè-kì 1

Siōng-tè ê Chhòng-chō

1Khí-thâu, Siōng-tè chhòng-chō thiⁿ kap tōe.#1.1 “Khí-thâu, Siōng-tè chhòng-chō thiⁿ kap tōe.” mā thang e̍k-chòe “Khí-thâu, Siōng-tè chhòng-chō thiⁿ kap tōe ê sî,” á-sī “Siōng-tè khai-sí chhòng-chō thiⁿ kap tōe ê sî,” 2Tōe sī hūn-tūn, iáu-bē chiâⁿ-hêng; chhim-ian ê téng-bīn o͘-o͘-àm-àm; Siōng-tè ê sîn#1.2 “Siōng-tè ê sîn” mā thang e̍k-chòe “Siōng-tè ê tāi-lêng”, “tùi Siōng-tè hoat-chhut ê hong”, á-sī “hō͘ lâng kiaⁿ-ùi ê hong”. ūn-hêng tī chúi-bīn. 3Siōng-tè kóng “Tio̍h ū kng”, chiū ū kng. 4Siōng-tè khòaⁿ kng sī hó; Siōng-tè chiong kng kap àm pun-khui. 5Siōng-tè kiò kng chòe Ji̍t--sî, kiò àm chòe Mî--sî. Ū ē-hng ū chá-khí, sī thâu chi̍t ji̍t.

6Siōng-tè kóng, “Chiah-ê chúi ê tiong-kan tio̍h ū kiong-chhong, chiong chúi téng-ē keh-khui.” 7Siōng-tè chiū chō kiong-chhong, chiong kiong-chhong ē-bīn ê chúi kap kiong-chhong téng-bīn ê chúi pun-khui; tāi-chì chiū án-ni oân-sêng. 8Siōng-tè kiò kiong-chhong chòe Thiⁿ. Ū ē-hng ū chá-khí, sī tē-jī ji̍t.

9Siōng-tè kóng, “Thiⁿ ē-bīn chiah-ê chúi tio̍h chi̍p-tiong tī chi̍t só͘-chāi, hō͘ ta-tōe chhut-hiān.” Tāi-chì chiū án-ni oân-sêng. 10Siōng-tè kiò ta-tōe chòe Tōe, kiò chi̍p-tiong ê chúi chòe Hái; Siōng-tè khòaⁿ che chòe hó. 11Siōng-tè kóng, “Tōe tio̍h ū si̍t-bu̍t: Ōe kiat-chí ê chhài-soe, kap ōe kiat ké-chí lāi-bīn ū chí ê chhiū; kok chiàu in ê chióng-lūi.” Tāi-chì chiū án-ni oân-sêng. 12Tōe chiū chiàu chióng-lūi siⁿ-chhut si̍t-bu̍t, chiū-sī ōe kiat-chí ê chhài-soe, kap ū chéng-chí ê ké-chí-chhiū; Siōng-tè khòaⁿ che chòe hó. 13Ū ē-hng ū chá-khí, sī tē-saⁿ ji̍t.

14Siōng-tè kóng, “Thiⁿ-téng ê kiong-chhong tio̍h ū kng-thé, lâi hun-pia̍t ji̍t kap mî, mā chòe kùi-choeh#1.14 “kùi-choeh” mā thang e̍k-chòe “choeh-kî”., ji̍t, nî ê kì-hō, 15koh tī kiong-chhong hoat-kng chiò tōe-bīn.” Tāi-chì chiū án-ni oân-sêng. 16Siōng-tè chiū chō nn̄g ê tōa ê kng-thé, tōa--ê koán ji̍t--sî, sòe--ê koán mî--sî; mā chō chhiⁿ-sîn. 17Siōng-tè chiong in hē tī thiⁿ-téng ê kiong-chhong, hō͘ in chiò tōe-bīn, 18mā koán ji̍t kap mî, hun-pia̍t kng kap àm; Siōng-tè khòaⁿ che chòe hó. 19Ū ē-hng ū chá-khí, sī tē-sì ji̍t.

20Siōng-tè kóng, “Chúi-lāi tio̍h siⁿ-thòaⁿ chin chōe seng-bu̍t; tōe ê téng-bīn, thiⁿ--ni̍h ê kiong-chhong tio̍h ū chiáu-á teh pe.” 21Siōng-tè chiū chhòng-chō hái--ni̍h ê tōa-hî, kap chúi-lāi siⁿ-thòaⁿ chin chōe ê seng-bu̍t, kok chiàu in ê chióng-lūi; koh chhòng-chō ta̍k-khoán pe-chiáu, kok chiàu in ê chióng-lūi; Siōng-tè khòaⁿ che chòe hó. 22Siōng-tè sù-hok in, kóng, “Tio̍h siⁿ-thòaⁿ, tio̍h ke-thiⁿ, hō͘ hái--ni̍h chhiong-móa seng-bu̍t, hō͘ tōe-chiūⁿ ê chiáu-á siⁿ-thòaⁿ chin chōe.” 23Ū ē-hng ū chá-khí, sī tē-gō͘ ji̍t.

24Siōng-tè kóng, “Tōe tio̍h siⁿ-chhut seng-bu̍t, kok chiàu in ê chióng-lūi; ū cheng-siⁿ, teh pê ê tōng-bu̍t, cháu-siù, kok chiàu in ê chióng-lūi.” Tāi-chì chiū án-ni oân-sêng. 25Siōng-tè chiū chiàu in ê chióng-lūi chō tōe-chiūⁿ ê cháu-siù, cheng-siⁿ, kap it-chhè teh pê ê tōng-bu̍t; Siōng-tè khòaⁿ che chòe hó.

26Siōng-tè kóng, “Lán tio̍h chiàu lán ê hêng-siōng, chiàu lán ê khoán-sit chō lâng#1.26 “Lán tio̍h...chō lâng” mā thang e̍k-chòe “Lán lâi chō lâng, hō͘ in kap lán saⁿ chhin-chhiūⁿ, kap lán kâng-khoán”., hō͘ in koán-lí hái--ni̍h ê hî, thiⁿ--ni̍h ê chiáu, tōe-chiūⁿ ê cheng-siⁿ kap iá-siù#1.26 “iá-siù” sī chiàu Kó͘-e̍k-pún hoan-e̍k; goân-bûn sī “choân-tōe”., í-ki̍p tī tōe-chiūⁿ teh pê ê tōng-bu̍t.” 27Siōng-tè chiū chiàu I ka-kī ê hêng-siōng chhòng-chō lâng#1.27 “Siōng-tè...chhòng-chō lâng” mā thang e̍k-chòe “tùi án-ni, Siōng-tè chhòng-chō lâng, hō͘ in kap I saⁿ chhin-chhiūⁿ”.; I chiàu I ê hêng-siōng chhòng-chō in, ū lâm ū lú. 28Siōng-tè sù-hok in, tùi in kóng, “Tio̍h siⁿ-thòaⁿ, ke-thiⁿ chin chōe, chhiong-móa choân-tōe, koh tī-lí choân-tōe, mā tio̍h koán-lí hái--ni̍h ê hî, thiⁿ--ni̍h ê chiáu, kap tōe-chiūⁿ só͘-ū ōe tín-tāng ê seng-bu̍t.” 29Siōng-tè koh kóng, “Góa chiong choân-tōe só͘-ū ōe kiat-chí ê chhài-soe, kap it-chhè ū chéng-chí ê ké-chí-chhiū, lóng hō͘ lín chòe chia̍h-mi̍h. 30Tōe-chiūⁿ ta̍k-chióng ê cháu-siù, khong-tiong it-chhè ê chiáu-á, kap tī tōe-chiūⁿ só͘-ū teh pê ê oa̍h-mi̍h, góa chiong chhiⁿ-sek ê chhài-soe hō͘ in chòe chia̍h-mi̍h.” Tāi-chì chiū án-ni oân-sêng. 31Siōng-tè khòaⁿ I só͘ chō ê it-chhè chin hó. Ū ē-hng ū chá-khí, sī tē-la̍k ji̍t.

Atualmente Selecionado:

Chhòng-sè-kì 1: TTVR

Destaque

Copiar

Quer salvar seus destaques em todos os seus dispositivos? Cadastre-se ou faça o login

The Bible Society in Taiwan

Saiba mais sobre a 現代台語譯本羅馬字版

Chhòng-sè-kì 1

Versículos Bíblicos Populares relacionados a
Chhòng-sè-kì 1

Bíblia:

Chinese, Min Nan

Versão: 現代台語譯本羅馬字版 - TTVR

Chhòng-sè-kì 1

Chhòng-sè-kì 1

Versículos Bíblicos Populares relacionados a Chhòng-sè-kì 1

Bíblia:

Chinese, Min Nan

Versão: 現代台語譯本羅馬字版 - TTVR

Chhòng-sè-kì 1

Versículos Bíblicos Populares relacionados a
Chhòng-sè-kì 1