Versete biblice populare din Tuturigana 49

Împărtășește

A Juda sauba ke tangolikakaia nina itoro na taovia tsapakae, Migira na kukuana sauba kara tagao saviliu, poi tsau kalina ke laba mai na tamanina. Migira na puku tavosi sauba kara adimai vania niqira vangalaka, Ma kara rongomangana.

“A Josep e vaga kesa na asi atsi liligina na vuravura, Me vaga na dalena asi atsi tana tetena. Igira gana gala ara baginikakaia Mara takuviginia niqira parige ma na pipili.

Ma nina parige aia e nari kalavatavia moa, Ma na kimana ara susuliga Ginia na susuligana nogo nina God Susuliga a Jakob, Ginia na Reitutugu Sipi Laka, aia niqira Reitutugu na Israel. Aia nogo nina God na tamamu e sangago igoe. Maia God Susuliga Sosongo e vangalaka vanigo Ginia nina vangalaka na usa talu i gotu Ma na kô mao e talu i vavana na kao, Gana kara gini danga nimu omea tuavati ma na dalemu

“Migoe a Juda, igira na kulamu sauba kara tsonikaego. Igoe o birua na lioqira gamu gala. Migira na kulamu sauba kara tsuporu tsuna i matamu. A Juda e vaga moa kesa na laeone, E matesia gana lamuta me visutugua tana babana, Mi tana e ba tsaro me mango. ?Masei sauba ke malagai na ba peleana?

“A Ruben, igoe na dalequ botsaida, migoe nogo na susuligaqu Ma na kesanina dalequ kalina au mane vaolu moa, Migoe o kaekae mo susuliga liuliu bâ i laoqira na dalequ sui. Igoe o vaga na tatarina na obo loki, Me sauba ke utu vanigo nomoa ko tangirongo liuliu bâ, Rongona igoe o maturu kolua na tauqu lê Mo tau kukuni tania na nigena tamamu.