Versete biblice populare din Matyu 6

Partajează

Itu nga diya banbanag maipanggep iya panangituray na se̍ diya nalinteg nga panggep na, itu kuma nga gennung ya ipangpangruna nu nga panpanunuten. Ket iya agten iyan, mae̍cdan kayu pe̍ yin ka amin diyan nga kasapulan nu.

“Itu nga madi kayu agdanag maipanggep kadiya masapul nu iya sumarunu nga algew. Ta kada sumarunu nga algew, uwed manin tumaud nga pakadanagan nu. Awan kuma idga nu iya pakasikuran nu iya agdama nga algew!”

“Dikad pe̍ idi ngarud ya ibagac dakayu: Madi kayu kuma nga pakadanagan ya pagbiyag nu, nga agten no nagan ya kanen nu winno inumen nu, se̍ madi kayu kuma pe̍ pakadanagan ya beggi nu, nga agten no nagan ya pagkawwes nu. Ta bekken nga didi ya kapatgan, no di ngarud met napatpateg ya biyag ngem kadiya makan, se̍ napatpateg met ya beggi ngem kadiya lupluput.

Ngem ikew, no agkararag ka, umuneg ka kuma iya siled mu, ket igiset mu kuma pe̍ ya gagayangan na, ket agkararag ka ngarud iya Amam nga madi masingen. Ket idi nga Amam, nga makasingen kadiya nalimed, ket igina met ya manggun-guna ikew.

“Dikad pe̍ no agkararag kayu, agten idi kuma: ‘Ama mi nga uwed ka langit, madaydayaw kuma ya napudnu nga turay mu, madatngan kuma ya panangituray mu, ket maariman kuma ya tarigagay mu idi nga lubung, nga agten mettas iya maar-ariman enna langit.

E̍cde̍m kay dakami ya masapul mi nga pagbiyag ita nga algew.

Se̍ pakawanen nakami kuma kadiya basbasul mi, nga agten met iya panangpakawan mi kadiya nakabasul dakami.

Se̍ di nakami kuma iturung ka pakasulisugan, no di lugud ilisi nakami iya Managdacdake̍c.’

“Tutu met nga no pakawanen nu diya toley nga nakabasul dakayu, pakawanen nakayu met pe̍ ya nailangitan nga Ama nu.

“Singen nu lugud diya sibud. Madi da met agmula winno agapit, winno agipundu ka kanen da ka sarusar. Ket ya nailangitan nga Ama nu met ya mangpakan igida. Ket dakayu, di kayu ngarud napatpateg iya imatang na ngem kadiya sibud?

“Bekken kuma nga ya kinabacnang idi nga lubung ya punduwen nu. Ta ya kinabacnang idi nga lubung, mapirdi ngas met gapu ka bucbuc se̍ kirang, winno matakew nga takawen diya mangtulisan iya baley. Ngem ya ipateg nu kuma, itu ya arig nga panangipundu nu ka kinabacnang enna langit. Ta antuni, awan met mangpirdi nga bucbuc winno kirang, se̍ awan tulisan nga makalnec nga mangtakew. Ya nailangitan nga kinabacnang kuma ngarud ya ipateg nu, ta no awac ya edyan niya kinabacnang nu, itu pe̍ ya panpanunuten nu nga pe̍yeng.”

“Ket no ya tagabu, madi met mabalin nga duwa ya pagsirbiyan na. Ta no duwa ya amu na, guraen na met ya isa, ket ayaten na nga gennung ya isa. Winno patgen na ya isa, ket kalucsew na nga gennung ya isa. Ngarud, no dakayu, madi met mabalin nga agpaay kayu e̍ Apu Diyus se̍ agpaay kayu pe̍ iya panangipateg ka kuwarta.”

Ket agten iyan ngarud ya arig nga panangkawwes ne̍ Apu Diyus kadiya rucruut iya away. Ruut ngas diyan nga e̍teng ya pateg da, ta orey uwed da ita nga sibibiyag, ket maidungsu da nad ngas met no damlagin. Ket no agten iyan ya kinalaing niya arig nga panangkawwes ne̍ Apu Diyus kadiya rucruut, di ngarud nangnangruna ya panangisagana na ka pagkawwes nu? Paya ngin, nakapsut ngas met ya panamati nu!

Ngem ya kustu nga wanglem kuma nga gennung, no mangikaasi ka, ket madi ka kuma ipakaemmu ya wangwanglem, tasun arig nga madi maemmuwan niya katigid nga imam ya wangwanglen niya diwanan mu. Ket no agten iyan, madi ngarud maemmuwan diya sabali nga toley maipanggep iya panangikaasim. Ngem ya Amam nga makasingen kadiya amin nga nalimed, igina met ya manggun-guna ikew.”

“Agannad kayu, tasun bekken nga pammasingen nas kadiya toley ya panagwangel nu ka nalinteg. Ta no agten iyan nas ya gapu niya panagwangel nu ka nalinteg, ket awan lugud gun-guna nu nga e̍cde̍ niya Ama nu nga uwed ka langit.

“Ket no uwed kari nu gapu iya pammati nu, nga mangiparit iya beggi nu nga mangan, singen nu tasun madi kuma mad-adlaw iya langa nu ya panaganus nu, nga agten iya gangey diya aginpapasnec. Ta pasabaliyen da ya langa diya rupa da, tasun masingen diya toley ya panaganus da nga madi mangan. Ket pudnu met nga itu wasin ya gun-guna dan. Ngem ya wanglem kuma nga gennung, no uwed karim nga mangiparit iya beggim nga mangan, agpamada ka se̍ agemwas ka kuma ngarud, tasun madi kuma maem-emmuwan diya toley nga aganus ka iya madi mangan, no di lugud ya Amam nga madi masingen kuma ngas ya makaemmu idi. Ket ya Amam nga makasingen kadiya nalimed, igina met ya manggun-guna ikew.”