Versete biblice populare din Matyu 7

Partajează

“No uwed masapul nu, agadeng kayu kuma e̍ Apu Diyus, ket mae̍cdan kayu ngarud. Agsapul kayu, ket makasmac kayu ngarud. Agtogtog kayu, ket mailukat ya ruwangan dakayu.

Ta amin nga agadeng, mae̍cdan da. Ket ya agsapul, makasmac. Ket ya agtogtog, mailukat ngarud para igina ya ruwangan.

“Dikad pe̍ amin nga dumngeg kadidi nga kagic se̍ agtungpal kadidi, maiyarig da met iya isa nga nasirib nga toley nga nangipasikad ka baley na iya pinas.

Ket iya agten iyan, ya gabay nu nga mawangel kuma dakayu, itu kuma ya wanglen nu mettas iya kapada nu. Ta itu ya kaipapennan niya sursuru iya Linteg nito Muyse̍s se̍ ya panursuru dito mammadtu.”

Ngem ya ruwangan nga mawe̍ iya biyag nga e̍cde̍ ne̍ Apu Diyus, nailet nga gennung, se̍ narigat met ya dalan, ket e̍teng ngas diya toley nga makasmac idi.”

“No maipanggep iya pannakaiturung iya biyag nga e̍cde̍ ne̍ Apu Diyus, maiyarig iya ruwangan. Ket ya nailet nga ruwangan kuma ngarud ya umuneggan nu. Ta ya ruwangan nga nawaya, se̍ ya dalan nga nalaka, itu nga gennung ya mawe̍ iya agnanayun nga pakapukawan, ket adu met diya toltoley nga lumnec iyan nga ruwangan.

Ngarud, orey dakayu nga toley nga uwed kinadake̍c na, emmu nu met latta ya mange̍cde̍ ka nabaru kadiya anac nu. Ket no ya Ama nu nga uwed ka langit, di ngarud nangnangruna ya panange̍cde̍ na ka nabaru kadiya agadeng igina?

“Madi kayu kuma pabasulen ya kapada nu, tasun madi kayu kuma pe̍ mapabasul. Ta no kumaan niya inget niya panangusig nu, agten iyan nad met ya pannakausig nu. Se̍ no kumaan niya panangaasi nu, agten iyan nad met ya pannakakaasi nu.

“Ngem diya toley nga agdengngeg kadidi nga kagic, ngem madi da met tungpalen, ket maiyarig da met iya isa nga toley nga awan pannakaawat na, nga nangipasikad ka baley na iya laplapuc nga edyan.

“Ape̍ nga dellawem ya puling nga uwed iya mata niya kapadam, ngem madi ka met madlaw ya tabla nga uwed iya mismu nga matam? Ket bayat niya kauwed pekkem niya tabla iya matam, ape̍ nga kunem iya kapadam nga, ‘Da, ta ipac ku ya puling mu’?

“Agannad kayu ngarud, ta uwed da met busid nga mangikaskasaba kanu ka kagi ne̍ Apu Diyus, nga makapagparang dakayu nga arig nga karne̍ru nga nanacman. Ngem ya kinapudnu na, agten da met iya atap nga asu nga nauyung. Ngem gapu iya pagbanagan niya ugali da, mailasin nu da. Ta agten mettas iya panangilasin kadiya mula: Bekken met nga maburas ka narasi nga mula ya bisic ubas, se̍ bekken pe̍ nga maburas ka narasi nga ruut ya bisic igus.

Ket agten pe̍ iyan ya kayu: Diya nabaru nga kayu, mamisic da met ka napaw-is. Ngem diya kayu nga uwed sakit da, mamisic da nga gennung ka dake̍c.

Ngarud, madi mabalin nga mamisic ka dake̍c ya kayu nga nabaru. Ket ya kayu nga uwed sakit na, madi met mabalin nga mamisic ka napaw-is.

Ket diya kayu nga madi makabisic ka napaw-is, macleng se̍ maitemsit ka apuy.