Versete biblice populare din Marko̱ 13

Partajează

¡Ngieje xu̱ta̱ nga chꞌo kuasejnu nga̱tꞌa án tebakuyajnu! Ta̱nga án ꞌbatsjengiꞌan xi sꞌejínre nga̱tꞌaꞌna janda nga kju̱etꞌa.

»Kui kju̱a̱, ndá Chunjnu yajo̱jnu, ngatu̱ sufejijnu, nga̱tꞌa yajíjnu ꞌmí ni̱tjin nga ndibáñaꞌan.

»Nga tsikasenjnu xu̱ta̱ ngaya tsja xu̱ta̱ xá ku ꞌbendajin kju̱a̱jnu xukúcha nga mare̱, ngatu̱ nindusinjínjnu yajo̱jnu najmi xi bixujnu nga ꞌnatsjengijnu yajo̱jnu. Namiña Diuu̱ xi kuitsuyajnu kui chu̱ba̱ en xi bixujnu. Jun jín xi nukju̱a̱jnu, Ngayaꞌasen xi Tsjé kui xi kuichjataꞌinjnu.

Chaja ndiu̱jmi ku nangi, ta̱nga énꞌna najmi ni̱tjin nga chaja.

»Najmi xi be ꞌmí ni̱tjin ku ꞌmí chu̱ba̱ nga án xi faꞌiꞌan; janda Kjinditsje xi tjin ndiu̱jmi tekuácha bejí. Tekuácha najiꞌan. Toma̱ Namiña Diuu̱tse xi be.

»Jun ngatu̱ mincha tkunjínjnu yajo̱jnu tsanga nuꞌyájnu nga kju̱a̱bixkán inchatsꞌijun xikjin kjaꞌi na̱xi̱nanda, ku tsanga kjaꞌi xi je tuxi mejénre kjan. Tuxa ku̱i̱cha kuma, ta̱nga tuku kjia feji nga̱sunde.

Ku kui ꞌbendu feji nga̱tꞌa bejí tsanga ngixun kútsa Tꞌajñu faꞌi xi tse̱ꞌe niꞌya, a basen ni̱tje̱n a xu nga ndiba ngayaꞌasen. Ku tekuácha jun ngatu̱ ꞌbengujíjnu anima̱jnu, nga̱tꞌa ma tsa Trátse faꞌiꞌan ku tjisufétsejnu. Najmi xi texinjnu jun, tekuácha xinna ngieje nga̱sunde: ¡Tutjsai nga ꞌbengujíjnu yajo̱jnu, Chaséjnu ngieje ni̱tjin!

Nga̱tꞌa tuxa kjanjun xikjin na̱xi̱nanda, kꞌuejire xi chine xu̱ta̱, ku kjín ngande kju̱a̱ꞌá chon ꞌñu. Ta̱nga tu sꞌei baꞌangitsere kui kju̱a̱, ngieje kju̱a̱ꞌon kju̱a̱nde xi kjueyáre nga̱sunde.

Tekjie nga fe nga̱sunde, nga ngieje na̱xi̱nanda, tsubáre nga bixuya én tjatse xi xu̱ta̱ nangi jmá batexuma Namiña Diuu̱.

Kjín xi kju̱a̱ꞌi ku ngajoꞌna mejénre kju̱a̱ꞌá: “Án kua Xi ꞌBatsjengiꞌan xu̱ta̱, kuitsujnu”. Jinꞌna tsichjen ku kuma xi nga kjín xi ꞌbanachajo.

»Chunjnu yajo̱jnu, nga̱tꞌa xu̱ta̱ xá tsikasꞌenre jun xu̱ta̱ ku kuaꞌonjnu ngaya ni̱ngu̱xi̱. Ngakjáin xu̱ta̱ xá xi incha batexuma ku ngakjáin xu̱ta̱ xá xi inchatsiꞌin manda kuejújnu xu̱ta̱ tuxi án nukju̱a̱yajnu ngixkun, nga̱tꞌa jun xi án tebakuyajnu.

Nga̱tꞌa kjia kju̱a̱ꞌi xu̱ta̱ xi inchaꞌbanacha nga kui xi ꞌbatsjengiña, nga kui incha tsuyasun Enꞌen Namiña Diuu̱, ku ngieje najmi xi tsjuakun ku ma nga ꞌbanachajo xu̱ta̱. Tsa ma xi tekuácha ꞌbanachajo xu̱ta̱ xi je tsichjare Namiña Diuu̱ nga kui faitjengire.

»Nga jaꞌa kui ni̱tjin xi tsé kju̱a̱ꞌon kumá, chji̱ndi̱ kꞌuya tsjuꞌbi; kite kju̱a̱tꞌaiji sa. Kuixungi niñu, ku kju̱a̱tse ngaꞌñu xi tjin ndiu̱jmi.