Versete biblice populare din Saŋ 4

Partajează

Yensa ayéjem: - Udikaam, fiyum baŋ h’édekehne búteekinken. Waat inno bim n'adékireh, adasridas deh, n’ófekineŋne maro kantígo fankánam k'ótuyohoŋne Díino yikireŋ nafa. Karo ninkinan útuyohomoŋ a montaaño inno, karo Ñanyahudo antúyohom a bukoku Jerusalem. Kantígo kámár fankánam yikireŋ nafa. Ayikyik h’afaŋunumne n'ayik nafa imbi Díino, hómár agune n’íntuyorunku wúuro Díino. Nómár afaŋumne buyikhu nafa. Abocin ayéjem: Ingah! Díino jamméej. Angu, gúmár akanne aji wúur asíibay bútuyhunom bútuy b'apút a hafithinem, fo Jamméejhu Díino akááñinahinem. Agida Díino gatíbetib m’antúyohomne bútuy bu marigen a sabaabhu Jamméejhinem Jarenninno. Úpájuli, ninkinan Ñansamareyaŋo pájiiroŋ Díino n’útuyohoŋne. Agida mint Ñanyahudo ípájulemmiŋpájul. Faka a gubaarhu mint Ñanyahudo, Díino apahununkunehne jamaŋo.

Yensa ayéjem: - Udikaam, fiyum baŋ h’édekehne búteekinken. Waat inno bim n'adékireh, adasridas deh, n’ófekineŋne maro kantígo fankánam k'ótuyohoŋne Díino yikireŋ nafa. Karo ninkinan útuyohomoŋ a montaaño inno, karo Ñanyahudo antúyohom a bukoku Jerusalem. Kantígo kámár fankánam yikireŋ nafa. Ayikyik h’afaŋunumne n'ayik nafa imbi Díino, hómár agune n’íntuyorunku wúuro Díino. Nómár afaŋumne buyikhu nafa. Abocin ayéjem: Ingah! Díino jamméej. Angu, gúmár akanne aji wúur asíibay bútuyhunom bútuy b'apút a hafithinem, fo Jamméejhu Díino akááñinahinem. Agida Díino gatíbetib m’antúyohomne bútuy bu marigen a sabaabhu Jamméejhinem Jarenninno. Úpájuli, ninkinan Ñansamareyaŋo pájiiroŋ Díino n’útuyohoŋne. Agida mint Ñanyahudo ípájulemmiŋpájul. Faka a gubaarhu mint Ñanyahudo, Díino apahununkunehne jamaŋo.

Kanda, ingah! Baaruŋo ba me ídekehne bunakánam, aruuhdir bámár, baaruh dafak aŋoolinkin alaham. Baaruŋo bámár aguyhuneh a binaanam ininkaman baaruku koloŋo b’abuturohne abena, b’anéerumehne kanjébo ka bandór.

Yensa ayéjem: - Hey! Aji úpápájuler ho Díino asíibane búneken ingi wúuro m’akiinahenne baaruŋo, fi ugumb ukiinaham k'anaho baaruŋo b'anéerumehne kanjébo!

Yensa akir akeekireeniŋ h’asíibane búyejo, ayéjeeniŋ: - Me, ii, a búdetálinku dohohu m'abúuñureemne ingi bukaano h'asíibane mees, hómáráŋ nip asúumeemsuum, te faka akankaan k'ihay.

Udikaamo aŋoyindem ayéjem: - Kanda arafaŋ! Fi lahuro gubaag, te koloŋo aŋantinŋantin, angu neeraŋ gunahorunkunumne baaruŋo b'úyejne?

Yensa balóbi nim, udikaamo ayéjem: - Ípápájul mara m'ayéjuhne Umaasaŋo Mu Díino Acaabenne adék adékekineh. Inini, úmár apútodir, adék akeekir mintor inho Díino arenn nip. Yensa ayéjem: - Me igune maŋ úmár, m'iŋane balóbo ingi fi.

- Índek índokoonuŋ k’úduk úfegeŋ údiigeeno m’alóbne h’ekanne nip ni wúur téekindom! Karo úmár agune Umaasaŋo Mu Díino Acaabenne?