Versete biblice populare din Xa̱bo̱ Róma̱ 10

Împărtășește

Xí ga̱jma̱á rawaanꞌ narathán-jmbaaꞌ rí Jesús ñajuun Táta̱ tsí naꞌthán-ñájun, jamí ga̱jma̱á a̱kia̱anꞌ nanimba̱a̱ꞌ rí Ana̱ꞌlóꞌ neꞌne rí mbayáa̱ mbiꞌyuu̱, a̱ꞌkhue̱n rí ma̱jríñáaꞌ.

Numuu rí ga̱jma̱á a̱kia̱anꞌ gíꞌmaa rí ma̱nimba̱a̱ꞌ kajngó maꞌthán Ana̱ꞌlóꞌ rí nánda̱a̱ aꞌkháanꞌ, jamí ga̱jma̱á rawaanꞌ gíꞌmaa rí ma̱ra̱tha̱n jmbaaꞌ rí nanimba̱a̱ꞌ xtayáa̱ kajngó ma̱jríñáaꞌ.

Ikhaa jngó, ndaꞌyóo rí mu̱dxawíín xa̱bo̱ ajngóo Ana̱ꞌlóꞌ, a̱ꞌkhue̱n rí ma̱goo ma̱we̱je̱ a̱kuíi̱n ná inuu̱.

Numuu rí xáꞌnii ka̱ma naꞌthán ná i̱yi̱i̱ꞌ ajngóo Ana̱ꞌlóꞌ: «Jámba̱a̱ tsí nanimbo̱o̱ꞌ jaꞌyoo̱ ikhaa̱, ma̱xáthájwíin a̱kuii̱n». Numuu rí nda̱a̱ máꞌ rí kriꞌkhuiin xa̱bo̱ judío̱ gajmíí xa̱bo̱ tsí ra̱ꞌkháa judío̱ ñajúún, numuu rí mbáwíi máꞌ Táta̱ tsí naꞌthán-ñájwanlóꞌ mbá xúgiáanꞌlóꞌ. Ikhaa̱ maphú mba̱a̱ naꞌne-tsakun-rámii̱ mbá xúgíin tsí nu̱xríga̱á mbiꞌyuu̱. Numuu rí jámba̱a̱ tsí naxrígo̱o̱ mbiꞌyuu Táta̱, ma̱jríya̱a̱ꞌ.

Jamí xáne gúthan-raꞌee̱ xí ndawa̱a̱ tsí ixúnguii̱nꞌ rá. Xómá ka̱ma naꞌthán ná i̱yi̱i̱ꞌ ajngóo Ana̱ꞌlóꞌ: «¡Rí maphú mitsaan ído̱ rí naguáꞌnú tsí naguwá juñu̱ú ajngáa rí tsímáá, ikhiin máꞌ tsí nuthan-raꞌa ajngáa máján!».

Xáne gúxri̱gáa̱ mbiꞌyuu tsí tánimbúu̱n juyáa̱ rá. Xáne gánimbúu̱n juyáa̱ tsí túdxawíi̱n ga̱jma̱á numuu rá. Xáne gúdxawíi̱n xí ndawa̱a̱ tsí maꞌthán-rúꞌúu̱n rá.

Numuu rí mbá xúgíí xtángoo ni̱gu̱ma-mbáníí ga̱jma̱á nindxu̱u̱ Krísto̱, kajngó maꞌthán Ana̱ꞌlóꞌ rí nánda̱a̱ aꞌkhúun jámba̱a̱ tsí nanimbo̱o̱ꞌ jaꞌyoo Krísto̱.