Matthew Chongmaruoi

Chongmaruoi

Thurchisa Matthew miziek hin Jisua hih Sanminringpu leikhâm, Pathien chongtung muruoa mingei kôma a chong leikhâm a mintungna ani ti a misîr ani. Hi Thurchi Sa hih Jisua ânzirna le a omna Judangei ta rang vai nimaka, rammuol pumpui ta rang alei ni.

Matthew miziek hih singtheitaka minsûk ani. Jisua inzirna thurchi'n ânphuta, masuole chu a Baptis changna le methêmna a tongnangei a misîra, hanchu Galilee rama a sinthonangei lâkin, Thurchisa a misîrna, a minchûna le mi a mindamnangei a misîr ani. Masuole chu hi Thurchisa hin Galilee ram renga Jisua Jerusalema ava chai thurchingei le Jisua hapta nûktak, mangtie ngei, jêmdela a omna roi ngei le ânthoinôkna thurchingei azoiphar tena a miziek ani.

Hi Thurchisa hin Jisua hih Minchupu inthangtak, Pathien Balam rilminthâr theina rachamneipu le Pathien Rêngram roi mi minchu ngâipu ani ti a minlang ani. A minchûnangei chu chonglupui rangngân lâkkhôm thei ani: (1) Muol chunga a thurchi misîr, Invân Rêngrama mi nina ngei nunchan rang ngei, sintumngei, satvurnangei le tuontungna roi ngei a misîr (bung 5-7); (2) Ruoisi somleinik ngei sinthona rilnangei (bung 10); (3) Invân Rêngram chungroia chongmintêkngei (bung 13); (4) Ruoisi-nina omtie chungroia minchûna (bung 18); (5) Atûnlâi zora mongna rang le Pathien Rêngram juong tung rang roia minchûna (bung 24-25) ngei hih an ni.

Asûnga chongtângpuingei

Richisûina le Jisua Khrista inzirna 1:1—2:23

Baptispu John sinthona 3:1-12

Jisua Baptis changna le methêmna a tongna 3:13—4:11

Galilee rama mipui ngei ranga Jisua sintho 4:12—18:35

Galilee ram renga Jerusalema 19:1—20:34

Hapta nûktak le Jerusalem kôla 21:1—27:66

Pumapa inthoinôkna le ânlârnangei 28:1-20

Selectat acum:

Matthew Chongmaruoi: SAKNT

Evidențiere

Partajează

Copiază

Dorești să ai evidențierile salvate pe toate dispozitivele? Înscrie-te sau conectează-te

Află mai multe despre Pathien Lekhabu Inthieng Chongtung Thar

Matthew Chongmaruoi

Versete biblice populare din
Matthew Chongmaruoi

Biblia:

Sakachep

Versiune: Pathien Lekhabu Inthieng Chongtung Thar - SAKNT