Psom 2
2
Bondie konsakre so Lerwa
1Kifer bann nasion pe rod deklans enn deboulman pou nanye?
Kifer bann pep pe konplote dan vid?
2Zot bann lerwa lor later pe prepar lager,
zot bann dirizan pe vinn ansam kont LESEGNER
e kont lerwa ki li finn konsakre.
3Zot dir, “Anou kas lakord zot regn;
plis ki sa, anou eklat zot lasenn.”
4LESEGNER ki pe asiz lor so tronn lao dan lesiel
pe riye e pran zot pou enn bann boufon.
5Li averti zot dan so gran lakoler,
e laflam so lakoler fer zot tranble.
6Li dir zot, “Mwa ki finn swazir mo lerwa,
mo finn instal li lor Sion, montagn sakre.”
7Lerwa dir, “Les mo anons zot deklarasion LESEGNER.
Li finn dir mwa, ‘Zordi, zour to kouronnman,
to finn vinn mo garson e mwa mo finn vinn to Papa.
8Nek dimann mwa e tou bann nasion pou vinn pou twa;
nek dimande, e later antie pou vinn to rwayom.
9Lerla to va diriz zot avek lafors ki ena dan enn feray
e kas-kas zot kouma gargoulet ki fer ek later.’ ”
10Alor, zot ki bann lerwa, servi lasazes;
zot ki dirizan lor later, fer atansion.
11Obeir LESEGNER ar boukou respe;
exprim zot lazwa, avek tranbleman.
12Met zot azenou divan li.
Pa bliye so lakoler anflame vit
e zot kapav zwenn lamor lor sime.
Bienere tou dimounn ki mars ar li
e ki gagn so proteksion.
Selectat acum:
Psom 2: KMNT
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
Nouvo Testaman Kreol Morisien Harmonisation NTPS KM © Bible Society of Mauritius, 2021.