S. Mat 3
3
Krie III.
1Tek ató ditt𝑒 prâ jerδi Dz̆uán Batista tue ligj𝑒rúar𝑒 te diserti i Dz̆uδês,
2E tue θ𝑒n𝑒: Buni pendes𝑒: se u‐kjas𝑒 mbretría e kjíeγiavet.
3Se kî is̆t aí, ts̆𝑒 kle rr𝑒fíer𝑒 ka Isaía profeti ts̆𝑒 θos̆𝑒: Z𝑒ri i atîγj𝑒 ts𝑒 θret te diserti: D𝑒rtoni uδ𝑒n e Tinzoti: ndrékj𝑒ni δrómet’ e tîγj𝑒.
4E aí Dz̆uán kis̆ t𝑒 vés̆ur𝑒n e tîγj𝑒 kjímes̆𝑒 gamile, e nj𝑒 bres likúrie rreθ mésit𝑒 tîγj𝑒: e kjevarría e tîγj𝑒 is̆𝑒n kartsalets𝑒, e miáj𝑒t t’ eg𝑒r.
5Aχiérna dilj𝑒 t𝑒 vêγj𝑒 p𝑒r até Dz̆erusalemmi, e gjiθ𝑒 Dz̆uδéa, e gjiθ𝑒 χór𝑒t𝑒 ndan𝑒 Dz̆urdánit𝑒;
6E pagzónes̆in te Dz̆urdani ka aí, tue skomoγísur𝑒 m𝑒kát𝑒t’ e tire.
7T𝑒 pârit ts̆𝑒 pâ ditsá ka Farisénj𝑒t𝑒 e ka Saduts̆énj𝑒t𝑒, ts̆𝑒 véij𝑒n p𝑒r pagzimin e tîγj𝑒, θa atíreve: J𝑒nî víparas̆𝑒, kus̆ ju d𝑒ftói t𝑒 jíkurit ka m𝑒nía ts̆𝑒 t𝑒 vinj𝑒?
8B𝑒ni prandái pem𝑒 petk𝑒 pendésie.
9E mos t𝑒 ju δekst𝑒 t𝑒 θoni nd𝑒r jû: Kemi p𝑒r print𝑒 Abramin. P𝑒rts̆é ju θom𝑒 se Per𝑒ndía ka kta gure m𝑒nd’ e ngréχen𝑒 djelm𝑒 Abrámit𝑒.
10E ts̆𝑒 naní e par𝑒t sopata rrî ndan𝑒 rrenj𝑒s lísevet. Andái ngâ lis𝑒, ts̆𝑒 ng𝑒 bun pem𝑒 e mir𝑒, prítet𝑒, e s̆tíχet𝑒 mbi zjarr𝑒.
11Ú p𝑒r v𝑒rtet𝑒 ju pagzonj𝑒 nd’ uj𝑒 p𝑒r pendes𝑒: e aí ts̆𝑒 pas meje ist e vjen, ê m’ i fukjis̆m𝑒 se ú, e atîγj𝑒 ú ng𝑒 jam i mir𝑒 t’ i kjêχ𝑒 k𝑒púts𝑒t𝑒: aí kat𝑒 ju pagzonj𝑒 nd𝑒 Špîrt𝑒 s̆éit𝑒, e nd𝑒 zjarr𝑒.
12Ají kâ lopat𝑒n te dora e tîγj𝑒: e kat𝑒 kj𝑒ronj𝑒 l𝑒min e tîγj𝑒: e kat𝑒 mbjéδ𝑒nj𝑒 driθ𝑒t e tîγj𝑒 te χambari, e kas̆t𝑒n kat’ e djég𝑒nj𝑒 me zjarr𝑒 t𝑒 pās̆úam𝑒.
13Aχiérna arrên Dz̆esúi ka Galiléa mbi Dz̆urdanin te Dz̆uáni, sât𝑒 pagzónet𝑒 ka aí.
14E Dz̆uáni e mbâγj𝑒, tue θ𝑒n𝑒: Ú kam𝑒 b𝑒zonj𝑒 t𝑒 jêm𝑒 pagzúar𝑒 ka‐k𝑒 ti, e ti vjen𝑒 tek’ ú?
15E si u‐p𝑒rgjekj𝑒 Dz̆esúi, i θa: Le m𝑒 p𝑒r naní: se k𝑒s̆tú na nget neve t𝑒 bénj𝑒m𝑒 gjiθ𝑒 t𝑒 dréj𝑒t𝑒n. Aχiérra e la.
16Pagzúar𝑒 ts̆𝑒 kle Dz̆esúi, njize kardzéu ka uj𝑒t. E s̆i i u‐sbiγ𝑒n kjíeγiat𝑒: e pâ Špirtin e Per𝑒ndîs𝑒 ts̆𝑒 sdripej si paγump𝑒, e ts̆𝑒 viγj𝑒 mbi té.
17E s̆i nj𝑒 zê ka kjíeγiat𝑒 ts̆𝑒 θos̆𝑒: Kî is̆t𝑒 biri im𝑒 i dás̆uri, te ku u‐préj𝑒ta.
Selectat acum:
S. Mat 3: AAE1868
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
Përktheu nga greqishtja 1868.