Mathiu 10
10
1An neteraunin ton tan ieremim min katilum katilum mekiu, mofen nesanenan kam ilar to nanumun tat min moma takahiliatou ilar, mene to nolutan neremim le netetan min mene le nemisan min.
2An netigen napostelo min in uk, paupan Saimon ierem kahmin kama Piter, mene nohran Andru, mene Jems neri Zebedi mene John nohran;
3Filip mene Bartholomiu; Tomas mene Mathiu ierem le nuhwafugenan; Jems neri Alfius mene Thadius;
4Saimon Zelotes, mene Judas Iskariot ierem ramaurai in.
5Ilar uk katilum katilum mekiu Iesu rehmaiatou ilar, neterinipen to ilar, moma,
Tenesaruanan le suatu te nerem Jentail, an tenesaruanan le nauanu ker te nerem Sameria.
6Mero tenakaruan le ship min kamalue te nerem Israel.
7Tenakaruan matikun mani, mama, Niko le neai reknua iwaket.
8Tenakarol ut nerem kamaremis, an tenakaros miuh nerem kenaremis, tenakarol ut nerem kamaremis le leprosi, tenakahiliatou nanumun tat min. Nemaros asul, arofen asul.
9Tenesarosan kold wa silver wa bras le pautsh temiar.
10Tenesalulan karam, tenesaruanan le kot kiu, tenesarosan shus mene kasikin. Mero in ka ravit tokaugan iasum.
11An ama nakaruan le nihmawa ker wa le nauanu ker, aitkoigen moma pehe iken ravit, an mamairik iken mairoatis nepenian tenakarier lan.
12An ama nakaruan le nimwa ani nemelinuan ton.
13An takama nimwa ravit pas nemelinuan temiar ruan ton; mero ama resavitan nakaipas nemelinuan temiar relelegpena to kamiar.
14An ierem resiran kamiar mesaitelegan le nakaran temiar, ama nakarier le nimwa ka wa le nauanu ka, ahipel atagatag nemapten le nelikimiar.
15Nuparhien tiakani to kamiar, repavit to Sodom mene Komora le nian te netetan mero reptat to nauanu ka.
16Ahm ru, iakhaliatou kamiar kama ship min le neki nabakaru; ailbakau kama tagalua mero marut am kama mak.
17Mero tenakamaihmena neremim, mero in ka teparofen kamiar kam nerem asul, an le nimwa ahwak tenilar kapahro kamiar.
18An le neremera mene le neremera asul kapir kamiar to netigok, mero in ka hninatinan to ilar mene nerem Jentail.
19Mero takarofen kamiar, tenesariginan mama neta wa tenakatua mani; mero in ka tapofena kam kamiar neta tenakani loanian ka.
20Mero in ka resolan moma kamiar tenakaikar mero nanumun te Remimiar in terakar le kamiar.
21An ierem rapaurai pian to nemisan, an remin rapaurai nerin, an nowasuas teparol tikhu kam remin ilar mene inen ilar, an teparhwapnin ilar.
22An neremim petum tepaimakin kamiar to netigok; mero ierem rapail tumutum to nuhiefin rapos nemihwan.
23Mero takama takarol nahmean kam kamiar le nauanu ker, aikam maruan le nauanu pusen ker; mero in ka nuparhien tiakani to kamiar, tenesaruanan marier le nauanu min te Israel, loanian Neri Ieremim terua.
24Tan ieremim teresetietan to ietikun tahan, an iolatkokun, nar teresetietan to ieremera tahan.
25Ravit to tan ieremim moma terol kama tahan ietikun, an to iolatkokun nar moma terol kama tahan ieremera. Takama takani Ieremera te nimwa Beelzebub, an kuhu mun takani le nerem imwa tahan.
26Mero in ka asariginan to ilar; mero in ka nar kamepatatin tepupigita; an nar kametkauigen tefhinatin.
27Neta iakameni to kamiar le napinapan, ani le hnakakan; neta nemairo le nepagtelegemiar, ani apam letui nimwa.
28An asarigninan nerem takahro nubalakitil, mero kasaisanenan to hnoan nanumutil; mero arignin ierem resanen to nuhwasesenan nanumutil mene nubalakitil le nekam asul.
29Kleplepin kiu kamaurai in ilau to nanumu moni kiu; an ker le ilar teresaman le nemapten mero Remimiar rhinatin.
30Mero noanumiar kenahwin petum.
31Mero in ka asariginan; mero in ka kamiar nakarut aken kama kleplepin rapus.
32Mero in ka ierem teros netigok le nemri neremim, Io mun tiakani in tahak ieremim le nemri Tata le neai.
33Mero ierem terapnin io le nemri neremim, io mun tiapapnin in le nemri Tata le neai.
34Nekimiar reshoan moma iava tiakahlau nemelinuan le ten uk; iemesuean moma tiakahlau nemelinuan mero nau apam.
35Mero in ka iava tiakol ieremim teretkauga kam remin, an beresuas repetkauga kam inen, an beresuas repetkauga kam rupun.
36An neremim le nimwa taha ieremim karena tepaimakin in.
37Ierem rolkeikeipuk remin wa inen kama io resavitan tonio; an ierem rolkeikeipuk nerin ieruman wa nerin beresuas kama io resavitan tonio.
38An ierem teresositan tahan nik aluauin an maroupa io resavitan tonio.
39Ierem terahm nemihwan tahan repetaken; an ierem teretaken nemihwan tahan tonio tererahm.
40Ierem teros kamiar teros io, an ierem teros io teros ierem rehmalipa io.
41Ierem teros profeta le netigen profeta terepos nemri profeta, an ierem teros ieremim ut le netigen ieremim ut terepos nemri ieremim ut.
42An ierem terama terofen nu le nevige nar kam ierem iresuas uk ker le netigen tahak ieremim, nuparhien tiakani to kamiar, tereseluean le nemrin tahan.
Selectat acum:
Mathiu 10: LEN1902
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
Published by the British and Foreign Bible Society in 1902, reprinted in 1935.