บราเกะ ลารี ปือมือเลา มือญาเระ ดูลู
ปือมือเลา มือญาเระ ดูลู
ซูรัจ บราเกะ ลารี_ อาดา ปือนามา กะฆีเตอ_ กรานา ญา มือญาเระ รอจ กะ ปาซัน ลาฆู ซัยํบือซัยํ เดะ ฮาดัจ นะ อิซราเอน_ ฌาดี จะ_ ลาฆู นู ลูมอฮ บักซา อิซราเอน บราเกะ รูมัฮ_ บือฌาลัด ตรือเบะ เดะ นังฆรี อียิบ_ บรี ลือปัซ เดะ ลาฆู ฌาดี ปราโซฮ.
ซูรัจ อีนี ปาฮาฆิ ฌาดี ลาฆู บือซัยํ_ ตีฆา ลาฆู_ ฌาดี จะ
1. ลาฆู ปลือปัซ ลูมอฮ ฮีบรู_ เดะ ลาฆู ฌาดี ปราโซฮ_ ฌางัน ลาฆู บือฌาลัด ปี กะ บูเกะ ซีนัย.
2. ตูฮัด บูวัจ ลาฆู บือฌาญี บือตือตู_ ฌางัน ลูมอฮ อิซราเอน_ เดะ บูเกะ ซีนัย. ตูฮัด ปือซัด โกะ ปือมือเลา ฮูโกบ_ โกะ ปือมือซัด_ ปาซัน โกะ ปรางัย นะ ซือมียา_ ปาซัน ลาฆู ปือบือลา ลูมอฮ ซือมียา_ ปาซัน ลาฆู ปือจายา_ บีดา บรี กะ กูญา บูวัจ ตูโรจ.
3. ลาฆู บูวัจ บาลัย กาเยด_ ฌาดี รูมัฮ มือญือมัฮ กะ ตูฮัด_ ฆือนะ ฌางัน โกะ กือลือกะ ซือมูฮา_ เดะ ตือปัจ มือญือมัฮ นะ ลูมอฮ อิซราเอน. อาดา ฌูฆา ลาฆู ฮาดัจ ฮูโกบ_ ปาซัน โกะ ซามี_ ฌางัน ลาฆู มือญือมัฮ กะ ตูฮัด. ลือเบฮ เดะ อีตู เตอ_ ซูรัจ อีนี บือเลฮ มือเลา_ ปาซัน ลาฆู บือกรือฌา นะ ตูฮัด_ กาลา ญา ปลือปัซ ลูมอฮ ซือมียา นะ ญา_ นู ฌาดี ปราโซฮ. ตูฮัด ญา บือฌาดี ลูมอฮ กูญา_ บรี ฌาดี บักซา นู อาดา ลาฆู จาดัก กะ โซะ ฮือลด.
ซือมียา ซัยํบือซัยํ นะ ซูรัจ บราเกะ ลารี ฌาดี จะ_ มูซา_ ซือมียา นู ตูฮัด ปีเลฮ ดัฮ_ บรี ฌาดี กือปาลา นะ ลูมอฮ ซือมียา นะ ตูฮัด_ นู ตรือเบะ ดาตัก เดะ นังฆรี อียิบ. ซูรัจ บราเกะ ลารี ปาซัน นู ดูวา ปูโลฮ (20) ฌาดี ปาซัน นู โกะ ซือมียา ตาฮู ซือมูฮา ดัฮ_ กรานา มือเลา รอจ กะ โกะ ปือมือซัด นะ ตูฮัด_ ซือปูโลฮ ตือนอซ เลอ.
เดะ ดาลับ ซูรัจ บราเกะ ลารี อีนี_ นะ ดาปัจ ลาฆู กะฆีนี
1. ลูมอฮ อิซราเอน กือนา ปลือปัซ บรี ลือปัซ เดะ ลาฆู ฌาดี ปราโซฮ นะ ลูมอฮ อียิบ (1.1—15.21)
- ลาฆู ฌาดี ปราโซฮ เดะ นังฆรี อียิบ (1.1-22)
- ลาฆู ดูโดะ เดะ อาปี ฌางัน ลาฆู บือซัยํ มาแรฮ_ นะ มูซา (2.1—4.31)
- มูซา ฌางัน อาโรน_ บือซูวา มูคา ฌางัน ราฌา นะ นังฆรี อียิบ (5.1—11.10)
- ลาฆู บรามัย ลือปัซ ปี_ ฌางัน ลาฆู บือฌาลัด ตรือเบะ เดะ นังฆรี อียิบ (12.1—15.21)1
2. ลาฆู บือฌาลัด ตะเดะ ลาโวจ มีรัฮ_ รอจ กะ บูเกะ ซีนัย (15.22—18.27)
3. ปือมือเลา ฮูโกบ_ ฌางัน ปือมือเลา บือฌาญี บือตือตู นะ ตูฮัด (19.1—24.18)
4. ลาฆู บูวัจ บาลัย กาเยด_ ฌางัน ปือมือเลา อาฌัยํ_ ตูโญะ กะ ลาฆู มือญือมัฮ (25.1—40.38)
บาจา เลอ_ เดะ ซูรัจ ปือมือเลา นะ ตูฮัด
Selectat acum:
บราเกะ ลารี ปือมือเลา มือญาเระ ดูลู: ULBIBLE
Evidențiere
Copiază
Compară
Împărtășește
Dorești să ai evidențierile salvate pe toate dispozitivele? Înscrie-te sau conectează-te