मती 4
4
ईसु रआ परिछा
(मरकुस 1:12–13; लूका 4:1–13)
1 #
इबरा 2:18; 4:15 उना तयोम पबितर रावा ता ईसु के बुरु रे इदी एदेयाय, ताकि सयतान एते उनी रआ परीछा होयुःआ, 2ईसु चालीस सिंगी अरो निदा उपास तहिएनाय अरो उना तयोम ईसु के रेंगेच एदेया। 3तोब परीछा अगु वनीः#4:3 परीछा अगु वनीः सयतान ता हेनात हेच केते ईसु के गामवादेयाय, “अगर आम परमेसर रिई होपोन हेरेल हेकेम रेदो गाम्मी चि नुवां दिड़ीकुन पिठा बाय कोःका।”
4 #
नियम 8:3
ईसु ता जबाब एमाःदेयाय, “पबितर पोथी रे ओल्लेकाना, ‘मनवा सिरीफ पिठा एते जुवेत काकु तहिना, मुदा उना सुबिन बचन एते जुवेतोः कनाकु, जे परमेसर रआ मोचा एते उडुङओःका।’”
5तोब सयतान ता ईसु के पबितर चट्टी जरुसलेम रे इदी एदेयाय, आर मरंग बिनती ओड़ाः रआ चेतान चुटी रे तिंगु एदेयाय, 6#सिरिञ 91:11,12अरो ईसु के गामवादेयाय,
“अगर आम परमेसर रिई होपोन हेरेल हेकेम रेदो, नोन्डो एते चुड़िर जोनमी, चिलिमेनचि पबितर पोथी रे ओल्लेकाना,
‘आम रआ बबेत रे अपन सोवारागदूतकु के हुकूम एमाकुवाय! अरो उनकु आम के लोका केमाकु, आर आम के दिड़ी रे काकु थोसड़ाव इरीवामा।’”
7 #
नियम 6:16
ईसु ता सयतान के गामवादेयाय, “नुवां हों ओल एकाना आम अपन परभु परमेसर के ओलोम परखाविया।” 8अरो सयतान उनी के मियाः उसुल टोंगरी रे इदी एदेयाय, “आर दुनिया रआ सुबिन राइज अरो उना रआ ठाट-बाट उदुःवादेयाय” 9अरो सयतान ता गामवादेयाय, “अगर आम इञ के डोंडोत अरो इञ रआ आराधनाय रेदोम आम के नुवां सुबिन्नाः एमामिञ।”
10 #
नियम 6:13
ईसु ता जबाब एमाःदेयाय, “सयतान इञ ठिनुः एते ओचोः जोनमी, पबितर पोथी रे ओल एकाना, ‘अपन परभु परमेसर के डोंडोत एयमी अरो सिरीफ इनी किगी सुसार एयमी!’”
11तोब सयतान ईसु के बागी केते तोराया; अरो सोवारागदूत हेच केते ईसु के सेवा-सुसार हेलावेनाकु।
ईसु रआ सेवा-सुसार कामि रआ एटेच
(मरकुस 1:14,15; लूका 4:14,15,31)
12 #
मती 14:3; मर 6:17; लूका 3:19,20 जोब उनी ता अयुम्मेताय चि जोहन के साप केते जेहेल ओड़ाः रे हंडेत एदेयाकु, दो उनी गलील रे रुवाड़ हेच्चेनाय। 13#जोह 2:12ईसु अरो चेला नासरत बागी केते कफरनहूम चट्टी रे, जे समुदर आतोम जबुलून अरो नपताली रआ इलाका हेनाःआं, सेन केते ओन्डो तहीः हेलावेनाय। 14अरो जे जसायाह परमेसर सोझ एते नधनी वनीः ता गाम लाःआय उना पुराव ओःका,
15 #
जसा 9:1,2 “जबुलून अरो नपताली रआ इलाका,
समुदर रआ होरा एते जरदन गाड़ा रआ उना परोम गइर-जहुदिकु रआ दिसुम गलील रे!
16जे लुबाः रे तहीः एकु होरकु के उनकु मियाः मरंग जोती नेल एताकु।
अरो जे गोनोच रआ लुबाः इलाका रे तहिकेनाकु,
उनकु चेतान रे मसकल जुलेना।”
17 #
मती 3:2
इमिन एते ईसु परचार कराव एटेच एताय “मोन रुवाड़ एपे चिलिमेनचि सोवाराग रआ राइज हेनात हेच तेबाः एकाना।”
हाकु सासप वनकु चाइर होर के होहोवेःकुवाय
(मरकुस 1:16–20; लूका 5:1–11; जोहन 1:35–42)
18जोब ईसु गलील रआ समुदर अतोम-अतोम एते सिनुः केनाय, दो उनी ता बार बोयहा के नेलेःकिनाय। उनकिन रे एते मिहोर सिमोन (जे पतरस गमुःकेनाय) आर उनी रिई बोयहा अन्धरियास के समुदर रे झाली ओडाव एते नेलेःकिनाय, उनकिन मछुवा तहिकेनाकिन। 19ईसु ता उनकिन के मेताःकिनाय, “इञ तयोम हिजुःबेन, इञ अबेन के मनवाकु के सासप वन मछुवा बायबिनिञ।” 20उनकिन एनेन गी झाली बागी केते उनी रआ तयोम एनाकिन।
21ओन्डो एते लहा बड़हाव केते ईसु ता बार बोयहा, जबदी रेन होपोन हेरेल जाकूब अरो उनी रिई बोयहा जोहन के नेलेःकिनाय, उनकिन अपन आपु जाबदी लोः डोंगा रे अपन झाली मरामेत एकेनाकिन। इमिताः गी ईसु ता उनकिन के होहोवेःकिनाय, 22उनकिन एनेन गी डोंगा अरो आपु तेः के बागी केते, ईसु तयोम एनाकिन।
ईसु रोगिकु के बुगी वेःकुवाय
(लूका 6:17–19)
23 #
मती 9:35; मर 1:39 ईसु सुबिन गलील पोरदेस अरो हातु-हातु रे सेन-सेन केते उनकु रआ बिनती ओड़ाः रे सिख एमवाते, राइज रआ बुगिन खभेर परचार वते, होरकु के सुबिन रकम रआ रोगी अरो कोमजोरकु के बुगी कुकनकेनाय। 24ईसु रआ चरचा सुबिन सीरिया दिसुम रे फयलावेना, सुबिन लेकन हासु वनकु के, अरो दुख एते पेड़ेच केनाकु, जेकर रे मुवां रावा तहिकेनाकु, मिरगी वन अरो लकवा रोगिकु के उनी ठिनुः अगुवेःकुवाकु ईसु उनकु के बुगी वेःकुवाय। 25अरो गलील, दिकापुलिस, जरुसलेम, जहुदिया पोरदेस रआ इलाका अरो जरदन गाड़ा रआ परोम बेचोट होर उनी रआ तयोम सेसेन हेलावेनाकु।
Selectat acum:
मती 4: BIY
Evidențiere
Copiază
Compară
Împărtășește
Dorești să ai evidențierile salvate pe toate dispozitivele? Înscrie-te sau conectează-te
© 2023 NLCI CC BY-NC-ND 4.0
