Известные библейские стихи из Lucas 20

Поделиться

Jayawe Jesús jei chupe reta: “Jayawe kua ko jae César imbae. Pemee ye chupe jayawe. Erëi pemee wi Tumpa pe jokua mbaembae Tumpa uipota wae,” jei chupe reta.

Jayawe Jesús umae ngatu jese reta jare jei: “¿Këraita pa jayawe ipuere uyeyapo Tumpa iñeerɨru pe uyekuatía oï wae? Echa’ä joko pe uyekuatía oï kuärái: ‘Jokua ita tëta iyapoa reta wɨrɨ̈ro omombo iyuwi reta wae, añawe uyeyapo ma chuwi reta ita ikawiete ye wae opaete ïru ita reta tëta pewa wi,’ jei.

“Piyandareko kawi piyé Moisés uikuatía wae re oporomboe wae reta wi,” jei chupe reta. “Echa’ä jae reta jekuaeño uipota uyepɨuka waerä ïru wae reta pe. Jáeramo jekuaeño uyemonde kawi reta uyechaka waerä jae reta ko jae tenondewa reta,” jei. “Jare jae reta uwata ñonoï mercado rupi yawe, jekuaeño uipota ïru wae reta umbɨsaluda waerä uipɨu chuwi rewe,” jei. “Jare yuraa reta yawe tupao pe, jae reta uipotaete uwapɨ tenda tenondewa ikawiete wae pe. Jare jukuärái uyapo reta wi uparea chupe reta yawe,” jei. “Jare jae reta puku uyerure reta Tumpa pe opaete wae umae waerä tëi jese reta jupi ko ñonoï Tumpa ndiwe wae. Erëi jae reta tawɨ rupi upɨ̈ro kuña ime umano chuwi wae reta wi imbaembae. Jáeramo täta rupi Tumpa uiporarakata oï chupe reta,” jei Jesús chupe reta.