Известные библейские стихи из Matthew 27

Поделиться

Udduppu saate gidiyaa heeran Yesuusi bare qaalaa dhoqqu oothiide, <<Elohee, Elohee, laamaa sabaqitaanii?>> yaageedda. Hewaa guussay, <<Ta Xoossaw, ta Xoossaw, taana ayissi co77u gaaddi?>> guussaa.

Akeekite; Geeshsha Golliyan kaqetteedda gaariiduu qommoppe duge gakkanaw, laa77u kesiide, pooshetti wodhdheedda; sa7ay qaaxxeedda. Qassi zaallaykka phalqqetteedda; cora duufuu dooyetteedda. Xoossaa asaappe coratuu hayqqeeddawanttu, hayquwaappe denddeeddino.

Yesuusi laa7enthuwaa bare qaalaa dhoqqu oothi waassiide, hayqqi aggeedda.

Xeetuwaa kaappuunne aananna Yesuusa naagiyaa wottaaddaratuu sa7ay qaaxxiyaawaanne hewaan haneeddawaa ubbaa be7eedda wode daro yayyeeddino; yashshaa gaasuwaan, <<Tumu hawe Xoossaa Na7aa>> yaageeddino.

Usuppun saatiyaappe doommiide, udduppu saatiyaa gakkanaw, biittay ubbay dhumeedda.

Philaaxoosi, <<Yaatina, Kiristtoosa geetettiyaa Yesuusa wootoo?>> yaagiide unttuntta oochchina ubbay, <<Masqqaliyaa bolla misimaariyan dhishettiide kaqetto>> yaageeddino. Philaaxoosi asaa, <<Ayissi? Ay iitabaa ootheeddee?>> yaageedda. Shin asay kasewaappekka barenttu kooshshaa dhoqqu oothiide, <<Masqqaliyaa bolla misimaariyan dhishettiide I kaqetto>> yaageeddino.