Известные библейские стихи из Mark 11

Поделиться

Hewaa diraw, Xoossaa hintte woossiyaabaanne oochchiyaabaa ubbaa akkidiggowaadan ammanite; hintte akkana.

Taani hinttenttoo tumuwaa gay; ooninne bare wozanaan sidhennaan bare geeddabay hananawaa ammaniide, ha deriyaa, <Denddaade abbaan kundda> gooppe hanana.

Xoossaa woossanaw hintte eqqiyaa wode, saluwan de7iyaa hintte Aawuu hintte nagaraa atto gaana mala, ooninne hinttentta naaqqeeddabay de7ooppe, aw atto giite.

Yesuusi zaariide, unttuntta hawaadan yaageedda; <<Xoossaa ammanite.

Yesuusi asaa hawaadan yaagiide tamaarisseedda: <<Xoossaa Maxaafan, <Ta golli Ayihuda gidenna asay ubbay Xoossaa woossiyaa golle geetettana> yaagettiide xaafeetti utteedda; shin hintte A bonqqanchchatuu qosettiyaa gonggoluwaa kesseeddita.>>

Yesuusappe sinthanna hamettiyaa asaynne A geeduwaa kaalliyaa asay barenttu kooshshaa dhoqqu oothiide, <<Xoossay galatetto! Godaa sunthan yiyaawe anjjetteeddawaa.

Godaa sunthan yiyaa nu aawuwaa Daawite kawutethay anjjetteeddawaa. Saluwaa ubbaappe bolla saluwan de7iyaa Xoossay galatetto>> yaageeddino.