Известные библейские стихи из मत्ती 12

Поделиться

अरह् हाँव तुँओं खे बुलू, के जुण्जी-जुण्जी निकाम्मी बातो आदमी बुल़्ले, पंणमिश्वर के नियाँव के देसे तिनू ऐक नाँम बातो का लेखा-ज़ोखा देणाँ पड़ला। किन्देखे के तू आप्णी ही बातो के जाँणें बै-कसूर अरह् आप्णी ही बात के जाँणें कसूरबार बंणाँया ज़ाईला।”

हे शंगाव के नहाँन्ड़िया, तुँऐं बूरे हऐयों केशी-केशी आच्छ़ी बातो बुली सको? किन्देखे के जुण्जों तुवाँरे मंन दो भरो अंदो असो, सेजो ही अमाँरी ज़ात्ति-मुँह शो बाँईडो निक्ल़ो।

भला आदमी मंन के भले भण्डार शी भली बातो नीकाल़ो, अरह् बुरा आदमी बुरे मंन के भण्डार शी निकाम्मी बातो नीकाल़ो।

“ईन्देंखे हाँव तुँओं खे बुलू, के आदमी का करा अंदा कुँण्जा ही भी पाप, कुँण्जी भे पंणमिश्वर की नीदया, माँफ कर्णो ज़ुगै असो; परह् पबित्र-आत्त्मा की नीदया कर्णो वाल़े खे माँफ ने करो ज़ाँव।”

“जेसी डाल़ों खे तुँऐं आछा बुलो, तिन्दें के फल़ खे भे आछा हों, अरह् जे तुँऐं कोसी डाल़ो खे नि-काँम्मा बुलो तअ तेसी डाल़ो के फल़ खे भे नि-काँम्मा बुलो; किन्देखे के ऐक नाँम डाल़ तिनके फल़ शे ही पंछ़्याँणें ज़ाँव।