Известные библейские стихи из ᤗᤢᤁᤠ 5

Поделиться

ᤂᤢᤏᤧ᤹ ᤐᤠ᤺ᤵᤔᤠ ᤛᤢᤖᤢᤀᤠᤱ ᤛᤡᤔᤥᤏᤧᤴ ᤔᤧᤳᤋᤢ. “ᤂ᤺ᤱᤒᤣᤴ ᤏᤠ ᤁᤢᤍᤡ᤺ᤶᤒᤣ ᤁᤣ᤺ᤶᤒᤠᤀᤥ ᤋᤣ᤹ᤖᤧᤀᤠᤱ ᤅᤠᤍᤧᤶᤔᤠᤖᤧ ᤗᤠᤃᤡ ᤕᤥ᤺ᤱᤅᤡᤴ ᤗᤧᤵᤋᤧ᤹॥”

ᤜᤧᤰᤁᤣ᤺ᤸᤗᤧ ᤛᤡᤔᤥᤏᤖᤧ ᤏᤥᤃᤵ ᤐᤡᤖᤢ. “ᤀᤠᤍᤠᤱᤒᤣ. ᤀᤠᤏᤡᤃᤧᤃ ᤏᤠᤶᤍᤠ᤺ᤳᤋᤠ᤺ᤳ ᤕᤠᤶᤒᤢᤎᤡᤰᤁᤠᤱ ᤕᤥ᤺ᤱ ᤗᤧᤵᤔᤏᤠᤛᤠᤱ ᤅᤠᤎᤡᤰᤁᤠᤱ ᤔᤧᤕᤠᤱᤄᤢᤶᤒᤧᤴᤗᤥ. ᤜᤧᤰᤁᤣᤛᤠᤱ ᤂᤧᤏᤧ᤹ ᤁᤧᤒᤠ᤺ᤳᤋᤢᤒᤠ ᤜᤧᤰᤁᤣ ᤗᤧᤵᤋᤢᤱᤛᤠ᤹ᤖᤢᤱᤗᤥ॥” ᤜᤧᤰᤁᤩᤠᤱ ᤂᤢᤏᤧ᤹ ᤐᤠ᤺ᤳᤋᤢᤒᤠ ᤜᤧᤰᤁᤣ ᤕᤥ᤺ᤱᤅᤡᤴ ᤗᤧᤵᤋᤢᤸᤗᤧ ᤕᤖᤡᤰ ᤅᤠᤜᤠ᤹ ᤔᤧᤎᤩᤧᤀᤠᤱ ᤕᤥ᤺ᤱᤅᤡᤴᤏᤣ ᤋᤧ᤺ᤱᤔᤠ ᤜᤣ᤺ᤰᤋᤧᤖᤥ॥

ᤁᤖ ᤕᤧᤛᤢᤴ ᤀᤧᤳᤗᤧᤱ ᤔᤏᤠᤗᤢᤶᤔᤥᤗᤠᤶ ᤛᤧᤴᤇᤡᤱᤅᤠᤱ ᤋᤢᤘᤠ ᤆᤥ᤺ᤰᤛᤧ ᤀᤣ᤺ᤰᤛᤠᤍᤧᤴᤜᤠ᤹ᤀᤥ ᤐᤣᤖᤥ॥

ᤜᤧᤰᤁᤣᤗ᤹ᤖᤡᤰᤁᤣ ᤀᤡᤱᤃᤠ᤹ᤀᤠᤱ ᤛᤠᤶᤕᤥᤒᤠᤜᤠ᤹ ᤔᤣ᤺ᤴ. ᤁᤖ ᤗᤠᤕᤥᤒᤠᤜᤠ᤹ ᤗᤠᤕᤥᤗᤠᤶ ᤔᤧᤜᤡᤴᤗ ᤑᤠ᤹ᤀᤠᤱ ᤀᤢ᤺ᤳᤇᤧ ᤋᤩᤠᤱᤒᤠᤖᤥ॥”

ᤛᤡᤔᤥᤏ ᤐᤋᤪᤢᤛᤖᤧ ᤁᤴ ᤏᤡᤛᤢᤀᤠᤱ ᤕᤧᤛᤢᤖᤧ ᤁᤢᤍᤃᤡ ᤌᤢᤱᤒᤥᤜᤈ᤹ ᤕᤢᤱᤛᤡᤱᤅᤠᤱ ᤔᤧᤳᤋᤢ. “ᤀᤠᤍᤠᤱᤒᤣ. ᤀᤡᤱᤃᤠ᤹ᤃ ᤛᤠ᤹ᤖᤡᤰ ᤗᤠᤕᤥᤒᤠ ᤔᤏᤠᤀᤠᤖᤥ. ᤂᤧᤏᤧ᤹ᤏᤢ ᤘᤠ᤹ᤔᤠ ᤔᤧᤗᤠ᤹ᤀᤠᤴᤗᤥ. ᤗᤧᤖᤠᤱ ᤌᤩᤠᤱᤅᤧ᤹ᤀᤥ॥”

ᤕᤧᤛᤢᤖᤧ ᤂᤧᤱᤜᤠ᤹ ᤏᤥᤃᤵ ᤐᤡᤖᤢᤛᤡ. “ᤛᤡᤍᤠ᤹ᤛᤠᤶᤒᤧᤱᤃ ᤔᤧᤴᤍᤢᤰᤔᤏᤠᤜᤠ᤹ᤖᤧ ᤗᤠᤃᤡ ᤔᤣ᤺ᤴ. ᤁᤖ ᤁᤧᤍᤢᤰᤐᤠᤜᤠ᤹ᤖᤧ ᤗᤠᤃᤡᤖᤥ॥

ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂ᤺ᤱᤒᤣᤜᤠ᤹ ᤁᤢᤕᤠᤀᤥ ᤔᤧᤍᤣ᤹ᤖᤢᤛᤡ. ᤜᤧᤰᤁᤩᤠᤱ ᤁᤧᤖᤧᤰ ᤔᤧᤗᤧᤖᤢ ᤔᤧᤎᤀᤠᤱ ᤕᤧᤛᤢᤴ ᤔᤧᤍᤡᤶᤍᤢᤖᤥ॥

ᤌᤡᤰᤕᤧᤴ ᤕᤧᤛᤢᤴ ᤗᤳᤇᤠ ᤐᤠᤱᤈᤢᤶᤔᤥ ᤘᤕᤧᤸᤗᤧ ᤗᤥᤃᤣ᤹ᤖᤧ ᤋᤖᤢᤀᤠᤱ ᤌᤡᤶᤛᤢᤒᤠ ᤔᤏᤠᤎᤡᤰ ᤂᤧᤵᤔᤥ ᤋᤩᤧ॥ ᤂᤧᤸᤗᤧ ᤕᤧᤛᤢᤴ ᤏᤡᤛᤢᤀᤠᤱ ᤁᤢᤍᤃᤡ ᤛᤠᤶᤒᤥᤴ ᤑᤴᤇᤡᤱᤗ ᤐᤣᤗᤡ ᤑᤠᤰᤋᤢ. “ᤀᤠᤍᤠᤱᤒᤣ. ᤂᤧᤏᤧ᤹ ᤏᤡᤱᤘᤠ᤹ ᤁᤧᤈᤥᤃᤢᤏᤧ ᤑᤠ᤹ᤃᤪ ᤗᤥᤃᤣ᤹ᤗᤠᤶ ᤘᤣ᤺ᤶᤔᤠ ᤁᤧᤛᤢᤰᤁᤠᤖᤥ॥” ᤕᤧᤛᤢᤖᤧᤀᤠᤱ ᤁᤢᤜᤢᤰᤁᤡᤴ ᤛᤴᤇᤢᤀᤠᤱ ᤛᤢᤛᤢᤖ ᤂᤧᤴ ᤔᤏᤠᤴ ᤀᤰᤂᤣ ᤔᤧᤳᤋᤢ. “ᤀᤡᤱᤃᤠ᤹ ᤁᤧᤏᤢ᤹ᤖ ᤑᤠ᤹ᤀᤠᤱ ᤏᤡᤱᤘᤠ᤹ ᤆᤥᤃᤢᤱᤗᤥ॥” ᤜᤧᤰᤁᤩᤠᤱ ᤂᤡᤔᤥ ᤂᤧᤴ ᤗᤥᤃᤣ᤹ᤖᤧ ᤋᤖᤢᤒᤠ ᤔᤏᤠᤴ ᤏᤢᤖᤧᤖᤥ॥

ᤁᤖᤛᤠᤱ ᤁᤴ ᤐᤠ᤺ᤴᤏᤡᤴ ᤁᤠᤰ ᤐᤡᤛᤠᤱ ᤛᤧᤖᤧᤀᤠᤱ ᤕᤧᤛᤢᤖᤧ ᤁᤢᤒᤠᤴ ᤂᤧᤶᤛᤧ ᤏᤢ ᤂᤢᤏᤡ᤹ ᤋᤢᤰᤔᤠ ᤕ᤹ᤔᤠᤗᤠᤶ ᤏᤢᤛᤡᤱᤛᤧ ᤕᤖᤡᤰ ᤔᤏᤠᤜᤠ᤹ ᤕᤧᤛᤢᤀᤥ ᤔᤧᤍᤩᤧ॥