Известные библейские стихи из Mlk 11

Поделиться

Ukidila bibi namisawiila ti: bindu, byooso byamwahajyanga udi Kabejya, mutabu'i ti, Kabejya wamigabila na hanha Kabejya wanibilanga unindu.

Namisawiila unindu, mundu gulubengeneena usagula yoowa gooso mundu wasawiila ki'i ibanjwa: ‹Ziiku'a hadihanhu na inanga na waitaashi munda mwa iziba.› Watabu'a, byooso byeedi muhazya byateebwanga munda mwa tima dyoobe, ihani, byayananga bebya byobuhajya.

Na ishu mudi muuhaajya Kabejya, ishu mundu yumu gubumiteela bubi, mumufwidi lusa. Koboya ti, shiinu ghudi u lububi wamifwiidi na banyu lusa mu bubi bwiinu byanga byeeba. [

Habobwa Yeesu haya basawiila mitakiibwa yaayi: «Muyaani na ulungidila udi Kabejya!

Ibobwa hekilu lula bandu na uboya: «Mahuya ga Kabejya galuboyanga ti: ‹Yendi kyaami bakitaŋananga yendi kya bandu booso umuhajya Kabejya.› Habobwa baanyu mwakifululujya ekyu, kyayani buga dya fyaminu dya baluyiba»!

Bandu babule beyenanga busu bwa Yeesu, na baba beeva kumujyanga kunyuma yaye haba bajya miuya yaabo na kuboya ti: «Hosana! Wafiyudibwe iye uvanga muzina dya Vidi-nyambi!

Na Kabejya wafiyudile butangala bwa shitu mukulu Daudi buvanga. Kabejya watumbibwe yidi haulu!»