Sam 4
4
Devida kau aaknga matakut.
1Anutu, gata natane Anutu noman sikngaapanin. Nata musipmaatang meya siknga nataat.
Sike nata ga gatangamiyakge natake gae ganiwa gata nae wam natake gatangamuyo.
Gatangamuke gata na musipmane meya nataat taknga sandekngamuyo.
Sandekngamuke gata nae musip kwikwik natangamuke tumuk wamae maak papso.
2Ginu kuupbam! Tapduu datdasing binga ginda natane umana yaitapaakusiwan natane umana kopsa akngata wena siwik?
Tapduu datdasing binga sanga kem taknga akngae natanggamataning? Tapduu datdasing binga ginda kem taknga inata inata tawake tasining?
3Ginda wamu aaknga katak siknga natapnong. Aminu Buyambam tapae gepbiatang koyuaingu, waaminu inae yawan yuaing.
Siwan nata ie ininggamatawawa, ita nata yanggau atnatapik.
4Ginda musip tok natapning kopatangu ginda wai tasinanga aknga apbitanong.
Tapduu dapunza petnangge tasikaing komune
ginda natdetdetza ba musipzaatang nataingu katak natake genza asuumutnong.
5Ginda sanga inata inata Buyambam tapata take nataak takngakan take imunong.
Imuke ie banip siknga sinong.
6Siwan aminbamda yakwaik wamu yumdekan anzing yakaing, “Mamin tapataka ninu take gatanimik?”
Buyambam tapa, gata ninde musip kwikwik natanimuke gatanimuyo.
7Siakan. Tapduu nanamu wit gatu wain ngang yanikaingga puyane buyana kwaapzang aawanu aminbamda kake apbakngakaing.
Siwan ngana baknga baknga aknga nae musipatang tekuyakga itane bakngananga akngana ayapbikut.
8Buyambam tapa, gatakan nanduyuwawi
na take yuke sanga tapatue dua gwaumbit.
Dua gwauke tapduu nata dapun pekgat komune zaat pepbotanggat.
Выбрано:
Sam 4: wncB
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
© 2001, Wycliffe Bible Translators, Inc. All rights reserved.