Lucas 21:25-27

*’A̱ndá tsꞌikonra tsꞌixikóhen nkehe ti ña̱o la ko nitjó la ko ti konotsé. A̱ndá ti chjasintajni nchónhña kjuaxikaon tsꞌixin kaín nación la ko tsochrakon chojni kixin imá tso̱jna̱ ti nda̱ñao la tsinkákjaminkí ìnta̱ itsi. Ndá kaín chojni la tsꞌaniátexín sin ti kjuachrakon ti ó tsjenka̱yáxin sin ti nkehe tso̱hen ti chjasintajni kixin kaín ti nkehe sinkáni nka̱jní la tsꞌinki. *Ndá xi̱kaha tsꞌikon sin itsi ti Xje̱en Díos kꞌóna Chojni, itsi chríkjan itji̱ tsi̱ka̱o ti kjuachaxin ijié kuènté nkaya nka̱jní.