JOHANU 5
5
1TO ehegodo hùnwhẹ Ju lẹ tọn de tin; Jesu sọ hẹ́ji yì Jelusalẹm. 2Otando de tin to Jelusalẹm, to hòngbo lẹngbo tọn dali, he yè nọ ylọ Bẹtsata to ogoe Heblu ton mẹ, ehe tindo họnnuwá aton. 3To ehelẹ mẹ wẹ susu potẹn lẹ tọn, nukuntọ́nnọ lẹ, sẹkunọ le, po agbasakukunọ lẹ po mlọnai do, (yé to tenopón whinwhàn osìn tọn. 4Na to ojlẹ de mẹ angẹli de nọ jẹte yì otándo lọ mẹ, bo nọ wlu osìn: enẹwutu mẹdepope he whéwhé doafọ e mẹ, to godo whenu yè ko wlu osìn lọ, yè hẹn ẹn jẹ gángán sọn azọ̀n depope he é tindo mẹ.) 5Dawe de tin to finẹ, mehe do lanmẹmalo sọn owhè gbàntonnukunatọ̀n gbòn. 6Whenuena Jesu mọ ẹn to aimimlọn, bo sọ yònẹn dọ dinvie é ko tin to omọ é dẹn, é dọ hlan ẹn, dọ, Hiẹ jlo yè ni hẹn azọ̀n towe gbọ na we? 7Dawe azọ́ntọ lọ gblọn, bo dọ hlan ẹn, dọ, Oklunọ, yẹn ma tindo mẹde whenuena yè wlu osin nado zé mi do otándo mẹ: ṣigba whenuena yẹn ja, mẹdevo jẹte doafọ e mẹ jẹnukọnna mi. 8Jesu sọ dọ hlan ẹn, dọ, Fọ́n, zé adòzan towe, bo zinzọnlin. 9Plaun yè hẹnazọ̀ngbọna dawe lọ, é zé adòzan etọn, bo zinzọnlìn: E sọ yín gbọjẹzángbè to azán doponẹ gbè. 10Enẹwutu Ju lẹ dọ hlan dawe lọ mẹhe yè hẹnazọ̀ngbọna, dọmọ, Gbọjezángbè wẹ egbe: é ma jẹ na we nado zé adọzan towe gba. 11Ṣigba é sọ gblọn dọ hlan yé, domọ, Mẹhe hẹnazònguọna mi, dopolọ wẹ dọ hlan mi, dọ, Zé adòzan towe, bo zinzọniin. 12Yé kanbiọ ẹ dọ, Mẹnu wẹ gbẹtọ he dọ hlan we, dọ, Zé adózan towe, bo zinzọnlin? 13Ṣigba mẹhe yè hẹnazọ̀ngbọna lọ ma yón mẹhe é yín: na Jesu ko tón sọn fine, na agùndaho tin to finẹ wutu. 14Jesu wá mọ ẹn to tẹmpli mẹ to godo, bo dọ hlan ẹn, dọ, Do ayi e gó, yè hẹnazọ̀ngbọna we: a sọ wàylan ba blo, onú he ylanhú ehe nikã jọ do ogo we. 15Dawe lọ tònyì, bo dọ hlan Ju lẹ, dọ, Jesu wẹ mẹhe hẹnazòngbọ nẹ̃. 16Enẹwutu wẹ Ju lẹ dohomẹkẹn Jesu, na é wà onú helẹ to gbọjẹzángbè wutu. 17Ṣigba e gblọn dọ hlan yé, dọmọ, Otọ́ ṣie wàzón kaka jẹ dinvie, yẹn sọ wàzon. 18Enẹwutu Ju lẹ sọ din susu nado hu i, e ma yin e hẹn gbọjezán gble tọn kẹdẹ wutu gba, ṣigba é dọ ga, dọ Jiwheyẹwhe wẹ Otọ etọn, é basi ede sọzẹn he Jiwheyẹwhe.
19Enẹwutu Jesu gblọn, bo dọ hlan yé, dọmọ, Nugbo, nugbo, vẹ yẹn dọ hlan mì, Ovi ma sọgan wa núde ededenu, adavo onú he é mọ Oto wà: na nudepope he é wà, ehelẹ wẹ Ovi to wiwà mọ ga 20Na Otọ́ yíwánna Ovi, bo sọ yí onú he ewlọsu to wiwà lẹpo hia ẹ: ewọ nasọ do azón he klohú ehelẹ hia ẹ, na awu nido ji mì. 21Na dile Otọ́ to osio fọ́n, bo sọ to yé hẹn do ogbé; mọkẹdẹ wẹ Ovi sọ nọ hẹn mẹhe é jlo le do ogbè ga. 22Na Otọ́ ma nọ dawhè mẹdepope tọn, ṣigba é ko yí whẹ̀dida lẹpo na Ovi: 23na omẹ pó nido na yẹyi Ovi, kededile yé to yẹyi na Otọ́ do. Mẹdepope he ma na yẹyi Ovi, é ma na yẹyi Oto mẹhe do e hlan. 24Nugbo, nugbo, wẹ yẹn dọhlan mì, Mẹdepope he se ohó ṣie, bo sọ yí mẹhe do mi hlan sè, é tindo ogbè madopodo, é ma na bio whẹ̀dida mẹ gba; ṣigba é tón son oku mẹ biọ ogbè mẹ. 25Nugbo, nugbo, wẹ yẹn dọ hlan mì, Ojlẹ lọ ja, dinvie sọ wẹ, whenuena osiọ lẹ na sè ogbè Ovi Jiwheyẹwhe tọn tọn: mẹhe sọ sè lẹ na tin to ogbẹ, 26Na dile Otọ́ tindo ogbè to ede mẹ; mọkẹdẹ wẹ é yí na Ovi ga nado tindo ógbẹ to èdè mẹ; 27bo sọ na huhlọn ẹn nado dawhè ga, na é yín Ovi gbẹtọ tọn wutu. 28Avò vò mì na ehe wutu blo: na ojlẹ lọ ja, to ehe mẹ omẹ he tin to yòdo mẹ lẹpo na sè ogbè etọn, 29bo na tọ́njegbonu; mẹhe wà dagbe lẹ hlan fọ́nsọnku ogbè tọn; mehe wà oylan lẹ hlan fọ́nsọnku whẹ̀dida tọn.
30Yẹn ma sọgan wà onú depope dedẽnu gba; le yẹn sè, we yẹn to whẹ̀da do: dódó wẹ whẹ̀dida ṣie: na yẹn ma to ojlo ṣie lọsu din gba, adavo ojlo mẹhe do mi hlan tòn. 31Eyín yẹn to kunnudena dẽ, okunnu ṣie ma yín nugbo gba. 32Mẹdevo tin, mẹhe to kunnudena mi; yẹn sọ yónẹn dọ nugbo wẹ okunnu he é to dide na mi. 33Mìwlẹ dowẹn hlan Johanu de, ewọ ko sọ dekunnu hlan nugbo. 34Ṣigba yẹn ma yí okunnu sọn gbẹtọ de gba; ṣigba onú helẹ wẹ yen to didọ, na yè nido whlẹn mì gán. 35Miyóngbán lọ he to jiji bo to sìsẹ ko wẹ ewọ, mìwlẹ ko sọ jlo to ojle de mẹ nado jaya to hinhọ́n etọn mẹ. 36Ṣigba yẹn tindo okunnude he klohú Johanu tọn, na azón he Otọ́ ṣie ko na mi nado dotana lẹ, azón lọsu lẹ he yen wà, tó kunnudena mi dọ, Otọ́ wẹ do mi hlan. 37Otọ́ mẹhe do mì hlan, é ko dekunnuna mi. Mìwlẹ ma ko sè ogbè etọn gbède, mọwẹ mì ma mọ ohia etọn gbède. 38Mì ma sọ tindo ohó etọn ninọ̀ tó mi hòmẹ gba: na mẹhe é dohlan, ewọ wẹ mì ma yise 39Mì owé wiwe lẹ dinmọ, na mì lẹn dọ yé mẹ mì tindo ogbè madopodo te wutu; podọ ehelẹ sọ wẹ ye he to kunnudena mi. 40Mì ma sọ jlo na wá dẽ, na mì nido tindo ogbẹ. 41Yẹn má yí gigo sọn gbẹtọ si gba. 42Ṣigba yẹn yón mì dọ, mì ma tindo owányí Jiwheyẹwhe tọn to mì hòmẹ gba. 43Yẹn wá to oyín Otọ́ ṣie tòn mẹ, mì hia sọ yí mi: eyín mẹdevo wá to oyín ede tọn mẹ, ewọ wẹ mì na yí. 44Nawe mì sọgan yise do, mì mẹhe to yẹyi yí sọn mìnọzọ de, bo ma din yẹyi he sọn Jiwheyẹwhe ṣokẹdẹ de? 45Mì lẹn dọ yẹn na slẹ mì hlan Otọ́ blo: mẹde tin mẹhe to mì slẹ, yèdọ Moṣe, mehe go mì dotudo. 46Na eyín mì ko yí Moṣe sè, mi dó ko yí mi sè: na owé ṣie wẹ ewọ kàn wutu. 47Ṣigba eyín mìwlẹ ma yí owé etọn se, nawẹmì na yí ohó ṣie sè do?
Выбрано:
JOHANU 5: BWL23
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Holy Bible in Gun-Alada © Bible Society of Benin and Bible Society of Nigeria, 1923.