Jenesis 5
5
O porodo e Adaneko
1 Kr 1.1-4
1Gava si o lil katar e vicha e Adaneki. Kana o Del cherda e muruse, cherda le prema pete. 2Cherda len murus ta diskinia, ta blagosisarda len. O llive kana cherda len o Del phenda:
Ka ikhardon manusa.#Mt 19.4; Mk 10.6.
3O Adan saia leke stotina ta tranda burs kana biandilo leko chaurro, kai saia sargo vou, ta thoda leko anav Set. 4Mapalal kana biandilo o Set, o Adan zivisarda ojto stotine burs, ta avila le chaurre ta chorra. 5Ta sa e bursa kai zivisarda o Adan, sea inia stotine ta tranda burs ta mulo.
6O set saia leke stotina ta panch burs kana biandilo leko chaurro o Enos. 7Ta mapalal kana biandilo o Enos, o Set zivisarda ojto stotine ta efta burs, ta avila le chaurre ta chorra. 8Ta o Set zivisarda iniavardes ta desudui burs, ta mulo.
9O Enos saia leke iniavardes burs kana biandilo leko chaurro o Kainan. 10Ta mapalal kana biandilo o Kainan, o Enos zivisarda ojto stotine ta desupanch burs, ta avila le chaurre ta chorra. 11Ta zivisarda o Enos inia stotine ta panch burs, ta mulo.
12O Kainan saia leke eftavardes burs kana biandilo leko chaurro o Malalel. 13Mapalal kana biandilo o Malalel, o Kainan zivisarda ojto stotine ta saranda burs, ta avila le chaurre ta chorra. 14Ta zivisarda o Kainan inia stotine ta des burs, ta mulo.
15O Malalel saia leke sovardes ta panch burs kana biandilo leko chaurro o Jared. 16Ta mapalal kana biandilo o Jared, o Malalel zivisarda ojto stotine ta tranda burs ta avila le chaurre ta chorra. 17Ta zivisarda o Malalel ojto stotine ta iniavardes ta panch burs ta mulo.
18O Jared saia leke stotina ta sovardes ta dui burs kana biandilo leko chaurro o Enok. 19Mapalal kana biandilo o Enok, o Jared zivisarda ojto stotine burs, ta avila le chaurre ta chorra. 20Ta zivisarda o Jared inia stotine ta sovardes ta dui burs, ta mulo.
21O Enok saia leke sovardes ta panch burs kana biandilo leko chaurro o Matusalen. 22Ta kana biandilo leko chaurro o Matusalen, o Enok phirda e Devlea ta zivisarda trin stotine burs, ta avila le chaurre ta chorra. 23Ta zivisarda o Enok trin stotine ta sovardes ta panch burs. 24Ta phirda o Enok e Devlea, ta sumbisailo soke o Del inllarda le.
25O Matusalen saia leke stotina ta ojtovardes ta efta burs kana biandilo leko chaurro o Lamek. 26Ta mapalal kana biandilo o Lamek, o Matusalen zivisarda efta stotine ta ojtovardes ta dui burs, ta avila le chaurre ta chorra. 27O Matusalen zivisarda inia stotine ta sovardes ta inia burs ta mulo.
28O Lamek saia leke stotina ta ojtovardes ta dui burs kana biandilo leke iek chaurro, 29ta thoda leko anav Noe, soke phenda:
O Del dia armaia e phuvia ta morabi te radi but zurale e phuv te sai del amen te ja, a gava minono ka cherel te lelpe amendar o chiñipe. 30Mapalal kana biandilo o Noe, o Lamek zivisarda panch stotine ta iniavardes ta panch burs, ta avila le chaurre ta chorra. 31Ta o Lamek zivisarda efta stotine ta eftavardes ta efta burs, ta mulo.
32Ta o Noe saia leke panch stotine burs kana biandile leke chaurre o Sem, o Kam ta o Jafet.
Выбрано:
Jenesis 5: BACHRO
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Biblia ande chib Romani © Sociedad Bíblica Chilena, 2018.