ᤋᤥᤗᤡᤱᤛᤥᤔᤢ 3
3
ᤔᤧᤴᤇᤠᤶ ᤕᤠᤵᤔᤡᤴ ᤗᤠᤕᤥᤸᤗᤧ ᤋᤧᤳᤋᤢ᤹
1ᤕᤜᤘᤣ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤆᤥᤃᤢᤛᤡᤒᤠ ᤋᤠᤶᤓᤢᤱ ᤌᤰᤛᤠᤜᤠ᤹ᤀᤥ ᤀᤛᤣ᤺ᤰᤁᤧᤴ ᤁᤧᤖᤧᤰᤏᤢ᤺ᤸᤗᤧ ᤁᤢ᤹ᤀᤡᤃᤧᤓᤧᤶᤒᤠ ᤆᤥᤃᤧ॥ ᤂᤧᤸᤗᤧ ᤔᤧᤴᤇᤢᤔᤠᤴ ᤔᤧᤳᤋᤢ. “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤡᤱᤛᤣ᤹ᤀᤡᤰᤁᤥᤒᤠ ᤛᤡᤱᤒᤢᤱᤜᤠ᤹ᤀᤥ ᤁᤧᤎᤥ᤺ᤰᤐᤠ ᤀᤠᤳᤋᤡᤴ ᤛᤡᤱᤛᤣᤴ ᤔᤧᤈᤧᤛᤧᤴᤏᤧ᤹ ᤑᤠ᤹ᤀᤠᤱ ᤁᤧᤔᤧᤳᤋᤧᤇᤡᤀᤠᤱ ᤘᤠ᤹ᤒᤡ᥅” #ᤛᤢᤑᤥ ᥇᥈:᥏. ᥈᥆:᥈
2ᤔᤧᤴᤇᤢᤔᤠ᤺ᤸᤗᤧ ᤀᤛᤣ᤺ᤰᤁᤧᤴ ᤔᤧᤳᤋᤢ. “ᤛᤡᤱᤛᤣ᤹ᤀᤡᤰᤁᤥᤒᤠ ᤛᤡᤱᤒᤢᤱᤜᤠ᤹ᤀᤥᤒᤠ ᤛᤡᤱᤛᤣᤴ ᤀᤠᤴᤇᤡᤃᤣ ᤆᤠᤔᤠ ᤛᤢᤰᤛᤢᤃᤧ. 3ᤁᤖ ᤛᤡᤱᤛᤣ᤹ᤀᤡᤰᤁᤧᤸᤗᤧ ᤁᤢᤗᤢᤶᤔᤥ ᤁᤧᤕᤢᤱᤒᤠ ᤛᤡᤱᤒᤢᤱᤅᤡᤸᤗᤧ ᤁᤢᤈᤠ᤹ᤀᤡᤸᤗᤧ ᤁᤢᤕᤠ᤺ᤶᤒᤣᤀᤥ. ‘ᤂᤧᤴ ᤔᤧᤈᤧᤛᤧᤴᤏᤧ᤹. ᤔᤧᤛᤢᤛᤧᤇᤧᤴᤏᤧ᤹. ᤔᤣ᤺ᤴᤏᤧᤑᤠᤃᤪ ᤂᤧᤴᤇᤡ᤹ ᤁᤧᤛᤡᤛᤡ᤹’ ᤑᤠ᤹ᤀᤠᤱ ᤕᤜᤘᤣ ᤍᤠᤱᤒᤠᤸᤗᤧ ᤔᤧᤳᤋᤧᤇᤡᤃᤧᤀᤠᤱ ᤘᤠ᤹॥”
4ᤀᤛ᤻ᤛᤣ᤺ᤰᤁᤧᤸᤗᤧ ᤔᤧᤴᤇᤢᤔᤠᤴ ᤔᤧᤳᤋᤢ. “ᤂᤧᤴᤇᤡ᤹ ᤁᤧᤴᤇᤡᤛᤡᤴ॥ 5ᤌᤣᤀᤠᤱᤓᤧᤸᤗᤧ ᤀᤠᤓᤧᤸᤗᤧ ᤂᤧᤴᤇᤡ᤹ ᤁᤧᤈᤠᤛᤢ᤹ ᤂᤧᤴ ᤕᤧᤴᤏᤥ ᤂᤧᤴᤇᤡ᤹ ᤔᤡᤰ ᤜᤴ. ᤜᤧᤰᤁᤩᤠᤱ ᤏᤢᤒᤠ ᤏᤢ ᤋᤠᤵᤑᤧ᤺ᤶᤒᤠ ᤛᤡᤰᤁᤢᤶ ᤏᤡᤱᤘᤠ᤹ ᤁᤧᤄᤥᤛᤢᤀᤠᤱ ᤂᤧᤴᤇᤡ᤹ ᤏᤡᤱᤘᤠ᤹ᤑᤢᤔᤠᤱ#᥉:᥋ᤀᤡᤃᤪ ᤔᤠᤱᤜᤠ᤹॥ ᤜᤧᤰᤋᤱᤒᤠ ᤁᤧᤒᤥᤱᤛᤡ᤹ ᤁᤧᤗ᤹ᤒᤠᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤡᤛᤢ᤹ᤖᤥ॥”
6ᤔᤧᤴᤇᤢᤔᤠ᤺ᤸᤗᤧ ᤂᤧᤴ ᤛᤡᤱᤒᤢᤱᤅᤡᤸᤗᤧ ᤁᤢᤈᤠ᤹ᤀᤡᤴ ᤆᤠᤔᤠᤸᤗᤧ ᤏᤢᤒᤠ ᤁᤧᤒᤥᤱᤒᤠ ᤏᤢ ᤀᤥᤔᤧᤵᤔᤧᤸᤗᤧ ᤏᤢᤒᤠ ᤏᤡᤃᤧᤎᤠ᤺ᤵᤐᤠ ᤜᤧᤰᤁᤩᤠᤱ ᤛᤡᤰᤁᤢᤶ ᤏᤡᤱᤘᤠ᤹ ᤂᤥᤔᤠᤖᤧ ᤗᤠᤃᤡ ᤂᤧᤴ ᤛᤡᤱᤒᤢᤱᤅᤡᤸᤗᤧ ᤁᤢᤈᤠ᤹ᤀᤡᤴ ᤆᤠᤔᤠ ᤁᤧᤒᤥᤱᤒᤠ ᤏᤡᤛᤢ. ᤜᤧᤰᤁᤩᤠᤱ ᤂᤧᤴ ᤛᤡᤱᤒᤢᤱᤅᤡᤸᤗᤧ ᤁᤢᤈᤠ᤹ᤀᤡᤴ ᤋᤢᤒᤢᤀᤠᤱ ᤆ. ᤂᤧᤒᤩᤠᤱ ᤂᤢᤏᤧ᤹ᤏᤢ ᤛᤥᤖᤡᤰ ᤁᤧᤘᤠ᤹ᤒᤠ ᤁᤢᤕᤧ᤺ᤶᤒᤠ᤺ᤴᤏᤠᤱ ᤐᤡᤖᤢ. ᤜᤧᤰᤁᤩᤠᤱ ᤂᤧᤸᤗᤧ ᤆ॥ 7ᤂᤧᤒᤩᤠᤱ ᤏᤧᤵᤔᤈᤠᤱᤗᤧ ᤂᤢᤴᤇᤡ᤹ ᤔᤡᤰ ᤜᤖᤧ. ᤜᤧᤰᤁᤩᤠᤱ ᤀᤠᤴᤇᤡ᤹ᤃ ᤗᤧᤰᤆᤠ᤹ᤒᤢᤎᤢᤰ ᤏᤡ ᤀᤠᤘᤠ᤹ᤛᤡᤖᤧᤇ ᤁᤧᤗ᤹ᤒᤠ ᤏᤡᤱᤘᤠ᤹ ᤂᤥᤛᤧᤳᤇᤢ॥ ᤜᤧᤰᤁᤩᤠᤱ ᤐ᤺ᤳᤇᤣᤸᤗᤧ ᤁᤢᤓᤧᤰᤘᤠᤜᤠ᤹ ᤌᤳᤋᤧᤇᤢᤀᤠᤱ ᤂᤢᤴᤇᤡ᤹ ᤗᤠᤃᤡ ᤆᤠᤱ ᤆᤥᤃᤧᤳᤇᤢ॥
8ᤜᤧᤰᤁᤩᤠᤱ ᤕᤢ᤺ᤴᤇᤡᤰ ᤕᤢ᤺ᤴᤇᤡᤰ ᤕᤜᤘᤣ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤛᤡᤱᤛᤣ᤹ᤀᤡᤰᤁᤥ ᤋᤠᤰᤁᤴᤍᤧᤖ ᤘᤕᤧ᤺ᤸᤗᤧᤒᤠ ᤀᤡᤰᤗᤠᤴ ᤂᤧᤱᤜᤠ᤹ᤖᤧ ᤂᤧᤵᤛᤧᤳᤇᤢ ᤜᤧᤰᤁᤩᤠᤱ ᤔᤧᤴᤇᤠᤶ ᤕᤠᤵᤔᤡᤴ ᤏᤢ ᤁᤢᤔᤣ᤺ᤳᤋᤡᤴ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤏᤡᤔᤥᤗᤠᤶ ᤛᤡᤱᤛᤣ᤹ᤀᤡᤰᤁᤥᤒᤠ ᤛᤡᤱᤒᤢᤱᤜᤠ᤹ᤀᤥ ᤆᤡᤱᤏᤧᤳᤇᤡ॥ 9ᤁᤖ ᤕᤜᤘᤣ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤧᤴᤇᤠᤶ ᤕᤠᤵᤔᤡᤴ ᤀᤢ᤺ᤳᤋᤢ. “ᤂᤧᤏᤧ᤹ ᤀᤠᤳᤋᤥ ᤁᤧᤘᤠ᤹᥅”
10ᤂᤧᤸᤗᤧ ᤔᤧᤳᤋᤢ. “ᤂᤧᤏᤧ᤹ ᤁᤧᤀᤡᤰᤗᤠᤴ ᤛᤡᤱᤛᤣ᤹ᤀᤡᤰᤁᤥ ᤂᤧᤵᤛᤢᤱᤅᤠᤱ ᤀᤠᤱᤃᤠ᤹ ᤁᤡᤛᤠᤱ. ᤌᤣᤀᤠᤱᤓᤧᤸᤗᤧ ᤀᤠᤱᤃᤠ᤹ ᤗᤧᤰᤆᤠ᤹ᤒᤢᤎᤢᤰ ᤘᤕᤠᤱ ᤂᤧᤸᤗᤧᤆᤥᤃᤢᤸᤗᤧ ᤀᤠᤱᤃᤠ᤹ ᤆᤡᤱᤛᤡᤅᤠᤱ॥”
11ᤂᤢᤏᤧ᤹ ᤔᤧᤳᤋᤢ. “ᤂᤧᤏᤧ᤹ ᤗᤧᤰᤆᤠ᤹ᤒᤢᤎᤢᤰ ᤁᤧᤘᤠ᤹ ᤑᤠ᤹ᤀᤠᤱ ᤜᤠ᤺ᤳᤗᤧ ᤁᤧᤔᤧᤳᤋᤧ᥅ ᤔᤧᤈᤧᤴᤏᤧ᤹ ᤑᤠ᤹ᤀᤠᤱ ᤀᤡᤱᤈᤠᤱ ᤐᤡᤏᤧᤒᤠ ᤛᤡᤱᤒᤢᤱᤅᤡᤸᤗᤧ ᤁᤢᤈᤠ᤹ᤀᤡᤴ ᤁᤧᤈᤒᤡ᥅”
12ᤔᤧᤴᤇᤠᤶ ᤕᤠᤵᤔᤡ᤺ᤸᤗᤧ ᤔᤧᤳᤋᤢ. “ᤀᤠᤱᤃᤠ᤹ᤏᤢ ᤘᤠ᤹ᤛᤧ ᤁᤧᤒᤡᤖᤠᤱᤔᤠ ᤔᤧᤴᤇᤢᤔᤠ᤺ᤸᤗᤧ ᤂᤧᤴ ᤛᤡᤱᤒᤢᤱᤅᤡᤸᤗᤧ ᤁᤢᤈᤠ᤹ᤀᤡᤴ ᤐᤡᤖᤠᤱ ᤜᤧᤰᤁᤩᤠᤱ ᤀᤠᤱᤃᤠ᤹ ᤆᤠᤱ॥”
13ᤂᤧᤒᤩᤠᤱ ᤕᤜᤘᤣ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤧᤴᤇᤢᤔᤠᤴ ᤔᤧᤳᤋᤢ. “ᤂᤧᤏᤧ᤹ ᤌᤣᤀᤠᤱ ᤀᤰᤂᤣ ᤁᤧᤈᤥᤃᤢᤒᤠᤒᤣ᥅” #᥈ ᤁᤥᤖ ᥇᥇:᥉; ᥇ ᤋᤡᤔᤥ ᥈:᥇᥊
ᤔᤧᤴᤇᤢᤔᤠ᤺ᤸᤗᤧ ᤔᤧᤳᤋᤢ. “ᤀᤛᤣ᤺ᤰᤁᤧᤸᤗᤧᤏᤡ ᤀᤡᤱᤗᤧᤰᤋᤠᤱ ᤜᤧᤰᤁᤩᤠᤱ ᤀᤠᤱᤃᤠ᤹ ᤂᤧᤴ ᤆᤠᤱ॥”
ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤶᤍᤡᤱ ᤐᤡᤖᤢᤛᤡ᤹
14ᤂᤧᤒᤩᤠᤱ ᤕᤜᤘᤣ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤛᤣ᤺ᤰᤁᤧᤴ ᤔᤧᤳᤋᤢ.
“ᤂᤧᤏᤧ᤹ ᤀᤰᤂᤣ ᤁᤧᤈᤥᤃᤢᤒᤠᤸᤗᤧ ᤆᤥᤃᤢᤸᤗᤧ
ᤁᤧᤖᤧᤰ ᤜᤡᤶᤌᤰᤛᤠ ᤏᤢ ᤁᤧᤖᤧᤰ ᤋᤠᤶᤓᤢᤱ ᤌᤰᤛᤠᤜᤠ᤹ᤏᤢ᤺ᤸᤗᤧ
ᤕᤖᤡᤰ ᤔᤠᤱᤍᤣ ᤛᤠᤰᤔᤢᤖᤠ ᤁᤧᤄᤥᤒᤠ ᤁᤧᤒᤥᤱᤗᤥ॥
ᤂᤧᤏᤧ᤹ ᤁᤧᤛᤠᤵᤐᤥ᤺ᤰᤁᤡᤸᤗᤧ ᤗᤠᤱᤃᤧᤄᤣ᤺ᤰᤗᤥ
ᤜᤧᤰᤁᤩᤠᤱ ᤁᤧᤜᤡᤱᤜᤡᤱ ᤂᤠᤶᤔᤡᤴ ᤁᤧᤈᤖᤥ॥
15ᤂᤧᤏᤧ᤹ ᤏᤢ ᤔᤧᤴᤇᤢᤔᤠ᤺ᤸᤗᤧ ᤁᤢᤗᤢᤶᤔᤥ.
ᤜᤧᤰᤁᤩᤠᤱ ᤂᤧᤏᤧ᤹ ᤁᤧᤔᤢ᤹ᤀᤡᤍᤠᤱᤛᤠ ᤏᤢ
ᤔᤧᤴᤇᤢᤔᤠ᤺ᤸᤗᤧ ᤁᤢᤔᤢ᤹ᤀᤡᤍᤠᤱᤛᤠ ᤗᤢᤶᤔᤥ #ᤛᤢᤑᤥ ᥇᥈:᥇᥍
ᤏᤡᤱᤔᤡ ᤐᤠᤴ ᤁᤣ᤺ᤳᤋᤢᤱ ᤐᤡᤏᤧᤛᤡᤱᤗᤥ॥
ᤂᤧᤸᤗᤧ ᤁᤧᤎᤣᤃᤣ᤺ᤰᤁᤡᤴ ᤕ᤺ᤵᤛᤢ ᤁᤧᤒᤡᤖᤥ
ᤜᤧᤰᤁᤩᤠᤱ ᤂᤧᤏᤧ᤹ ᤂᤧᤸᤗᤧ ᤁᤢᤗᤠᤱᤃᤠᤰᤌᤡ᤺ᤶᤒᤧᤴ ᤁᤧᤀᤃᤢ ᤁᤧᤒᤡᤖᤢ᤹॥”
16ᤂᤧᤒᤩᤠᤱ ᤔᤧᤴᤇᤢᤔᤠᤴ ᤔᤧᤳᤋᤢ.
“ᤂᤧᤏᤧ᤹ ᤁᤧᤛᤠᤃᤵᤔᤠ ᤋᤢᤱᤅᤡᤴ
ᤀᤠᤱᤃᤠ᤹ ᤆᤠ᤹ᤖᤡᤰ ᤑᤥᤛᤢᤱ ᤐᤡᤏᤧᤖᤥ.
ᤐᤛᤠᤰ ᤛᤠᤰᤗ ᤀᤅᤧ᤺ᤰᤘᤠ ᤛᤠᤃᤧᤘᤠ᤺ᤴᤍᤢ᤹॥
ᤂᤧᤏᤧ᤹ ᤁᤧᤏᤡᤱᤘᤠ᤺ᤴ ᤁᤧᤕᤧᤶᤒᤠ ᤗᤧᤵᤔᤠᤱ ᤐᤳᤗᤥ.
ᤜᤧᤰᤁᤩᤠᤱ ᤂᤧᤸᤗᤧ ᤕᤢᤰᤁᤥ ᤂᤧᤏᤧ᤹ ᤁᤧᤃᤳᤗᤥ॥”
17ᤂᤧᤴ ᤀᤣᤃᤠᤱ ᤀᤠᤍᤶᤔᤧᤴ ᤂᤢᤏᤧ᤹ ᤔᤧᤳᤋᤢ. “ᤂᤧᤏᤧ᤹ ᤔᤧᤸᤗᤡᤱᤃᤧᤴ ᤁᤧᤔᤣ᤺ᤳᤋᤡᤸᤗᤧ ᤁᤢᤒᤠ᤺ᤴᤏᤡᤴ ᤁᤧᤄᤧᤵᤛᤢᤀᤠᤱ ᤔᤧᤴᤈᤠᤀᤥ ᤑᤠ᤹ᤀᤠᤱ ᤀᤡᤱᤈᤠᤱ ᤐᤡᤏᤧᤒᤠ ᤛᤡᤱᤒᤢᤱᤅᤡᤸᤗᤧ ᤁᤢᤈᤠ᤹ᤀᤡᤴ ᤁᤧᤈᤒᤠᤸᤗᤧ ᤆᤥᤃᤢᤸᤗᤧ. #ᤜᤡᤒᤪᤢ ᥌:᥎
“ᤂᤧᤏᤧ᤹ ᤁᤧᤈᤥᤃᤢᤸᤗᤧ ᤂᤠᤶᤒᤣ᤺ᤰᤔᤥ ᤛᤠᤱᤃᤪᤠ ᤔᤠᤱᤍᤣ ᤌᤩᤧᤀᤠᤱ ᤘᤠ᤹ᤖᤥ॥
ᤂᤧᤏᤧ᤹ ᤁᤧᤜᤡᤱᤜᤡᤱ ᤋᤢᤰᤂᤣ ᤁᤧᤈᤥᤃᤢᤀᤠᤱ
ᤂᤧᤸᤗᤧ ᤑᤳᤇᤢᤒᤠ ᤁᤢᤈᤠᤴ ᤁᤧᤈᤖᤥ॥
18ᤂᤧᤸᤗᤧ ᤂᤧᤏᤧ᤹ ᤁᤧᤗᤠᤃᤡ ᤋᤡᤱᤃᤪᤣᤰ ᤏᤢ ᤛᤣᤷᤍᤠ᤺ᤰᤔᤠ ᤋᤡᤱᤜᤠ᤹ ᤗᤡᤱᤗ ᤕᤠ᤺ᤴᤍᤢ ᤁᤧᤒᤡᤖᤥ.
ᤜᤧᤰᤁᤩᤠᤱ ᤂᤧᤏᤧ᤹ ᤐᤩᤠᤱᤛᤡᤃᤧᤴ ᤀᤡᤰᤋᤠᤵᤐᤥᤒᤠ ᤏᤢᤎᤡ ᤛᤠᤰᤆᤡ᤹ᤜᤠ᤹ ᤁᤧᤈᤖᤥ॥
19ᤂᤠᤶᤔᤥ ᤔᤧᤴᤏᤢ᤺ᤱ ᤔᤧᤶᤒᤣ᤺ᤰᤁᤣ ᤌᤠᤖᤡᤰ
ᤁᤧᤍᤫᤠᤒᤥ ᤁᤧᤜᤥ᤺ᤶᤒᤪᤡᤰᤘᤠ ᤛᤧᤖ
ᤕᤠ᤺ᤶᤒᤰ ᤁᤧᤈᤥᤃᤢᤀᤠᤱ ᤁᤢᤈᤠ ᤁᤧᤈᤖᤥ॥
ᤌᤣᤀᤠᤱᤓᤧᤸᤗᤧ ᤂᤧᤏᤧ᤹ ᤂᤠᤶᤔᤥᤗᤠᤶ ᤗ᤺ᤵᤔᤏᤠᤀᤠᤱ ᤁᤧᤘᤕᤧ.
ᤂᤧᤏᤧ᤹ ᤂᤠᤶᤏᤧᤖᤥ.
ᤜᤧᤰᤁᤩᤠᤱ ᤂᤧᤏᤧ᤹ ᤂᤠᤶᤔᤥᤀᤣ ᤁᤧᤏᤢ᤺ᤱ ᤁᤧᤒᤣ᤺ᤰᤗᤥ॥”
20ᤀᤠᤍᤶᤔᤡᤸᤗᤧ#᥉:᥈᥆ ᤀᤠᤍᤔ—ᤜᤡᤒᤪᤢᤀᤥ ᤁᤴ ᤔᤡᤱᤅᤧᤸᤗᤧ ᤁᤢᤒᤣᤴ “ᤔᤏᤠ” ᤐᤥᤱ᤹॥ ᤁᤢᤔᤧᤸᤗᤡᤱᤃᤧᤴ ᤁᤢᤔᤣ᤺ᤳᤋᤡᤴ ᤜᤘᤠ#᥉:᥈᥆ ᤜᤘᤠ—ᤜᤡᤒᤪᤢᤀᤥ ᤁᤴ ᤔᤡᤱᤅᤧᤴ ᤏᤢ “ᤁᤢᤜᤡᤱᤘᤧᤳ” ᤐᤠ᤺ᤵᤔᤧᤸᤗᤧ ᤗᤳᤇᤠ ᤜᤧᤰᤁᤣ ᤂᤧᤶᤍᤧᤳ॥ ᤔᤡᤱ ᤘᤠ᤺ᤳᤋᤢ. ᤌᤣᤀᤠᤱᤓᤧᤸᤗᤧ ᤁᤧᤖᤧᤰ ᤁᤢᤜᤡᤱᤘᤧᤳᤜᤠ᤹ᤖᤧ ᤂᤢᤴᤇᤡ᤹ ᤔᤠ ᤂᤢᤏᤧ᤹ᤀᤣᤖᤥ॥
21ᤕᤜᤘᤣ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤡᤜᤥ᤹ᤒᤠ ᤋᤣᤳ ᤀᤠᤍᤶᤔᤡᤴ ᤏᤢ ᤁᤢᤔᤣ᤺ᤳᤋᤡᤸᤗᤧ ᤗᤠᤃᤡ ᤋᤕᤢ ᤜᤧᤰᤁᤩᤠᤱ ᤂᤧᤴᤜᤠ᤹ ᤆᤠᤰᤋᤢᤛᤡ॥
ᤀᤠᤍᤶᤔᤡᤴ ᤏᤢ ᤜᤘᤠᤴ ᤛᤡᤱᤛᤣ᤹ᤀᤡᤰᤁᤥᤗᤠᤶ ᤗ᤺ᤴᤇᤡ᤹
22ᤜᤧᤰᤁᤩᤠᤱ ᤕᤜᤘᤣ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤠ᤺ᤳᤋᤢ. “ᤔᤧᤴᤇᤠᤶ ᤕᤠᤵᤔᤡᤴ ᤀᤠᤏᤡ᤹ ᤜᤧᤰᤁᤣ ᤏᤢᤒᤠ ᤏᤢ ᤋᤠᤵᤑᤧ᤺ᤶᤒᤠ ᤁᤢᤛᤡᤱ ᤁᤧᤏᤡ᤺ᤵᤐᤠ ᤐᤥ᤺ᤰᤂᤧᤀᤠᤱ ᤘᤠ᤹॥ ᤀᤠᤸᤗ ᤂᤧᤸᤗᤧ ᤜᤡᤱᤔᤴᤗᤧ ᤛᤡᤱᤒᤢᤱᤅᤡᤸᤗᤧ ᤁᤢᤈᤠ᤹ᤀᤡᤴ ᤋᤢᤵᤔᤠᤀᤠᤱ ᤆᤠᤔᤠ ᤔᤧᤄᤥᤛᤢᤸᤗ. ᤔᤣ᤺ᤴᤏᤧᤑᤃᤪ ᤂᤧᤸᤗᤧ ᤋᤢᤒᤢ ᤆᤀᤠᤱ ᤛᤍᤠᤍᤡᤱ ᤁᤢᤜᤡᤱᤘᤧᤳ ᤐᤥᤱ॥” #ᤛᤢᤑᤥ ᥈᥈:᥇᥊ 23ᤂᤧᤸᤗᤧᤆᤥᤃᤢᤸᤗᤧ ᤕᤜᤘᤣ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤴ ᤆᤥᤃᤢᤀᤠᤱ ᤘᤕᤧᤒᤠ ᤂᤠᤶᤒᤣ᤺ᤰᤔᤥ ᤕᤠ᤺ᤶᤒᤰ ᤆᤥᤰ ᤆᤠᤖ ᤑᤠ᤹ᤀᤠᤱ ᤀᤍᤏ ᤛᤡᤱᤛᤣ᤹ᤀᤡᤰᤁᤥᤗᤠᤶ ᤂᤧᤴ ᤗ᤺ᤳᤋᤢᤍᤣᤛᤢ॥ 24ᤂᤢᤏᤧ᤹ ᤔᤧᤴᤇᤠᤶ ᤕᤠᤵᤔᤡᤴ ᤗ᤺ᤳᤋᤢᤍᤣᤛᤢᤀᤠᤱ ᤜᤡᤱᤔᤴ ᤁᤧᤒᤡᤒᤠ ᤛᤡᤱᤒᤢᤱᤅᤡᤴ ᤁᤥᤔᤠᤖᤧ ᤗᤠᤃᤡ ᤀᤍᤏ ᤛᤡᤱᤛᤣ᤹ᤀᤡᤰᤁᤧᤸᤗᤧ ᤏᤠᤶᤃᤧᤴ ᤐᤡᤛᤠᤱ ᤔᤠᤱᤗᤠᤀᤡᤱᤒᤠᤜᤠ᤹ ᤏᤢ ᤁᤧᤖᤧᤰ ᤐᤡᤛᤠᤱ ᤁᤧᤀᤡᤒᤠᤀᤠᤱ ᤁᤧᤘᤠ᤹ᤒᤠ ᤔᤡᤎᤢᤱ ᤔᤡᤖᤠ᤺ᤰᤗᤧᤴ ᤋᤠᤓᤣ ᤕᤧᤵᤛᤢ॥
Выбрано:
ᤋᤥᤗᤡᤱᤛᤥᤔᤢ 3: LIFOTNT
Выделить
Поделиться
Копировать
![None](/_next/image?url=https%3A%2F%2Fimageproxy.youversionapistaging.com%2F58%2Fhttps%3A%2F%2Fweb-assets.youversion.com%2Fapp-icons%2Fru.png&w=128&q=75)
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
© 2009, 2023, Wycliffe Bible Translators, Inc. All rights reserved.