ARING KELESING 7
7
Usun tana lepa
1Ken Tuhan men Nuh, “Tei nah lim kelo' panak alem kapen atih, avin ika' dep kah aleng teneng Ek nyineng ha' unan Kui men hang daha' aleng murip kerei inih. 2Men lim na'an tulan dahin hulung aleng em masep im geri tusu doh tusu laké' ja daha' putung, bi tulan dahin hulung aleng masep im geri ji doh ji laké' tua ja dawa' pah putung lahuh. 3Nunan lahuh manuk aleng madang tusu doh tusu laké', ja daha' putung, ja ha' té' pahu daha' murip té' ji usun tana. 4Avin tusu dau la'an Akui seng menei usan té' usun tana pat-pulu dau pat-pulu malem dara na', Akui seng nasa' lim-lim ket aleng té' usun tana aleng uh Ek na.” 5Nuh pah pelalau ngioh lim-lim katuk Tuhan men iha'.
6Arun urip Nuh nem atuh duman, tegu usun tana lepa aya' atih. 7#Mat 24:38-39; Lk 17:27 Tei nah Nuh dahin anak na' dahin doh na' dahin dalo' doh hawan anak na' alem kapen atih ja daha' em matei kenan hungei aya' atih. 8Tulan dahin hulung aleng em masep dahin aleng masep, dahin lim-lim na'an manuk dahin lim na'an tulan aleng ngimet té' usun tana anih, 9nei nah daha' lim pala Nuh tei alem kapen atih, ji doh ji laké', awi aleng en Tuhan bara men Nuh. 10Uh tusu dau nei nah hungei aya' lempa usun tana.
11 #
2 Pet 3:6
Tegu anan urip Nuh nem atuh duman. Pulu-tusu dau alem bulan dua' anan, dau anan nah lim-lim ata' itung nei musang dahin langit pah neng'ap megak usan aya' lelan. 12Nei nah usan aya' lelan pat-pulu dau pat-pulu malem pelalau lempa usun tana. 13Dau atih tei nah Nuh dahin anak na' Sem, Ham, Yafet, dahin doh na' dahin dalo' doh hawan anak na' tei alem kapen atih, 14Nuh dalo' tih dahin lim-lim tulan aleng jera' ha'ut na'an-na'an daha' dahin tulan aleng malei ha'ut na'an-na'an daha', tulan-tulan dahin lim ket aleng ngimet té' usun tana, nunan pah lim na'an-na'an manuk, ha'ut-ha'ut na'an daha'. 15Lim-lim ket aleng murip dahin aleng té' henga' tei pala Nuh, peputung-peputung, ji doh ji laké' tei halem kapen atih. 16Ket aleng tei halem atih ji doh ji laké' men lim-lim na'an ket aleng murip, ngioh awi dahun Allah men Nuh. Uh Nuh tei halem en Allah kep nah ba kapen atih.
17Pat-pulu dau dara hungei aya' anan nei lempa usun tana, hungei pah sa'-sa' dekaya' ateng kapen atih tei peju nei ngelating la'an. 18Tegu hungei aya' atih nei-nei kelalau dekaya' té' usun tana, ngelating nah kapen atih té' ujung ata'. 19Bi sa'-sa' nei nah hungei atih dekaya' ateng-ateng lim-lim ngalang aleng bau-bau té' ida langit anih lepa lim-lim. 20Tusu meter#7:20 7 METER iha' tih 3 depa' ji unang. bau ata' atih lalau té' ujet ngalang, ateng ji-ji ngalang em peletu té' tula la'an. 21Matei nah lim-lim ket aleng murip, dahin lim ket aleng ngimet té' usun tana, awi manuk-manuk dahin tulan-tulan aleng malei, dahin aleng jera', dahin lim ket aleng nganap té' usun tana, nurei pah lim kelunan. 22Lim ket ha' usun tana aleng ngehngan, daha' pah matei lim-lim. 23Nunan nah Tuhan Allah nasa' lim ket aleng té' té' usun tana anih, awi kelunan, dahin lim tulan aleng jera' dahin aleng malei, nunan pah ket aleng nganap dahin manuk aleng madang, dahin ketu lim ket aleng ngimet, lim atih en Tuhan nasa' té' usun tana, bi Nuh dalo' panak dep kah aleng murip aleng té' alem kapen atih. 24Ji atuh lima'-pulu dau dara lepa aya' anan.
Выбрано:
ARING KELESING 7: TDK1990
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Bible in Today's Dahun Kayan Version © Bible Society of Malaysia, 1990.
ARING KELESING 7
7
Usun tana lepa
1Ken Tuhan men Nuh, “Tei nah lim kelo' panak alem kapen atih, avin ika' dep kah aleng teneng Ek nyineng ha' unan Kui men hang daha' aleng murip kerei inih. 2Men lim na'an tulan dahin hulung aleng em masep im geri tusu doh tusu laké' ja daha' putung, bi tulan dahin hulung aleng masep im geri ji doh ji laké' tua ja dawa' pah putung lahuh. 3Nunan lahuh manuk aleng madang tusu doh tusu laké', ja daha' putung, ja ha' té' pahu daha' murip té' ji usun tana. 4Avin tusu dau la'an Akui seng menei usan té' usun tana pat-pulu dau pat-pulu malem dara na', Akui seng nasa' lim-lim ket aleng té' usun tana aleng uh Ek na.” 5Nuh pah pelalau ngioh lim-lim katuk Tuhan men iha'.
6Arun urip Nuh nem atuh duman, tegu usun tana lepa aya' atih. 7#Mat 24:38-39; Lk 17:27 Tei nah Nuh dahin anak na' dahin doh na' dahin dalo' doh hawan anak na' alem kapen atih ja daha' em matei kenan hungei aya' atih. 8Tulan dahin hulung aleng em masep dahin aleng masep, dahin lim-lim na'an manuk dahin lim na'an tulan aleng ngimet té' usun tana anih, 9nei nah daha' lim pala Nuh tei alem kapen atih, ji doh ji laké', awi aleng en Tuhan bara men Nuh. 10Uh tusu dau nei nah hungei aya' lempa usun tana.
11 #
2 Pet 3:6
Tegu anan urip Nuh nem atuh duman. Pulu-tusu dau alem bulan dua' anan, dau anan nah lim-lim ata' itung nei musang dahin langit pah neng'ap megak usan aya' lelan. 12Nei nah usan aya' lelan pat-pulu dau pat-pulu malem pelalau lempa usun tana. 13Dau atih tei nah Nuh dahin anak na' Sem, Ham, Yafet, dahin doh na' dahin dalo' doh hawan anak na' tei alem kapen atih, 14Nuh dalo' tih dahin lim-lim tulan aleng jera' ha'ut na'an-na'an daha' dahin tulan aleng malei ha'ut na'an-na'an daha', tulan-tulan dahin lim ket aleng ngimet té' usun tana, nunan pah lim na'an-na'an manuk, ha'ut-ha'ut na'an daha'. 15Lim-lim ket aleng murip dahin aleng té' henga' tei pala Nuh, peputung-peputung, ji doh ji laké' tei halem kapen atih. 16Ket aleng tei halem atih ji doh ji laké' men lim-lim na'an ket aleng murip, ngioh awi dahun Allah men Nuh. Uh Nuh tei halem en Allah kep nah ba kapen atih.
17Pat-pulu dau dara hungei aya' anan nei lempa usun tana, hungei pah sa'-sa' dekaya' ateng kapen atih tei peju nei ngelating la'an. 18Tegu hungei aya' atih nei-nei kelalau dekaya' té' usun tana, ngelating nah kapen atih té' ujung ata'. 19Bi sa'-sa' nei nah hungei atih dekaya' ateng-ateng lim-lim ngalang aleng bau-bau té' ida langit anih lepa lim-lim. 20Tusu meter#7:20 7 METER iha' tih 3 depa' ji unang. bau ata' atih lalau té' ujet ngalang, ateng ji-ji ngalang em peletu té' tula la'an. 21Matei nah lim-lim ket aleng murip, dahin lim ket aleng ngimet té' usun tana, awi manuk-manuk dahin tulan-tulan aleng malei, dahin aleng jera', dahin lim ket aleng nganap té' usun tana, nurei pah lim kelunan. 22Lim ket ha' usun tana aleng ngehngan, daha' pah matei lim-lim. 23Nunan nah Tuhan Allah nasa' lim ket aleng té' té' usun tana anih, awi kelunan, dahin lim tulan aleng jera' dahin aleng malei, nunan pah ket aleng nganap dahin manuk aleng madang, dahin ketu lim ket aleng ngimet, lim atih en Tuhan nasa' té' usun tana, bi Nuh dalo' panak dep kah aleng murip aleng té' alem kapen atih. 24Ji atuh lima'-pulu dau dara lepa aya' anan.
Выбрано:
:
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Bible in Today's Dahun Kayan Version © Bible Society of Malaysia, 1990.