ARING KELESING 8
8
Lepa aya' melah
1Hituk nah Tuhan Allah té' Nuh dahin lim tulan aleng jera' dahin aleng malei aleng té' dahin Nuh alem kapen atih. En Allah nei nah ji bahui té' usun tana, hungei pah pelalau tei-tei melah. 2En Allah madet nah ata' itung dahin un-un hungei dahin usan bavah men langit, ngeta' nah usan, 3melah nah hungei. Uh ji atuh lima'-pulu dau hungei atih uh tei-tei melah. 4Alem bulan tusu, té' pulu-tusu dau bulan atih, nasak nah kapen atih té' ngalang Ararat. 5Ateng bulan pulu, sa' melah nah hungei. Té' ji dau bulan anan tula nah ujet-ujet ngalang.
6Uh pat-pulu dau, en Nuh teng'ap nah ba kapen. 7En na' akau nah ji ka, ka atih pah tei madang-madang ateng hungei tei keté' té' usun tana. 8Men'uh anan en na' akau pah ji manuk sepukun tei nesek hungei, kelung si' hungei uh melah lelan. 9Bi manuk sepukun atih tei nusi' té' avan na' nenguk, iha' pah tei' uli pala Nuh alem kapen la'an, avin té' loh kah ata' té' usun tana. Nuh pah mejei usu na' ala manuk atih tei halem kapen. 10Men'uh anan Nuh kelung tusu dau la'an en na' akau pah manuk sepukun atih nekulah men alem kapen. 11Nei nah manuk sepukun atih uli pala Nuh tegu dau uh levi, beka' té' ji itun kayo' zaitun murip en na' nudek. Men inan nah Nuh jam hungei uh melah, dahin tana uh nagah. 12Nuh kelung tusu dau la'an, en na' akau nah manuk sepukun atih nekulah, beka' nusi' nah iha' nei uli pala Nuh.
13Ji dau bulan ji, tegu urip Nuh nem atuh ji duman, nagah nah tana, en Nuh ka' nah hapau kapen atih, en na' nyineng usun tana uh nagah lim nah. 14Dua'-pulu-tusu dau bulan dua' usun tana pah uh nagah lim-lim.
15Ken Tuhan Allah men Nuh, 16“Musang nah lim kelo' panak men alem kapen. 17Nunan pah lim tulan aleng té' dahim, manuk-manuk, dahin tulan aleng panau dahin aleng nganap dahin ketu ket aleng ngimet té' usun tana, nyihu nah lim daha' anan musang dahim, ja daha' lim nei murip dahin nei katan té' usun tana.” 18Pelalau musang nah Nuh dalo' panak lim, 19dahin tulan aleng jera' dahin aleng malei dahin aleng nganap dahin lim manuk, dahin ketu ket aleng ngimet té' usun tana dahin lim na'an-na'an daha', nei musang men alem kapen.
Nuh ma'uk bun usu na'
20Pelalau Nuh na ji avo' ngavan na' ma'uk bun usu na' men Tuhan, en na' ala nah tulan aleng em masep men hang daha', dahin men hang manuk aleng em masep, pelalau pahun na' ujung avo' atih dahin ma'uk bun usu na' atih men Tuhan. 21Sayu lan nah bu na' ha' unan Tuhan. Ken Tuhan alem kenep Na', “Nusi' nah Akui seng na usun tana tulah la'an tavit kelunan, lan pah daha' musang kenep aleng ji'ek men-men daha' da'uk, bi nusi' nah Akui nasa' lim-lim ket aleng murip awi aleng hu'uh Ek na anih. 22Jarun urip usun tana nih té', nusi' nah daha' tei ngeta' nuvuh dahin ngelunau, nunan pah nyingem dahin lasu, taga' dahin unya, ngedau dahin malem seng té' pa'en lahuh.”
Выбрано:
ARING KELESING 8: TDK1990
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Bible in Today's Dahun Kayan Version © Bible Society of Malaysia, 1990.
ARING KELESING 8
8
Lepa aya' melah
1Hituk nah Tuhan Allah té' Nuh dahin lim tulan aleng jera' dahin aleng malei aleng té' dahin Nuh alem kapen atih. En Allah nei nah ji bahui té' usun tana, hungei pah pelalau tei-tei melah. 2En Allah madet nah ata' itung dahin un-un hungei dahin usan bavah men langit, ngeta' nah usan, 3melah nah hungei. Uh ji atuh lima'-pulu dau hungei atih uh tei-tei melah. 4Alem bulan tusu, té' pulu-tusu dau bulan atih, nasak nah kapen atih té' ngalang Ararat. 5Ateng bulan pulu, sa' melah nah hungei. Té' ji dau bulan anan tula nah ujet-ujet ngalang.
6Uh pat-pulu dau, en Nuh teng'ap nah ba kapen. 7En na' akau nah ji ka, ka atih pah tei madang-madang ateng hungei tei keté' té' usun tana. 8Men'uh anan en na' akau pah ji manuk sepukun tei nesek hungei, kelung si' hungei uh melah lelan. 9Bi manuk sepukun atih tei nusi' té' avan na' nenguk, iha' pah tei' uli pala Nuh alem kapen la'an, avin té' loh kah ata' té' usun tana. Nuh pah mejei usu na' ala manuk atih tei halem kapen. 10Men'uh anan Nuh kelung tusu dau la'an en na' akau pah manuk sepukun atih nekulah men alem kapen. 11Nei nah manuk sepukun atih uli pala Nuh tegu dau uh levi, beka' té' ji itun kayo' zaitun murip en na' nudek. Men inan nah Nuh jam hungei uh melah, dahin tana uh nagah. 12Nuh kelung tusu dau la'an, en na' akau nah manuk sepukun atih nekulah, beka' nusi' nah iha' nei uli pala Nuh.
13Ji dau bulan ji, tegu urip Nuh nem atuh ji duman, nagah nah tana, en Nuh ka' nah hapau kapen atih, en na' nyineng usun tana uh nagah lim nah. 14Dua'-pulu-tusu dau bulan dua' usun tana pah uh nagah lim-lim.
15Ken Tuhan Allah men Nuh, 16“Musang nah lim kelo' panak men alem kapen. 17Nunan pah lim tulan aleng té' dahim, manuk-manuk, dahin tulan aleng panau dahin aleng nganap dahin ketu ket aleng ngimet té' usun tana, nyihu nah lim daha' anan musang dahim, ja daha' lim nei murip dahin nei katan té' usun tana.” 18Pelalau musang nah Nuh dalo' panak lim, 19dahin tulan aleng jera' dahin aleng malei dahin aleng nganap dahin lim manuk, dahin ketu ket aleng ngimet té' usun tana dahin lim na'an-na'an daha', nei musang men alem kapen.
Nuh ma'uk bun usu na'
20Pelalau Nuh na ji avo' ngavan na' ma'uk bun usu na' men Tuhan, en na' ala nah tulan aleng em masep men hang daha', dahin men hang manuk aleng em masep, pelalau pahun na' ujung avo' atih dahin ma'uk bun usu na' atih men Tuhan. 21Sayu lan nah bu na' ha' unan Tuhan. Ken Tuhan alem kenep Na', “Nusi' nah Akui seng na usun tana tulah la'an tavit kelunan, lan pah daha' musang kenep aleng ji'ek men-men daha' da'uk, bi nusi' nah Akui nasa' lim-lim ket aleng murip awi aleng hu'uh Ek na anih. 22Jarun urip usun tana nih té', nusi' nah daha' tei ngeta' nuvuh dahin ngelunau, nunan pah nyingem dahin lasu, taga' dahin unya, ngedau dahin malem seng té' pa'en lahuh.”
Выбрано:
:
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Bible in Today's Dahun Kayan Version © Bible Society of Malaysia, 1990.