Aposteljeschicht 18

Paulus en Korint

1No dit veleet Paulus Ateen un kjeem no Korint. 2Doa troff hee Aquilla, een Jud von Pontus, dee korz met siene Fru Priszilla toop von Italien jekomen wia, wiels Klaudius aule Juden von Room wajch jeschekjt haud. Doa kjeem Paulus han; #Reema 16,3 3un wiels hee, soo aus dee uk, een Zeltmoaka wia, bleef hee doa un oabeid met an toop. #Apost 20,34; 1Kor 4,12 4Un aum Sabat jinkj hee emma en äare Judenschoolen un äwazeijd de Juden un de Griechen. 5Aus Silas un Timotäus von Mazedonien jekomen wieren, funk Paulus aun sikj gaunz un goa hantojäwen de Juden daut to bewiesen, daut Jesus de Christus wia. #Apost 17,14-15; 2Kor 1,19 6Oba aus see jäajenaun wieren un lastaden, scheddad hee sikj dän Stoff von de Kjleeda un säd: Jun Bloot woat äwa june ieejne Kjap komen. Ekj sie rein un go von nu aun no de Nichjuden! #Neh 5,15; Apost 13,51; 20,26 7Dan jinkj Paulus von doa wajch un jinkj bie Titius #18,7 Eenje oole Schreften sajen Titus Justus, een gottesferchtjen Maun, em Hus nenn, daut fuaz daut näakjste aun de School stunt. 8Krispus, de Leida von de School, un siene gaunze Famielje jleewden aun dän Harn. Un väl von de Korinta, aus dee hieeden, jleewden un leeten sikj deepen. #1Kor 1,14

9Eene Nacht säd de Har to Paulus en eene Vision: Fercht die nich, hool aun to prädjen un lot die nich stelmoaken! #(9 und 10)Jer 1,8; 1Kor 2,3 10Ekj sie met die, un doa saul sikj kjeena woagen, die Schoden auntodoonen; wiels ekj hab väl Menschen en dise Staut. #Joh 10,16 11Dan bleef hee doa achtieen Moonat un lieed an daut Gotteswuat.

Paulus ver däm Laundesvewaulta Galio

12Aus Galio Gowernia äwa Achaja wia, stunden de Juden sikj toop un brochten Paulus ver Jerecht 13un säden: Dis Maun berät de Menschen, Gott opp soone Oat auntobäden, dee jäajen daut Jesaz es. 14Aus Paulus jrod reed wia to räden, säd Galio to de Juden: Leewe Juden, wan sikj daut om een grootet orrajcht ooda vebräakjen haundeld, wudd ekj wellich sennen no junt to horchen; #(14 und 15)Apost 25,18-20 15oba wan sikj daut om eene Strietfroag äwa Wieed un Nomes en jun ieejnet Jesaz haundelt, dan weet junt selfst doamet; wiels ekj woa äwa soone Dinja nich Rechta sennen. #Joh 18,31 16Un hee juach an utem Rechthus. 17Dan kjrieejen aul de Griechen Sostenes, dän Leida von de Judenschool, to hoolen un veheiwden am ver däm Rechtastool. Oba Galio muak sikj nuscht doarut.

Paulus siene dredde Missionsreis Trigj no Antiochia

(Apost 18,23—21,16)

18Paulus bleef dan noch eene lenjre Tiet en Korint. Dan oba veleet hee de Breeda, un säajeld met Priszilla an Aquilla toop äwa no Korint. En Kenchreä leet hee sikj de Hoa aufschnieden, wiels hee haud een Vespräakjen jemoakt. #Apost 21,24.26 19Un hee kjeem no Efesus, un leet an doa. Hee oba jinkj en de School nenn un räd met de Juden. 20See prachaden am dan, daut hee noch lenja bie an bliewen sull. Hee oba, jinkj doaropp nich en, 21oba neem Aufscheet von an un säd: Ekj mott onbedinjt en Jerusalem opp daut Fast sennen. Oba ekj woa, wan Gott daut soo well, wada trigjkomen. Un hee fua von Efesus wajch. #Jak 4,15 22Un hee kjeem no Cäsarea un jinkj no Jerusalem un jreest de Jemeent un reisd auf no Antiochia. #Apost 21,5

23Hee bleef doa dan eene Tietlank, un reisd dan wieda un jinkj derch daut galatische Launt von eene Städ no de aundre, un soo uk derch Friegien, un stoakjt aul de Jinja.

Apollos en Efesus un Korint

24Entweschen wia Apollos, een Jud von Alexandria, no Efesus jekomen. Daut wia een jeleifja Rädna, dee met de Schreft goot bekaunt wia. #1Kor 3,5-6 25Dis Maun wia äwa dän Harn sien Wajch rechtich belieet worden un räd un lieed met groote Bejeistrunk vom Harn, wan hee uk mau bloos met Johanes sien Deepen bekaunt wia. #Apost 19,3 26Disa funk gaunz frie aun, en de Schoolen to prädjen. Aus Priszilla un Aquilla am hieeden, neemen see am bie sikj nenn un läden am Gott sien Wajch noch jrintelja ut. 27Aus Apollos no Achaja reisen wull, schreewen de Breeda han un muaken de Jinja Moot, daut see am oppnämen sullen. Un aus hee hankjeem, holp hee dee sea väl, dee derch Jnod toom Gloowen jekomen wieren. 28Un hee muak de Juden daut ver aule Menschen ut de Schreft kloa, daut Jesus de Christus wia. #Apost 9,22; 17,3

Выбрано:

Aposteljeschicht 18: PB

Выделить

Сравнить

Копировать