Obľúbené biblické verše z Juan 10

Zdieľať

“No ya tulisan, umbe̍t tasun agtakew, pumatey se̍ mangpukaw. Ngem iyaken, bekken nac nga agten iyan, ta inumbe̍t tac tasun mange̍cde̍ yac ka biyag kadiya ibilang ku nga karne̍ruc. Ket iya agten iyan, uwed ngarud biyag da nga awan pagkurangan na.

“Iyaken, maiyarig gac pe̍ iya isa nga nabaru nga agay-aywan kadiya karne̍ru. Ya nabaru nga agay-aywan, sisasagana nga matey, nga mangipaay iya biyag na tasun mangisalakan kadiya karne̍ru na.

Ta diya karne̍ruc, ikasu da met ya timec ku. Emmuc da, ket suruten dac met.

Ket e̍cdac da ngarud iya agnanayun nga biyag, ket madi da mapukaw nga pulus, se̍ awan makaagaw igida iya panangaywan ku.

“Ngarud, iyaken ya arig nga ruwangan. Ket diya amin nga manalan iyaken nga umuneg, maisalakan da ngarud. Ket didi nga maiyarig ka karne̍ru, ket siwayawaya da nga umuneg winno rumwar nga mawe̍ iya pagaraban da nga awan kansing da.

“Ngem iyaken met ya nabaru nga agay-aywan. Ket agten idi: Em-emmu nac ya Ama, se̍ em-emmuc met pe̍ ya Ama. Agten nac pe̍ iyan, ta em-emmuc diya karne̍ruc, se̍ em-emmu dac met pe̍. Ket iyaken, nakasagana ngac ngarud nga matey, nga mangipaay iya biyag ku para kadiya karne̍ruc.

Ya Amac, nitalec na da iyaken, ket igina met ya kangatuwan iya amin. Itu nga awan ngarud makaagaw igida iya panangaywan niya Ama. Ngarud, ya Ama se̍ iyaken, ket is-isa,” kunen na.

“Ngem iyaken met ya nabaru nga agay-aywan. Ket agten idi: Em-emmu nac ya Ama, se̍ em-emmuc met pe̍ ya Ama. Agten nac pe̍ iyan, ta em-emmuc diya karne̍ruc, se̍ em-emmu dac met pe̍. Ket iyaken, nakasagana ngac ngarud nga matey, nga mangipaay iya biyag ku para kadiya karne̍ruc.

Awan makapatey iyaken, ngem agdisnudu wac nga mangipalubus iya pannakapatey ku. Ta uwed iyaken ya turay nga mangiyawat iya biyag ku nga mapatey, se̍ uwed met pe̍ iyaken ya turay nga mangpasoli mettas iya biyag ku. Agten iyan ngarud to nibilin niya Amac nga wanglec,” kunen na.

Dikad pe̍ nipalawag ne̍ Je̍sus ya banag nito pangngarig, nga kinunen na, “Ibagac ya kinapudnu na dakayu: Iyaken ya maiyarig iya ruwangan nga umuneggan diya karne̍ru.

Ngem no ya makitangtangdan nga bekken na nga kuwa diya karne̍ru nga naitalec igina, agtalew ket baybay-an na diya karne̍ru no uwed masingen na nga umbe̍t nga atap nga asu nga nauyung. Dikad pe̍ makaalac ya nauyung nga asu kadiya karne̍ru, ket nawarawara dan.

Uwed pangngarig nga kinagi ne̍ Je̍sus itun nga agten idi: “Pudnu yani nga ibagac dakayu: No bekken nga ya ruwangan ya umuneggan niya isa nga toley iya kudal diya karne̍ru, ket umune̍c nga gennung iya bekken nga ruwangan, ket isa nga agtatakew winno tulisan ya agten iyan nga toley.