Obľúbené biblické verše z Lukas 14

Zdieľať

“Ya mayat nga makitipun iyaken tasun agbalin nga pasurut ku, madi met mabalin, malacsid no ipangpangruna na nga mona ya ayat na iyaken ngem iya ayat na iya ama na, se̍ iya ina na, iya asawa na, se̍ kadiya anac na, kadiya kakabsat na, se̍ orey iya mismu nga beggi na mettas.

Se̍ madi pe̍ makapagbalin nga pasurut ku ya orey nagan na nga madi mangitured iya arig nga panangagtu na iya krus na nga pakailansaan na mettas, tasun sumurut iyaken.

Ta ya kinapudnu na, diya amin nga mangipadayaw iya beggi da, maipababa da nad met. Ngem ya agpakumbaba, maidayaw nad met nga gennung,” kunen na.

“Ket iya agten iyan, maawatan nu kuma nga awan makapagbalin nga pasurut ku, malacsid no panawan na diya amin nga sansanicwa na.”

“Agten iyan ngarud, ta kaspagarigan no uwed dakayu ya mayat nga mangbangun ka nangudu nga maipatdec nga torre̍. Di na ngarud panunuten pekkem nga mona ya magastu na iya panangibangun na, tasun maemmuwan na no umdas mettas ya kuwarta na nga mangleppas iya ipatdec na? Ta nad no nalpas na ya pakaisaadan na, kaynun no madi na kabaellan nga ilpasin. Itu nga amin nad diya makasingen iyan, igalgalec da met, nga kunen da, ‘Nakapatdepatdec ngas ya toley nga iyan ka di na met kabaellan nga leppasen,’ kunen da nad met.

Ngem no uwed iyawis mu nga pangparagsac, awisem lugud diya napanglaw, se̍ diya pukul, se̍ diya piley se̍ diya kulap. Ket no agten iyan, nagasat ka ngarud, ta diya agten kadiyan nga toley, madi daka masupapakan. Masupapakan ka met nad no panagungar diya napalinteg nga toley,” kunen na.

“Ya asin kaspagarigan, ket napateg ngarud ya asin. Ngem no naipac ya silem nan, kumaan ngarud niya panangpasilem manin iyan nga asin? Ket awan sirbi na nga mangpataba iya ginet, orey no mailauc ka bugasu win, itu nga itemsit ngas diya toley yin. “Dakayu nga uwed pannakaawat na, tandaanan nu kuma ngarud yanin,” kunen na.