Obľúbené biblické verše z Lukas 16

Zdieľať

“Ket ya toley nga mapagtalkan ka e̍teng ngas nga maitalec igina, mapagtalkan met pe̍ no maitalec ya adu igina. Ket ya madi mapagtalkan ka e̍teng ngas nga maitalec igina, madi pe̍ mapagtalkan ka adu.

“Ket panunuten nu pe̍ nga no ya tagabu, madi met mabalin nga duwa ya pagsirbiyan na. Ta no duwa ya amu na, guraen na met ya isa, ket ayaten na nga gennung ya isa. Winno patgen na ya isa, ket kalucsew na nga gennung ya isa. Ngarud, no dakayu, madi met mabalin nga agpaay kayu e̍ Apu Diyus se̍ agpaay kayu pe̍ iya panangipateg ka kuwarta,” kunen na.

Ket iya agten iyan, no madi kayu matalec kadiya kukuwa nga nailubungan, madi kayu ngarud met nga matalec kadiya pudnu nga kinabacnang. Ket no madi mabalin nga maitalec dakayu ya kukuwa niya sabali, madi ngarud met pe̍ nga maitalec dakayu diya agbalin nga mismu nga kukuwa nu mettas.

“Ngem kinunen ne̍ Abraham igina, ‘No madi da ipangag diya kagkagi ne̍ Muyse̍s se̍ dito kagkagi dito mammadtu, madi da met pe̍ mamati orey no uwed toley nga nagungar,’ kunen ne̍ Abraham,” kunen na.

“Ya lalaki nga mangiyadi iya asawa na, se̍ manin mangasawa ka sabali, ket maibilang nga makabasul ka basul nga pannakitipun ka bekken na nga asawa. Ket agten pe̍ nga ya lalaki nga mangasawa ka babey nga niyadi yin niya asawa na, maibilang pe̍ nga makabasul ka basul nga pannakitipun ka bekken na nga asawa,” kunen ne̍ Je̍sus.