Obľúbené biblické verše z Lukas 17

Zdieľať

Ket kinunen ne̍ Je̍sus ito lalaki nga nalaingan, “Agsikad kan, ta mabalin mu ya mawe̍ yin. Nalaingan kan gapu iya panamatim,” kunen na.

Ket orey no mame̍npitu nga agbasul ikew iya unus niya isa nga algew, se̍ mame̍npitu met nga umbe̍t na kagiyen ikew, ‘Babawiyec kun,’ ket masapul met nga pakawanem,” kunen na.

Ket ya isa igida, apaman nga nasingen na nga nalaingan to kutel nan, simoli met ito edyan ne̍ Je̍susin, nga nip-ipkaw na ya panagdayaw na e̍ Apu Diyus. Ket nagparintumeng ngarud iya sangu ne̍ Je̍sus nga siiiyaman igina. Ket iyan nga lalaki, iSamarya met.

Itu nga agannad kayu kuma ngarud! “Ket no uwed kabsat mu nga nakabasul ikew, mawe̍ ka ngarud balakadan. Ket no agbabawi, pakawanem ngarud.

Ket e̍ Je̍sus, kinunen na, “Bekken kad nga sangapulu to nalaingan tun? Ape̍ dito siyamin?

Ket kinunen niya Apu, “No uwed e̍teng ngas nga panamati nu, nga orey maiyarig ngas iya katekkut niya bukel niya kayu nga mustasa, mabalin nu met nga bilinen yani nga dackel nga kayu nga sikumuru nga kunen nu, ‘Bagsutem ya beggim, ket imulam mettas iya baybayin,’ kunen nu, ket agtungpal met dakayu,” kunen na.

Ta kinapudnu na, ya orey nagan na nga mangkake̍nga iya biyag na mettas, mapukaw nad mettas igina ya kaipapennan niya biyag na. Ngem ya orey nagan na nga mangipalikud nga gennung iya panangipateg na iya biyag na, maisalakan na nad ya kaipapennan niya biyag na.

Ket kinunen ne̍ Je̍sus kadito adalan na, “Siguradu nga uwed ngas mangsulisug ka toley. Ngem kackaasi nad lugud ya pagbanagan niyan nga toley nga pakaigapuwan niya panagbasul diya duduma. Ta ya makaigapu ka panagbasul niya isa nga agten kadidi nga tekkut nga ebbing, nabarbaru lugud met para iyan nga pakaigapuwan niya panagbasul, no pagbanagan na kuma ya mabe̍sinan ya tengnged na ka takiyew, se̍ maitemsit ka baybayin.

“Ket no kumaan to kasasaad dito toltoley ito timpu nito Nue̍ itun, ket agten nad met iyan no madatngan ya timpu niya Anac nga Naipatoley. Ta ito sacbay nito algew nga imuneg de̍ Nue̍ ito daung, nitultuluy ngas met dito toltoley to winangwangel da nga nangnangan, se̍ nagin-inum, se̍ nagaasawa. Ket pagamwan da, uwed met to layusin, ket itu ya nangpukaw igida nga aminin.