Obľúbené biblické verše z Lukas 6

Zdieľať

Mange̍cde̍ kayu, ket mae̍cdan kayu met pe̍. Ngarud, no agten iyan, mae̍cdan kayu ka adu nga maikamboy dakayu, ta kustu met ya pagsukat nga mausar para dakayu, se̍ nasedsed se̍ agpatpatutuc pe̍ agingga ka aglablabni yin. Ta no kumaan niya panangaasi nu, agten nad met iyan ya pannakakaasi nu,” kunen na.

Ket agten pe̍ iyan ya toley, ta nabaru ya tumaud iya nanacman nga toley, gapu ta nabaru met ya uwed iya lemlemmet na. Ket dake̍c met ya tumaud iya dake̍c nga toley, gapu ta dake̍c ya uwed iya lemlemmet na. Ta ya uwed iya lemlemmet niya isa nga toley, itu mettas ya maikagi niya musung na.

“Ngem ya wanglen nu kuma nga gennung, ayaten nu lugud diya kumuntra dakayu, ket nabaru ya ipaay nu igida. Ket agpautang kayu nga orey awan namnamaen nu nga maibayad. Ket no agten iyan ya wanglen nu, dackel met ya maigun-guna dakayu, ket anac nakayu nga tutu ya Kangatuwan maigapu ka ugali. Ta igina, kaasiyan na met orey diya toley nga madi makaemmu nga agyaman, se̍ diya dake̍c nga toley.

Ngarud, dakayu, masapul nga managkaasi kayu, nga agten mettas iya gangey niya Ama nu nga managkaasi.”

“Ket madi kayu kuma pabasulen ya kapada nu, ket iya agten iyan, madi kayu met pe̍ mapabasul. Se̍ madi nu ukumen ya kapada nu, ket iya agten iyan, madi kayu pe̍ maukum. Mamakawan kayu, ket mapakawan kayu met pe̍.

“Ngem dakayu nga aggigicna iyaken nin, kunec dakayu, nga ayaten nu lugud diya kumuntra dakayu, se̍ nabaru kuma ngas ya ipaay nu kadiya gumura dakayu. Ket adngen nu lugud ya panangaasi ne̍ Apu Diyus kadiya mangilunud dakayu, se̍ ikararagan nu kuma pe̍ diya mangpasakit dakayu.

Ngarud, ya gabay nu nga mawangel kuma dakayu, itu kuma ya wanglen nu mettas iya kapada nu.

Ket no uwed mangtungpa iya pasngit mu, palubusam nga tungpaen na pekkem orey ya bangir. No uwed mangipanaw iya punyus mu, ket ipalubus mu met pe̍ nga alac na orey pe̍ ya badum. E̍cdan nu ngarud ya orey nagan na nga agadeng dakayu. Se̍ no uwed mangpilit nga mamet ka sanicwa nu, di nu met ipilit nga paisoli yin.

“Ket agten idi pe̍: Diya nabaru nga kayu, madi da met mamisic ka dake̍c. Se̍ diya dake̍c nga kayu, madi da met pe̍ mamisic ka nabaru.

Ta ya mismu nga bisic niya tunggal kayu, itu mettas ya pakailasinan na. Tutu met nga bekken ngarud nga maburas ka narasi nga ruut ya bisic igus. Se̍ bekken met nga maburas ka narasi nga kayu ya bisic ubas.