Obľúbené biblické verše z Lukas 9

Zdieľať

Ket kinunen na pe̍ igida nga amin, “No uwed mayat nga sumurut iyaken, masapul nga ipalikud na diya mismu nga tarigagay na, ket se̍ masapul nga anusan na nga inalgew ya arig nga panangagtu na iya krus na nga pakailansaan na, ket sumurut ngarud iyaken nin.

Ta ya toley nga mangipangpangruna kuma iya biyag na, mapukaw nad mettas igina ya kaipapennan niya biyag na. Ngem ya mangipalikud iya panangipateg na iya biyag na gapu iyaken, maisalakan na nad ya kaipapennan niya biyag na.

Ngem kinunen ne̍ Je̍sus igina, “Ya maiyarig iya agaradu nga law-ing nga law-ing iya likud na, bekken met nga maikari iya panangituray ne̍ Apu Diyus igina,” kunen na.

Tutu met yan, ta awan ngarud paglaingan niya isa nga toley, orey no matagikuwa na kuma diya amin nga uwed iya lubung ngi, no maukum winno mapukaw nad met.

Tutu met nga diya toley nga mangiyalyew iyaken se̍ kadiya isursuruc, ket iyalyew nad met pe̍ niya Anac nga Naipatoley, no umbe̍t nad nga sidadayaw gapu iya mismu nga dayaw na, se̍ gapu iya panangipadayaw igina niya Ama se̍ diya nadayaw nga anghe̍le̍s.

Ket kinunen ne̍ Je̍sus igina, “Utubem man yani: No diya musang, uwed pagedyanan da nga re̍kab. Ket se̍ diya sibsibud, uwed pe̍ sucbut da. Ngem ya Anac nga Naipatoley, awan met nga gennung pagedyanan na tasun uwed kustu nga pagidaan na,” kunen na.

Ket kinunen ne̍ Je̍sus kadito adalan na, “Ya mangrispitar idi nga ebbing gapu iyaken, iyaken met pe̍ ya rinispitar na. Ket ya mangrispitar iyaken, ya nangibon iyaken pe̍ yin ya rinispitar na. Ta ya kanumuwan dakayu nga amin, itu nga tutu ya kangrunaan iya imatang ne̍ Apu Diyus,” kunen na.