Obľúbené biblické verše z Lukas 8

Zdieľať

Ket dito bukel nga nagdessag iya napaw-is nga ginet, itu diya maiyarig kadiya toley nga makagicna pe̍ iya kagi ne̍ Apu Diyus, ket napudnu se̍ nadalus met ya nakem da no magicna da, ket agtalec da ngarud. Naanus da, ket agbanag ka nabaru ya panamati da,” kunen na.

Ket dito bukel nga nagdessag iya karuutan nga uwed rasi na, itu diya maiyarig kadiya toley nga makagicna iya kagi ne̍ Apu Diyus, ngem maabac ya pannakabalin na igida, gapu kadiya pakasikuran da, se̍ gapu iya panangtarigagay da ka kinabacnang se̍ pakaragsakan da. Itu nga arig da nga bisic nga madi agmayan.

Ket dito bukel nga nagdessag ito ginet nga uwed pinas iya uneg na, itu diya maiyarig kadiya toley nga makagicna iya kagi ne̍ Apu Diyus, ket awaten da nga siaanggem. Ngem gapu ta arig da nga mula nga awan nauneg nga gamut da, nalaka da nga mamati iya damu, ngem dagus da nga aglikud no uwed pakasulisugan da.

Ket kinunen ne̍ Je̍sus kadito adalan na, “Ape̍? Awan aya panamati nu?” kunen na. Ket siaansing da ngarud, se̍ nasdaaw da pe̍, nga kinunen da iya panagtetebbar da, “Nagan kid ya katoltoley nidi? Ta orey ya belluut se̍ diya palung, bilinen na da met, ket agtungpal da gayam igina!” kunen da.

Ket dito nagdessag iya dalan, itu diya maiyarig kadiya toley nga makagicna iya kagi ne̍ Apu Diyus, ngem male̍panan da. Ta arig nga umbe̍t ya diyablu nga ipac na ya kagi nga uwed iya lemlemmet da, tasun di da mamati se̍ maisalakan.

Ket itu met ya pakaiyarigan niya amin nga nailinged nga banbanag ita, ta maipalawag nad met. Ket amin nga nailimed ita, maipakaemmu se̍ maiparangarang nad met.

Ket ito naemmuwan nito babey nga naductalanin to winangel na, sipipilpig nga nawe̍ nagparintumeng iya sangu ne̍ Je̍susin. Ket nipalawag na iya imatang dito amin nga toltoley no ape̍ nga sine̍cde̍ng na nge̍ Je̍sus, se̍ nibaga na pe̍ to pannakapalaing na nga sigida ito nase̍cde̍ng nan. Ket kinunen ne̍ Je̍sus igina, “Anac ku, nalaingan kan gapu iya panamatim. Agawir ka nga sitatalna kuma ngasin,” kunen na.

Ket dito adalan, nawe̍ da ngarud linukag nge̍ Je̍susin, nga kinunen da, “Mistru, Mistru! Matey tidan!” kunen da. Ket bimangun nge̍ Je̍sus, se̍ na met binilin to belluut se̍ dito dadackel nga palung nga agtalna da, ket natalna met ya aminin.