Obľúbené biblické verše z Lúcas 21

Zdieľať

Peiko ku guárdia pyharegua oiko háicha pemaña porãvo (pemangea porãvo) opaite mba’ére pende jerére ojehúva guive. Peñembo’epeína peẽ penembarete hag̃ua, ha ani hag̃ua ho’apa avei ko’ã mba’e oútava pende’ári, ha ikatu hag̃ua peñembo’y pe yvyarigua Ra’y renondépe.

Peñeñangarekóke ani hag̃ua oñemombarete pende py’apy vício ka’úpe, térã pejepy’apy pene rembi’urã rehe, ha peha’ãrõ’ỹre pe ára péva ho’a sapy’a pende’ári peteĩ ñuhãicha.

Pene paciéncia rupi pesalvava’erã pende rekove.

Che voi ningo ame’ẽta peẽme arandu ha umi ñe’ẽ peẽ pejeva’erãva, ha pe arandu Che ame’ẽtava peẽme penderehe ija’e’ỹva ndaikatúi oñemoĩ hese.

Pe ára yvate ha ko yvy ohasapava’erã, che ñe’ẽ katu ndohasaiva’erã araka’eve ojehu’ỹre (che ha’eva’ekue).

Upérõ ojehechava’erã techaukaha (señal) kuarahy, jasy ha jasytata rehe, ha yvy apére oñemyasãita ohóvo kyhyjeguasu tetãnguéra apytépe pe yguasu ipochyetégui ha umi yapenúgui ijyvate. Heta ipy’amanóta okyhyjégui umi mba’evai oha’ãrõtava ojehu hag̃ua ha ára (yvága) pegua pu’akakuéra oñemomỹi joava’erã. Upéramo ojehecháta yvyarigua Ra’y ouvahína peteĩ arai ári, ipu’akaguasu ha heko jajaipa reheve.

Heta ndaija’eiva’erã penderehe, che réra rehehápe.

Oikova’erã yvy ryryiguasuete ha heta tetãme oĩta ñembyahýi ha mba’asy vai oñemyasãitava ohóvo. Oĩta ñemondyiguasu, ha techaukahaguasu ojehechaukáta ára yvate rehe.

Pehendu ramo ñorãirõnguéra ha umi tetãygua oñemoĩva hetã ruvichatee rehe, ani peñemondýi, opaite ko’ã mba’e ningo ojehuraẽva’erã, og̃uahẽ mboyve umi ára paha. Upérõ Hesu he’i ichupekuéra: Tetãnguéra opu’ãta ojuehe, ha peteĩ tetãguasu ambue tetãguasu rehe.

Upérõ ojehechava’erã techaukaha (señal) kuarahy, jasy ha jasytata rehe, ha yvy apére oñemyasãita ohóvo kyhyjeguasu tetãnguéra apytépe pe yguasu ipochyetégui ha umi yapenúgui ijyvate. Heta ipy’amanóta okyhyjégui umi mba’evai oha’ãrõtava ojehu hag̃ua ha ára (yvága) pegua pu’akakuéra oñemomỹi joava’erã.

Upérõ Hesu he’i ichupekuéra: Tetãnguéra opu’ãta ojuehe, ha peteĩ tetãguasu ambue tetãguasu rehe.

Ha Hesu ombohovái: Cháke, peñeñangareko porãke ani hag̃ua peñembotavy. Heta ou gua’uva’erã che rérape, ha he’íta: Che ningo pe Crísto ha umi ára paha og̃uahẽmbotaitéma. Anítei pemoirũ ichupekuéra ha ani peguerovia he’íva guive peẽme.