Obľúbené biblické verše z Jɔn 4

Zdieľať

Zə̀ kə loʼ kəzày, sey ghə̂ ghey ghə ngɔɔmənə wi, ghə khə ni teeli ngɔɔmə wi nə kəzay nsə n jìi zey i loʼnə isəŋə.”

Nəŋə i kee bəghənu, zə n buʼ kpii, ghə̂ ghey ghə ndzəmə ngɔɔmənə Bày, zay K-a-zə̀ kə ghəŋŋə ghə nə̀ ghə i ngɔɔmə wi n jìi zey i loʼnə isəŋə, kuum nə̀, à wən loʼ ndzoʼo ghə̂ ghey Bày ləghənə nə̀ ghə i ngɔɔmə wi.

Wù wey tə kee mə̂nə mmuu mey n fuunə tə̀ ghə, fə̀ŋ ə mmuu nə kəm zuʼlə koʼ way wi. N kuum dza bə tə̀ wɔ nə̀ mmuu mey mə i fuunə tə wi, mə i fəd doʼo tə̀ a loʼ sə̂ i dzuu zən i kuŋunə n kow ghə, fuu ghə n muu zə itsali zə.”

Yeso n beeli ndow wi dza nə̀, “Abə wə mə khənə ndzoʼo naamə key Zə̀ kə fuunə nsə ndzoʼo wù wey tə nɔɔnə wɔ n mmuu mə, wə mə fəd buʼ wi n wɔɔ kə nə̀ tə fu wɔ n mmuu mey n fuunə muu zə.”

Yeso n dza ndòw tə̀ ghə nə̀, “Fəzəə wuŋ u loʼ ni fwaʼ fwaʼ key wù wey tə tûm bənə mə, ləghənə nə̀ n fwaʼ, nsə ni mayyə fwaʼ key tə fuunə tə̀ mə nə̀ n fwaʼ.

Weyzən wey n dza tə wi nə̀, “Mûkəbii, wə khə way fə kə ni sìi mmuu tii, buʼ kə n mmuu kə fɔŋŋə nyi tsunu, wə i kee ney bə ghee mmuu mən n fuunə muu zə ə?

Weyzən wey n dza ndow tə̀ wi nə̀, “N khənu nə̀ bəghəshi i bəghənu. Abə wù wey Zə̀ kə â dza naŋa nə̀ i tûm bənu i bənə, tə i tiillə dza may bə aghəə adzəm tə̀ saa.” Yeso n beeli ndow wi dza nə̀, “Mə wən n ghɔɔmə bənə ghi wɔ, n loʼ wi.”

“Bə koʼo na wù loʼ tə tiilə dza bənə mə n ghəə ghey n ghəŋə koʼ tsənə adzəm ə. I loʼ ni doʼo nə̀ a loʼ wù wey Zə̀ kə â dza naŋa nə̀ i tûm bənu ə?”