Obľúbené biblické verše z Mak 12

Zdieľať

Bamiihem nim Yensa aŋoyindem ayéjem: - N'afaŋumne n'ayik nafa, nómár agune inno. Ayéjyej: Ninkinan jamanku Israyel janteneŋ baŋ! Umuyhintor, úmár ingine Díino Amánduko. Ninkinan moŋon moŋon uñantay upokunom afaŋ bupoko b’upokunne índukoŋo. Uñantay upokunom baman a hafithen k’ukokor jamméejhen waatowaat a binaanam k’ukandáram ingi sembehen nip ho ámár asíibane. Nim luwankintor amiihulne. Luwaŋo n'atifne nómár ingine inno: Moŋon moŋon uñantay upokun údinhen uraagof k'utopotorom maŋ ni utopotorohne bigokon. Yikireŋ luwaŋaŋ adúkoŋ n'afaŋ innoŋ anakaŋo bayikhu nafa. Nim Yensa ajaabine ukeekihu Hañaañeno.

Yensa bafégi n’akanne nim, ahuyor ñantaalibehinem k'ayéjeeniŋ: - Janteneŋ baŋ k'íteekinoonuŋ marigeno: Ingah! Uyikireŋo ummu, h'anéerne Díino afaŋi ho índukoŋo annéerne Díino. Fégeŋ baŋ, úmár ii adoodooh haajankánam nip abayun k'adooh bakodiŋo b’ayikne na nip akandur Díino. Kanda índukoŋo andoodooh k’angila h’ansohálane ki b'afallane ankandur Díino. Nim Yensa atéekinne ñantaalibehinem.

Afúrumni na, Yensa n'aroŋ a Jaameŋo Adénno. Anoonooh atéeja keeseŋo no anworohne bakodiŋo b'anfúnnohne sadaŋo, k'aningeh jamaŋo m'anfúnnohne sadaŋo. Ñamhu nááfulo inlabahi anworwor na bakodiŋo jup. Kanda ayikyik dam udikaam úduk m’apútor m’akanne bájuuro. Bapútri, afúnn ñokodi ñonak awor na a keeso.

Uraagofoŋo añantay apokun Umuyhunom Díino afaŋ bupoko b'apokunne índukoŋo. Añantay apokunom ingi jamméejhinem nip baman a hafithinem, k'akandáram ingi sembehinem nip hogurumaareŋ ho ámár Díino asíibane. Faka añantay apokun údinhinem uraagof maŋ ni apokunne bigokunom. Gukaano nim afaŋi gudaamihu leeyaŋaŋo k'uñuf, ingi gúfunnhu sada agurumaareŋ. Nim ukeekihu Hañaañeno ayéjne Yensa.

Banyéjem nim ayéjeeniŋ: - Inini, Sesar caamáremeŋ honaanam. Ucaamaŋ Díino mees honaanam. Yensa bajaabiyeeniŋ nim, abineeniŋ fanfaŋ.