Obľúbené biblické verše z Jn 4

Zdieľať

Dios nach'eñe Nepaqal 'me ya'uo da'me nec'alaĝa, qama'le ga'me jiyaĝadipi onolec da'me yaqanate't ta'le yataqata netametot qom ñe'me Lepaqal yanema da'me dalaĝaic jo'ne nec'alaĝa.

Qalaĝaja male qoyoqo'ta ga'me nolo', nataq'aen da'me joote novi', qom ñe'me Qadet'a Lepaqal yanema ga'me jiyaĝadipi da'me yayate'n da'me eja qaedi yayate'n da'me yataqata netametot ñe'me Qadet'a, qa'a ñe'me Qadet'a onolec da'me dojo' 'yamaqaten ta'le qonetamenot.

qalaĝaja joga'me jo'ne niyomigui ga'me noĝop jo'ne mach'e janegue, ja yitaĝa ta'le 'niyelaĝa ga'me noĝop lamaic. Qa'a joga'me noĝop jo'ne mach'e janegue ja yitaĝa em, qama'le ena'am ga'me ladic joga'me noĝop jo'ne nec'alaĝaiqui, chayovida'a ga'me jiyaĝaua taue da'me 'loyaĝac jo'ne ja 'naidena'a.

Jesús 'yateguet: —Ta'le auayaten ga'me jo'ne Dios am yanem nataq'aen jayem auayaten da'me am jiyaĝatapecot qaedi jayem aniyomaĝan, qama'le ga'me aviyaĝanaque qama'le am janem ga'me noĝop jo'ne nec'alaĝaiqui.

Qama'le Jesús enaac: —Da'me jo'ne janoq, ja'uo da'me jo'ne lelnataĝac ñe'me jo'ne jayem namaĝaquena, da'me jomat da'me 'lonatac jo'ne jayem yamaĝalegue.

Jañe'me yauo male enaac: —Jaliaĝanec, yataqachiñe ja auana ga'me lo'o ta'le anaqadijeguem ga'me noĝop qa'a janjo' nopi'yaĝaiqui yataqachiñe qaya'ñgui: qama'le ¿jach'e jogamaĝa auachiyoĝo'tague ga'me noĝop jo'ne nec'alaĝaiqui?

Jaga'me yauo enaac: —Jayaten da'me novi' qomle ga'me Mesías (jo'ne yeloteguet da'me Dios Liquiyac); qom novitequena qama'le qo'mi yapaĝague'n. Jesús male enaac: —Naqayem, jo'ne jayem auojetapegue'.

—Anec'achiquena qaedi ami jauegalo ñe'me jiyaĝaua jo'ne jayem 'yaĝatem yema daa'me jo'ne jauo'oe. ¿Qo'li ja naqaeñe ñe'me Dios Liquiyac?