Lir. 5
5
Lisaaye lia Adamu
(1 Ke Ch. 1.1-4)
1 #
Lir. 1.27-28
Luno luli lunyilili lwe lisaaye lia Adamu. Nga Wele ne abuumba omundu, amubuumba mu lukoondo lwewe omwene. 2#Mat. 19.4; Mk. 10.6 Abuumba omuseecha no mukhasi, ababiita chikhabi mala abatiuukha ali babaandu. 3Nga Adamu ne amenya ola kimiiko emia ndala ne kamakhumi kataru, asaala omwana owe sisoleeli owe lukoondo lwewe lundi omufwaana, mala amutiuukha ali Seti. 4Enyuma we khusaala Seti, Adamu amenya kimiiko chimia munaane mala asaala babaana babaandi be sisoleeli ne sikhaana. 5Adamu aamenya kimiiko chimia tisa ne kamakhumi kataru mala afwa.
6Nga Seti aamenya ola kimiiko emia ndala na kiraano asaala Enosi. 7Enyuma we khusaala Enosi, Seti amenya kimiiko chimia munaane ne saba, mala asaala babaana babaandi be sisoleeli nende be sikhaana. 8Seti aamenya kimiiko chimia tisa ne kimiiko ekhumi na kibili, mala afwa.
9Nga Enosi aamenya ola kimiiko kamakhumi tisa, asaala Kenani. 10Enyuma we khusaala Kenani, Enosi aamenya kimiiko chimia munaane ne ekhumi na kiraano mala asaala babaana babaandi be sisoleeli nende be sikhaana. 11Khwako Enosi amenya kimiiko chimia tisa na kiraano mala afwa.
12Nga Kenani aamenya ola kimiiko kamakhumi saba asaala Mahalaleli. 13Enyuma we khusaala Mahalaleli, Kenani aamenya kimiiko kikiindi chimia munaane ne kamakhumi kane mala asaala babaana babaandi be sisoleeli nende be sikhaana. 14Khwako Kenani amenya kimiiko chimia tisa ne ekhumi mala afwa.
15Nga Mahalaleli amenya ola kimiiko kamakhumi sita ne kiraano asaala Yareti. 16Enyuma we khusaala Yareti, Mahalaleli aamenya kimiiko chimia munaane ne kamakhumi kataru, mala asaala babaana babaandi be sisoleeli nende be sikhaana. 17Khwako Mahalaleli amenya kimiiko chimia munaane ne kamakhumi tisa na kiraano mala afwa.
18Oli Yareti amenya ola kimiiko emia ndala ne kamakhumi sita na kibili asaala Enoka. 19Enyuma we khusaala Enoka, Yareti amenya kimiiko chimia munaane mala asaala babaana babaandi be sisoleeli nende be sikhaana. 20Khwako Yareti aamenya kimiiko chimia tisa ne kamakhumi sita na kibili, mala afwa.
21Nga Enoka amenya ola kimiiko kamakhumi sita na kiraano asaala Metusela. 22Enyuma we khusaala Metusela, Enoka amenya mu busaangi ne Wele khulwe kimiiko chimia chitaru mala asaala babaana babaandi be sisoleeli nende be sikhaana. 23Khwako Enoka amenya kimiiko chimia chitaru ne kamakhumi sita na kiraano. 24#Yudi 14; Baeb. 11.5 Enoka aakeenda ne Wele mala akoriokha busa khubao tawe, sikila Wele aamubukula.
25Nga Metusela amenya ola kimiiko emia ndala ne kamakhumi munaane ne saba, asaala Lameki. 26Enyuma we khusaala Lameki, Metusela amenya kimiiko chimia saba ne kamakhumi munaane ne kibili mala asaala babaana babaandi be sisoleeli nende be sikhaana. 27Khwako Metusela amenya kimiiko chimia tisa ne kamakhumi sita na tisa mala afwa.
28Nga Lameki amenya ola kimiiko emia ndala ne kimiiko kamakhumi munaane na kibili asaala omwana owe sisoleeli, 29amutiuukha lisina ali, “Noa.”#5.29 Noa: lisina lino lilomekha nga lie Lueburania liliekesia khuuluukha. Sikila aloma ali, “Khukhwama mu maloba niko Wele Omunyali Owa Bioosi alaama, omwana yuno alakhuoleelesia kimiooyo khukhwama khu milimo kiefwe kimiandalafu kioosi.” 30Enyuma we khusaala Noa, Lameki amenya kimiiko chimia chiraano ne kamakhumi tisa na kiraano mala asaala babaana babaandi be sisoleeli nende be sikhaana. 31Khwako Lameki amenya kimiiko chimia saba ne kamakhumi saba na saba, mala afwa.
32Enyuma wa Noa khukhwosia kimiiko chimia chiraano, asaala Shemu, Hamu ne Chafwesa.
Aktuálne označené:
Lir. 5: LUBUKUSU
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
©Bible Society of Kenya, 2019