Lukas 18
18
To pangngarig maipanggep ito babey se̍ to kuis
1Ket nagpangngarig manin nge̍ Je̍sus kadito adalan na, ta suruwan na da nga agkararag da kuma nga pe̍yeng, nga madi da kuma nga makumsa. 2Ket kinunen na, “Uwed kuis iya isa nga ili, ket madi na met dayawen nge̍ Apu Diyus, se̍ awan met toley nga ipangag na.
3“Ket uwed met isa nga babey nga balu iyan mettas nga ili, ket pe̍yeng nga mawe̍ iya edyan nito kuis nga agpacpakaasi igina nga kunen na, ‘Ipanecnec mu kay iya mangiyamang iyaken ya kalinteggac,’ kunen na.
4“Ket ito damu na, madi nikaskasu nito kuis to babey. Ngem to napasamac itun, kinunen nito kuis iya lemlemmet na, ‘Iyaken, madic met dayawen nge̍ Apu Diyus, se̍ awan met toley nga ipangag ku. 5Ngem gapu ta pe̍yeng nac nga ringringguren ya balu nga idi, panecnekkac ngasin ya kalinteggan na, tasun di pe̍yeng nga umbe̍t mangringgur iyaken. Ta kaynun no agpatingga ya anus kun,’ kunen nito kuis,” kunen ne̍ Je̍sus.
6Ket nituluy niya Apu nga kinunen na, “Panunuten nu ngarud to kinunen nito nakillu nga kuis. 7Ket no e̍ Apu Diyus, di na ngarud pe̍ aya tulungan diya pinili na nga toley na, nga umaw-awag nga pe̍yeng igina orey algew se̍ gabi maipanggep iya pruble̍ma da? Ngarud, madi na met tactaken ya mangipakaemmu iya kinalinteg da. 8Pudnu met ya ibagac dakayu, nga dagus nga tulungan ne̍ Apu Diyus diya toley na nga umaw-awag igina. Ngem nagan ya kunen nu? Nad no agparang ya Anac nga Naipatoley, kumaan ngata ya panamati diya toley nga madateng na nad idi nga lubung?” kunen na.
Dito panagkararag nito Parisiyu se̍ to agsingsingir ka buis
9Ket uwed da pe̍ toley antuni nga natangsit, ta pagarup da nga nalinteg da iya imatang ne̍ Apu Diyus, ket laisen da met diya duduma nga toley. Itu nga nibaga ne̍ Je̍sus yani nga pangngarig igida: 10“Uwed duwa nga lalaki nga nawe̍ nagkararag enna Te̍mplu. Parisiyu ya isa, ket ya isa, agsingsingir ka buis. 11Ket to Parisiyu, nagsikad nga is-isa nga nagkararag. Ket kinunen na, ‘Apu Diyus, agyaman nac ikew, ta bekken nac nga agten kadiya duduma nga toley, nga agten kadiya agtakew, nasikap, se̍ diya makitipun kadiya bekken da nga asawa. Ket bekken nac pe̍ nga agten iya toley nga iyan nga agsingsingir ka buis. 12Ta iyaken, mame̍nduwa iya unus makalawas, nga agdayaw wac met ikew, nga an-anusac ngarud ya madi mangan. Ket e̍cde̍c met pe̍ nga maipaay ikew ya apagkapullu niya amin nga masapulac,’ kunen na.
13“Ngem to agsingsingir ka buis nga gennung, nagsikad ngas iya nabay-at. Ket di orey limangad, no di lugud dinandantug na ya barukung na nga nagbabawi, nga kinunen na, ‘Apu Diyus, kaasiyan nac kay, ta managbasul lac met,’ kunen na.
14“Ito nakakararag dan, nagawir dan. Ket to agsingsingir ka buis met ya naibilang nga nalinteg iya imatang ne̍ Apu Diyus. Ngem to Parisiyu nga gennung, madi met naibilang nga nalinteg. Ta ya kinapudnu na, diya amin nga mangipadayaw kadiya beggi da, maipasegged nad met. Ngem ya agpakumbaba, maipadayaw nad met nga gennung,” kunen ne̍ Je̍sus.
To ayat ne̍ Je̍sus kadito ebbing
Mat. 19:13-15; Mar. 10:13-16
15Ket uwed da toley itun nga nange̍lbe̍t pe̍ ka be̍be̍teng nga aanac da e̍ Je̍sus, tasun icman na da kuma. Ngem ito nasingen dito adalan na ya wangwanglen dito toley, nilbec da met dito nange̍lbe̍t.
16Ngem e̍ Je̍sus, pinaadenni na latta dito ebbing, ket kinunen na, “Palubusan nu lugud diya ebbing nga umbe̍t iyaken. Madi nu da nga paritan. Ta agten met kadidi nga ebbing diya aglak-am iya panangituray ne̍ Apu Diyus. 17Ket pudnu met nga diya orey nagan na nga madi paiturayan e̍ Apu Diyus, nga agten mettas iya panagpaituray niya ebbing, madi da mabalin ya maitipun kadiya iturayan ne̍ Apu Diyus,” kunen na.
To pangulu nga nabacnang
Mat. 19:16-30; Mar. 10:17-31
18Ket uwed isa nga pangulu diya Hudyu nga nagsaludsud e̍ Je̍sus, nga kinunen na, “Nalinteg nga Mistru, ibagam kay iyaken no nagan kuma ya wanglec tasun magun-ud ku ya biyag nga agnanayun,” kunen na.
19Ket kinunen ne̍ Je̍sus igina, “Ape̍ kunem nga nalinteg gac? Awan met nalinteg, no di yas e̍ Apu Diyus. 20Ket no maipanggep ito saludsud mu, emmum met dito bilbilin ne̍ Apu Diyus: ‘Madi ka makitipun ka bekken mu nga asawa, madi ka pumatey, madi ka agtakew, madi ka mangpabasul nga sibubusid, se̍ dayawem ya amam se̍ ya inam,’ kunen na kadito bilbilin,” kunen ne̍ Je̍sus.
21Ket to pangulu, kinunen na, “Manipud pekkem ito kaebbing ku, tungtungpalec met amin diyan nga bilbilin,” kunen na.
22Ket ito nagicna ne̍ Je̍sus yan nga kunen nito pangulu, ket kinunen na igina, “Uwed pekkem mas isa nga masapul nga wanglem. Ilakum diya amin nga sansanicwam, se̍ ka iwaras ya paglakuwam kadiya napanglaw. Ket iya agten iyan, uwed nad kinabacnang mu ka langitin. Ket kalpasan niya panangiwaras mun, umbe̍t nac suruten nin,” kunen na.
23Ngem nasnaayan lugud to pangulu ito nagicna na yan, ta bacnang met ngamin nga unay. 24Ket e̍ Je̍sus, binubuteg na to pangulu, ket kinunen na, “Diya uwed kinabacnang da, narigat met nga makalak-am da nad iya panangituray ne̍ Apu Diyus! 25Ta nalaclaka lugud ya lumbut niya kame̍lyu iya ebbut niya dagum, ngem iya pannakalak-am niya isa nga nabacnang iya panangituray ne̍ Apu Diyus,” kunen na.
26Ket dito toley nga nakagicna iyan, kinunen da, “No agten iyan, nagan ngarud diya mabalin nga maisalakanin?” kunen da.
27Ket kinunen ne̍ Je̍sus, “Mabalin met ne̍ Apu Diyus diya madi mabalinan diya toley,” kunen na.
28Ket e̍ Pe̍dru met ya nagkagi yin, nga kinunen na, “Ket no dakami, pinanawan mi met diya amin nga sansanicwa min, tasun sumurut kami ikew,” kunen na.
29Ket kinunen ne̍ Je̍sus igida, “Pudnu met yani nga ibagac dakayu: Orey nagan na nga nangpanaw iya baley na, asawa na man winno diya kakabsat na, winno diya naganac igina, winno diya anac na, tasun agsirbi iya panangituray ne̍ Apu Diyus, 30basta ad-adu nga unay ya maisupapac igina ita mettas nga timpu ngem iya pinanawan na. Ket nad iya sumarunu nga timpu, uwed pe̍ ya supapac na nga biyag nga agnanayun,” kunen na.
To panangipakaemmu manin ne̍ Je̍sus iya ipapatey
se̍ panagungar na
Mat. 20:17-19; Mar. 10:32-34
31Ket nibay-at ne̍ Je̍sus dito sangapulu ket duwa nga adalan na, ket kinunen na igida, “Agten idi nin: Manang-at tida ngarud nga mawe̍ ka He̍rusale̍min. Ket antuni ya pakapasamakan amin dito nisurat dito mammadtu maipanggep iya Anac nga Naipatoley. 32Ta maiyawat antuni kadiya bekken nga Hudyu, ket mauyaw, se̍ maiyal-alyew, se̍ malutaban met pe̍. 33Ket sapliten da nad ka latiku, se̍ da met patayen. Ket iya maikatlu nga algew, agungar nad mettas,” kunen na.
34Ngem pulus nga di da nga naawatan maipanggep kadito nibaga ne̍ Je̍sus. Nalimed met igida ya kaipapennan nidi nga kinunen na, ket madi da met nailasin ya banag na.
To panangpalaing ne̍ Je̍sus ito kulap nga makilimlimus
Mat. 20:29; Mar. 10:46-52
35Ket ito sumungsungad de̍ Je̍sus iya ili nga He̍riku win, uwed lalaki nga kulap nga agtugtugew iya pingit niya dalan, nga makilimlimus. 36Ket ito nadlaw na nga uwed adu nga toley nga tumaltalib iya edyan na, dinamag na ya mapaspasamac. 37Ket kinunen da igina, “Tumalib met nge̍ Je̍sus nga iNasare̍t,” kunen da.
38Ket to kulap, nipkaw na met nga kinunen, “Je̍sus nga kapututan nito Ari Dabid! Kaasiyan nac kay!” kunen na.
39Ngem dito toltoley nga manmanalan nga non-ona ngem kade̍ Je̍sus, nilbec da lugud to kulap, nga madi kuma kanu mamagas. Ngem nilallalu na lugud to nagpekkaw, nga kinunen na manin, “Kapututan nito Ari Dabid! Kaasiyan nac kay!” kunen na.
40Ket nagsardeng ngarud nge̍ Je̍sus, se̍ na pinalbe̍t to kulap iya edyan na. Ket ito nakaadenni yin, dinamag ne̍ Je̍sus igina nga kinunen na, 41“Nagan na ya gabay mu nga wanglec para ikew?” kunen na.
Ket kinunen ngarud nito kulap, “Apu, gabay ku ya makasingen kuma manin,” kunen na.
42Ket kinunen ne̍ Je̍sus igina, “Makasingen ka ngarudin. Nalaingan kan gapu iya panamatim,” kunen na.
43Ket sigida nga nakasingen nga tutu manin. Ket simurut e̍ Je̍susin, nga nagdaydayaw ngarud e̍ Apu Diyusin. Ket amin dito toltoley, ito nasingen da to napasamac, dinaydayaw da pe̍ nge̍ Apu Diyus.
Aktuálne označené:
Lukas 18: YBT
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
© 1990 New Tribes Mission, Sanford, FL 32771-1487, USA.
Printed in the Philippines.
Lukas 18
18
To pangngarig maipanggep ito babey se̍ to kuis
1Ket nagpangngarig manin nge̍ Je̍sus kadito adalan na, ta suruwan na da nga agkararag da kuma nga pe̍yeng, nga madi da kuma nga makumsa. 2Ket kinunen na, “Uwed kuis iya isa nga ili, ket madi na met dayawen nge̍ Apu Diyus, se̍ awan met toley nga ipangag na.
3“Ket uwed met isa nga babey nga balu iyan mettas nga ili, ket pe̍yeng nga mawe̍ iya edyan nito kuis nga agpacpakaasi igina nga kunen na, ‘Ipanecnec mu kay iya mangiyamang iyaken ya kalinteggac,’ kunen na.
4“Ket ito damu na, madi nikaskasu nito kuis to babey. Ngem to napasamac itun, kinunen nito kuis iya lemlemmet na, ‘Iyaken, madic met dayawen nge̍ Apu Diyus, se̍ awan met toley nga ipangag ku. 5Ngem gapu ta pe̍yeng nac nga ringringguren ya balu nga idi, panecnekkac ngasin ya kalinteggan na, tasun di pe̍yeng nga umbe̍t mangringgur iyaken. Ta kaynun no agpatingga ya anus kun,’ kunen nito kuis,” kunen ne̍ Je̍sus.
6Ket nituluy niya Apu nga kinunen na, “Panunuten nu ngarud to kinunen nito nakillu nga kuis. 7Ket no e̍ Apu Diyus, di na ngarud pe̍ aya tulungan diya pinili na nga toley na, nga umaw-awag nga pe̍yeng igina orey algew se̍ gabi maipanggep iya pruble̍ma da? Ngarud, madi na met tactaken ya mangipakaemmu iya kinalinteg da. 8Pudnu met ya ibagac dakayu, nga dagus nga tulungan ne̍ Apu Diyus diya toley na nga umaw-awag igina. Ngem nagan ya kunen nu? Nad no agparang ya Anac nga Naipatoley, kumaan ngata ya panamati diya toley nga madateng na nad idi nga lubung?” kunen na.
Dito panagkararag nito Parisiyu se̍ to agsingsingir ka buis
9Ket uwed da pe̍ toley antuni nga natangsit, ta pagarup da nga nalinteg da iya imatang ne̍ Apu Diyus, ket laisen da met diya duduma nga toley. Itu nga nibaga ne̍ Je̍sus yani nga pangngarig igida: 10“Uwed duwa nga lalaki nga nawe̍ nagkararag enna Te̍mplu. Parisiyu ya isa, ket ya isa, agsingsingir ka buis. 11Ket to Parisiyu, nagsikad nga is-isa nga nagkararag. Ket kinunen na, ‘Apu Diyus, agyaman nac ikew, ta bekken nac nga agten kadiya duduma nga toley, nga agten kadiya agtakew, nasikap, se̍ diya makitipun kadiya bekken da nga asawa. Ket bekken nac pe̍ nga agten iya toley nga iyan nga agsingsingir ka buis. 12Ta iyaken, mame̍nduwa iya unus makalawas, nga agdayaw wac met ikew, nga an-anusac ngarud ya madi mangan. Ket e̍cde̍c met pe̍ nga maipaay ikew ya apagkapullu niya amin nga masapulac,’ kunen na.
13“Ngem to agsingsingir ka buis nga gennung, nagsikad ngas iya nabay-at. Ket di orey limangad, no di lugud dinandantug na ya barukung na nga nagbabawi, nga kinunen na, ‘Apu Diyus, kaasiyan nac kay, ta managbasul lac met,’ kunen na.
14“Ito nakakararag dan, nagawir dan. Ket to agsingsingir ka buis met ya naibilang nga nalinteg iya imatang ne̍ Apu Diyus. Ngem to Parisiyu nga gennung, madi met naibilang nga nalinteg. Ta ya kinapudnu na, diya amin nga mangipadayaw kadiya beggi da, maipasegged nad met. Ngem ya agpakumbaba, maipadayaw nad met nga gennung,” kunen ne̍ Je̍sus.
To ayat ne̍ Je̍sus kadito ebbing
Mat. 19:13-15; Mar. 10:13-16
15Ket uwed da toley itun nga nange̍lbe̍t pe̍ ka be̍be̍teng nga aanac da e̍ Je̍sus, tasun icman na da kuma. Ngem ito nasingen dito adalan na ya wangwanglen dito toley, nilbec da met dito nange̍lbe̍t.
16Ngem e̍ Je̍sus, pinaadenni na latta dito ebbing, ket kinunen na, “Palubusan nu lugud diya ebbing nga umbe̍t iyaken. Madi nu da nga paritan. Ta agten met kadidi nga ebbing diya aglak-am iya panangituray ne̍ Apu Diyus. 17Ket pudnu met nga diya orey nagan na nga madi paiturayan e̍ Apu Diyus, nga agten mettas iya panagpaituray niya ebbing, madi da mabalin ya maitipun kadiya iturayan ne̍ Apu Diyus,” kunen na.
To pangulu nga nabacnang
Mat. 19:16-30; Mar. 10:17-31
18Ket uwed isa nga pangulu diya Hudyu nga nagsaludsud e̍ Je̍sus, nga kinunen na, “Nalinteg nga Mistru, ibagam kay iyaken no nagan kuma ya wanglec tasun magun-ud ku ya biyag nga agnanayun,” kunen na.
19Ket kinunen ne̍ Je̍sus igina, “Ape̍ kunem nga nalinteg gac? Awan met nalinteg, no di yas e̍ Apu Diyus. 20Ket no maipanggep ito saludsud mu, emmum met dito bilbilin ne̍ Apu Diyus: ‘Madi ka makitipun ka bekken mu nga asawa, madi ka pumatey, madi ka agtakew, madi ka mangpabasul nga sibubusid, se̍ dayawem ya amam se̍ ya inam,’ kunen na kadito bilbilin,” kunen ne̍ Je̍sus.
21Ket to pangulu, kinunen na, “Manipud pekkem ito kaebbing ku, tungtungpalec met amin diyan nga bilbilin,” kunen na.
22Ket ito nagicna ne̍ Je̍sus yan nga kunen nito pangulu, ket kinunen na igina, “Uwed pekkem mas isa nga masapul nga wanglem. Ilakum diya amin nga sansanicwam, se̍ ka iwaras ya paglakuwam kadiya napanglaw. Ket iya agten iyan, uwed nad kinabacnang mu ka langitin. Ket kalpasan niya panangiwaras mun, umbe̍t nac suruten nin,” kunen na.
23Ngem nasnaayan lugud to pangulu ito nagicna na yan, ta bacnang met ngamin nga unay. 24Ket e̍ Je̍sus, binubuteg na to pangulu, ket kinunen na, “Diya uwed kinabacnang da, narigat met nga makalak-am da nad iya panangituray ne̍ Apu Diyus! 25Ta nalaclaka lugud ya lumbut niya kame̍lyu iya ebbut niya dagum, ngem iya pannakalak-am niya isa nga nabacnang iya panangituray ne̍ Apu Diyus,” kunen na.
26Ket dito toley nga nakagicna iyan, kinunen da, “No agten iyan, nagan ngarud diya mabalin nga maisalakanin?” kunen da.
27Ket kinunen ne̍ Je̍sus, “Mabalin met ne̍ Apu Diyus diya madi mabalinan diya toley,” kunen na.
28Ket e̍ Pe̍dru met ya nagkagi yin, nga kinunen na, “Ket no dakami, pinanawan mi met diya amin nga sansanicwa min, tasun sumurut kami ikew,” kunen na.
29Ket kinunen ne̍ Je̍sus igida, “Pudnu met yani nga ibagac dakayu: Orey nagan na nga nangpanaw iya baley na, asawa na man winno diya kakabsat na, winno diya naganac igina, winno diya anac na, tasun agsirbi iya panangituray ne̍ Apu Diyus, 30basta ad-adu nga unay ya maisupapac igina ita mettas nga timpu ngem iya pinanawan na. Ket nad iya sumarunu nga timpu, uwed pe̍ ya supapac na nga biyag nga agnanayun,” kunen na.
To panangipakaemmu manin ne̍ Je̍sus iya ipapatey
se̍ panagungar na
Mat. 20:17-19; Mar. 10:32-34
31Ket nibay-at ne̍ Je̍sus dito sangapulu ket duwa nga adalan na, ket kinunen na igida, “Agten idi nin: Manang-at tida ngarud nga mawe̍ ka He̍rusale̍min. Ket antuni ya pakapasamakan amin dito nisurat dito mammadtu maipanggep iya Anac nga Naipatoley. 32Ta maiyawat antuni kadiya bekken nga Hudyu, ket mauyaw, se̍ maiyal-alyew, se̍ malutaban met pe̍. 33Ket sapliten da nad ka latiku, se̍ da met patayen. Ket iya maikatlu nga algew, agungar nad mettas,” kunen na.
34Ngem pulus nga di da nga naawatan maipanggep kadito nibaga ne̍ Je̍sus. Nalimed met igida ya kaipapennan nidi nga kinunen na, ket madi da met nailasin ya banag na.
To panangpalaing ne̍ Je̍sus ito kulap nga makilimlimus
Mat. 20:29; Mar. 10:46-52
35Ket ito sumungsungad de̍ Je̍sus iya ili nga He̍riku win, uwed lalaki nga kulap nga agtugtugew iya pingit niya dalan, nga makilimlimus. 36Ket ito nadlaw na nga uwed adu nga toley nga tumaltalib iya edyan na, dinamag na ya mapaspasamac. 37Ket kinunen da igina, “Tumalib met nge̍ Je̍sus nga iNasare̍t,” kunen da.
38Ket to kulap, nipkaw na met nga kinunen, “Je̍sus nga kapututan nito Ari Dabid! Kaasiyan nac kay!” kunen na.
39Ngem dito toltoley nga manmanalan nga non-ona ngem kade̍ Je̍sus, nilbec da lugud to kulap, nga madi kuma kanu mamagas. Ngem nilallalu na lugud to nagpekkaw, nga kinunen na manin, “Kapututan nito Ari Dabid! Kaasiyan nac kay!” kunen na.
40Ket nagsardeng ngarud nge̍ Je̍sus, se̍ na pinalbe̍t to kulap iya edyan na. Ket ito nakaadenni yin, dinamag ne̍ Je̍sus igina nga kinunen na, 41“Nagan na ya gabay mu nga wanglec para ikew?” kunen na.
Ket kinunen ngarud nito kulap, “Apu, gabay ku ya makasingen kuma manin,” kunen na.
42Ket kinunen ne̍ Je̍sus igina, “Makasingen ka ngarudin. Nalaingan kan gapu iya panamatim,” kunen na.
43Ket sigida nga nakasingen nga tutu manin. Ket simurut e̍ Je̍susin, nga nagdaydayaw ngarud e̍ Apu Diyusin. Ket amin dito toltoley, ito nasingen da to napasamac, dinaydayaw da pe̍ nge̍ Apu Diyus.
Aktuálne označené:
:
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
© 1990 New Tribes Mission, Sanford, FL 32771-1487, USA.
Printed in the Philippines.