Lukas 4
4
To panangsulisug ne̍ Satanas e̍ Je̍sus
Mat. 4:1-11; Mar. 1:12-13
1Ket e̍ Je̍sus, naturayan iya Ispiritu Santu ito gayat ka wangag Hordan, ket niturung niya Ispiritu ka away. 2Ket antuni, nalak-aman na met ya panangsulisug niya diyablu ka unus eppat nga pulu nga algew. Pulus nga madi nangnangan nge̍ Je̍sus ito kauwed na ka away, dikad pe̍ kalpasan niyan, nabisinan ngarudin.
3Ket kunen niya diyablu igina, “No tutu nga Anac naka nge̍ Apu Diyus, bilinem man yani nga batu nga agbalin nga tinapay,” kunen na.
4Ket kinunen ne̍ Je̍sus igina, “Uwed naisurat iya Bibliya nga kunen na, ‘Ya pagbiyag niya toley, bekken ngas nga tinapay,’” kunen na.
5Kalpasan niyan, nipen niya diyablu nge̍ Je̍sus iya isa nga nangudu nga lugar. Ket iyan mettas nga kanitu, nipasingen niya diyablu igina diya amin nga pagpagariyan iya lubung. 6Ket kinunen na e̍ Je̍sus, “E̍cde̍c ikew amin didi nga turay se̍ amin nga kinapaw-is nga uwed igida, ta naipaikut iyaken didi. Ket mabalin ku nga e̍cde̍ iya orey nagan na nga gabay ku nga pange̍cde̍yan. 7Itu nga no agdayaw ka iyaken, kuwam amin didi nin,” kunen na.
8Ket kinunen ne̍ Je̍sus, “Uwed naisurat iya Bibliya nga kunen na, ‘Agdayaw ka ngarud iya Apu nga Diyus mu, ket ig-igina ngas ya pagsirbiyam,’” kunen na.
9Ket kalpasan niyan, nipen manin niya diyablu nge̍ Je̍sus iya siyudad nga He̍rusale̍m. Ket pinagsikad na iya tuctuc niya Te̍mplu, se̍ na kinunen e̍ Je̍sus, “No tutu nga Anac naka nge̍ Apu Diyus, lumatuc ka man manipud idi. 10Ta uwed met naisurat iya Bibliya nga kunen na,
‘Bilinen ne̍ Apu Diyus
diya anghe̍le̍s na nga mangaywan ikew.
11Tapayaen daka nad kadiya ima da,
tasun orey ya sakam,
madi met masakitan ka batu,’
kunen na iya Bibliya,” kunen niya diyablu.
12Ket kinunen manin ne̍ Je̍sus igina, “Kunen na pe̍ iya Bibliya nga, ‘Madi ka sigiren ya Apu nga Diyus mu,’” kunen na.
13Ket ito nalpasin niya diyablu dito amin nga kabaellan na nga mangsulisug e̍ Je̍sus, pinanawan na pekkem mas.
To panangirugi ne̍ Je̍sus enna Galilya iya gagara na
Mat. 4:12-17; Mar. 1:14-15
14Ket itun, simoli nge̍ Je̍sus iya prubinsiya nga Galilya ngin, ket uwed igina ya pannakabalin niya Ispiritu ne̍ Apu Diyus. Nagwaras met ya damag maipanggep igina iya amin nga purpuruc nga nasakupan niyan nga lugar. 15Ket nangisursuru nge̍ Je̍sus kadiya gigimungan diya Hudyu antuni, ket dinayaw met diya amin nga toltoley.
To panangumsi dito iNasare̍t e̍ Je̍sus
Mat. 13:53-58; Mar. 6:1-6
16Ket nakadateng met nge̍ Je̍sus enna Nasare̍t, nga itu to ili nga dimackellan na. Ket iya algew Sabadu, nawe̍ met iya gigimungan da, sigun iya gangey na kada Algew Ngilin. Ket nagsikad nge̍ Je̍sus nga mangibasa iya Bibliya. 17Ket naiyawat igina ya nalukut nga pagbasaan, nga libru nito mammadtu nga Isayas. Binicrad na, ket sinapul na, se̍ na met nibasa to naisurat nga agten idi:
18“Uwed iyaken ya Ispiritu niya Apu,
ta pinili nac nga mae̍cdan,
tasun mangikasaba ngac
iya damag nga makaparagsac
kadiya nanumu nga toley.
Nibon nac met nga mangiwaragawag
iya pannakawayawaya diya natagabu,
se̍ ya pannakasingen manin diya nakulap,
se̍ tasun wayawayaac diya maparparigat.
19Nibon nac ngarud tasun ipakaemmuc
nga nadatnganin ya timpu
nga panangipasingen niya Apu
iya panangipateg na.”
20Ket linukut mettas ne̍ Je̍sus to pagbasaanin, se̍ na niyawat ito eb-ebbonen, se̍ nagtugew ngarudin. Ket amin diya toley nga uwed ito gigimungan, naiturung met e̍ Je̍susin ya panagsingen da. 21Ket itun, kinunen ne̍ Je̍sus igidan, “Idi nga naibasa nga gayat iya libru nito mammadtu nga nagicna nun, ket ita mettas nga algew, natungpal mettin,” kunen na.
22Ket amin dito naggigicna, ginabay da nge̍ Je̍sus, ket nasdaaw da ngarud kadito napaw-is nga kagkagi na. Ket kinunen da met iya panagtetebbar da, “Di met anac ne̍ Huse̍ yan?” kunen da.
23Ket kinunen ne̍ Je̍sus igida, “Emmuc ngarud nga gabay nu nga ipalagip iyaken yani nga pagkakagi nga kunen na, ‘Duktur, agasam ya mismu nga beggim!’ Ket mabalin nga kunen nu pe̍ nga, ‘Arimanem man pe̍ idi nga ilim diya nadamdamag mi nga inariman mu enna Kape̍rnaum.’” 24Se̍ kinunen pe̍ ne̍ Je̍sus igida, “Pudnu met yani nga kunec dakayu: Awan mangaskasaba nga maipateg iya mismu nga ili na. 25Se̍ pudnu met pe̍ yani: Adu diya balu nga babey idi Israe̍l ito timpu nito mammadtu nga E̍lyas. Malagip nu nga itun nga timpu, tellu nga dagun se̍ ennem nga bulan nga madi met nagudan, ket uwed met to napalaus nga bisin iya amin nga luglugar iya pagiliyan. 26Ngem to E̍lyas, awan met kadito balbalu nga iIsrae̍l ya nakaibonan na itun, no di lugud naibon ito isa nga balu nga iSe̍re̍pta, nga isa nga ili ka Sidun.
27“Agten met ito timpu nito mammadtu nga E̍lisyu, ta adu pe̍ diya agkukutel idi Israe̍l itun, ngem awan igida ya napalaing, no di lugud to Naaman nga iSirya ya napalaing,” kunen na.
28Ket ito nagicna dito nagdengdengngeg ito gigimungan yan nga kinagi ne̍ Je̍sus, napalaus met ya unget da nga aminin. 29Itu nga ginumnukat da, se̍ da pinagtalew nge̍ Je̍sus ito ili, se̍ da nipen iya gengngaw niya mung-ul nga nakabangunan nito ili da, tasun ibe̍r-aw da kuma. 30Ngem inasac ne̍ Je̍sus da, ket pimanaw igidan.
To lalaki nga naluganan ka sairu
Mar. 1:21-28
31Ket nawe̍ nge̍ Je̍sus ka Kape̍rnaum, nga isa nga ili ka prubinsiya nga Galilya. Ket iya Algew Ngilin, nangisursuru kadiya toley antuni. 32Ket nasdaaw met diya nakagicna igina, gapu ta naturay ya panangisuru na.
33Ket ito gigimungan, uwed met isa nga lalaki nga naluganan ka sairu. Nipkaw na met ka nabileg gin nga kinunen na, 34“Ay! E̍ Je̍sus nga iNasare̍t gayam! Nagan ngarud ya biyang mu dakami? Numbe̍t nakami kad pirdiyen? Em-emmu naka met! Ikew ya Nalinteg nga Ebbon ne̍ Apu Diyus!” kunen na.
35Ngem pinagulimec met ne̍ Je̍sus to sairu, nga kinunen na nga siiinget, “Madi ka mamagas! Agtalew ka iyan nga toley yin!” kunen na. Ket pinagdegsut mettin nito sairu to lalaki iya tengnga dito toltoley, se̍ nagtalew ngarudin, nga di na inan-anu win to lalaki nga nagluganan na.
36Ket nasdaaw da nga amin, ket nagtetebbar da nga kinunen da, “Kumaan ngata ya agten iyan nga naturay nga kagi? Ta uwed met turay se̍ pannakabalin na nga mangbilin kadiya sairu, ket pumanaw da nga tutu,” kunen da.
37Ket nagwaras ngarud ya damag maipanggep e̍ Je̍sus kadiya amin nga ed-edyan nga masakupan niyan nga lugar.
To panangpalaing ne̍ Je̍sus ito katugangan ne̍ Simon,
se̍ kadiya duduma pekkem
38Ket pimanaw nge̍ Je̍sus ito gigimungan, ket nawe̍ iya baley de̍ Simon. Ket ya babey nga katugangan ne̍ Simon, agsacsakit itun ka napalaus nga dagang. Ket nagpakaasi da e̍ Je̍sus nga singen na kuma kanu to babey. 39Nawe̍ ngarud nge̍ Je̍sus nga nagdokot iya abay niya ida nito agsakit, ket pinaunay na met to dagang na. Ket nalaingan mettin. Ket to babey, sigida met nga bimangunin, ket nagistimar pe̍ ka para igidan.
40Ket ito maisurneb ya sinagin, amin nga uwed em-emmu na nga agsacsakit ka orey nagan na nga kita sakit, nawe̍ da da inalac, ket nipen da met ito edyan ne̍ Je̍sus. Ket nipatey ne̍ Je̍sus diya ima na iya tunggal isa igida, ket pinalaing na da. 41Ket adu da met pe̍ dito naluganan ka sairu, ket pinagtalew ne̍ Je̍sus dito sairu nga naglugan igida. Ket ne̍c-e̍cre̍s dito sairu nga kinunen da, “Ikew ya Anac ne̍ Apu Diyus!” kunen da. Ngem e̍ Je̍sus, binilin na da, nga di na pinalubusan nga agkagi da, gapu ta emmu da met nga igina ya Kristu.
To panangasaba ne̍ Je̍sus kadito gigimungan diya Hudyu
42Ket ito kaagsapaan na, pimanaw nge̍ Je̍sus ito ili, nga nawe̍ ka lugar nga awan matagtagitoley na. Ket dito toltoley, nawe̍ da ngarud sinapsapul, ket ito nasmac dan, madi da gabay nga palubusan nga pumanaw. 43Ngem kinunen ne̍ Je̍sus igida, “Masapul nga ikasabac kadiya duduma pekkem nga il-ili ya Makaparagsac nga Damag maipanggep iya panangituray ne̍ Apu Diyus, ta itu met ya nakaibonac,” kunen na. 44Ket pinaspasyar ngarud ne̍ Je̍sus ya pagiliyan diya Hudyu, ket nangaskasaba kadiya gigimungan da.
Aktuálne označené:
Lukas 4: YBT
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
© 1990 New Tribes Mission, Sanford, FL 32771-1487, USA.
Printed in the Philippines.
Lukas 4
4
To panangsulisug ne̍ Satanas e̍ Je̍sus
Mat. 4:1-11; Mar. 1:12-13
1Ket e̍ Je̍sus, naturayan iya Ispiritu Santu ito gayat ka wangag Hordan, ket niturung niya Ispiritu ka away. 2Ket antuni, nalak-aman na met ya panangsulisug niya diyablu ka unus eppat nga pulu nga algew. Pulus nga madi nangnangan nge̍ Je̍sus ito kauwed na ka away, dikad pe̍ kalpasan niyan, nabisinan ngarudin.
3Ket kunen niya diyablu igina, “No tutu nga Anac naka nge̍ Apu Diyus, bilinem man yani nga batu nga agbalin nga tinapay,” kunen na.
4Ket kinunen ne̍ Je̍sus igina, “Uwed naisurat iya Bibliya nga kunen na, ‘Ya pagbiyag niya toley, bekken ngas nga tinapay,’” kunen na.
5Kalpasan niyan, nipen niya diyablu nge̍ Je̍sus iya isa nga nangudu nga lugar. Ket iyan mettas nga kanitu, nipasingen niya diyablu igina diya amin nga pagpagariyan iya lubung. 6Ket kinunen na e̍ Je̍sus, “E̍cde̍c ikew amin didi nga turay se̍ amin nga kinapaw-is nga uwed igida, ta naipaikut iyaken didi. Ket mabalin ku nga e̍cde̍ iya orey nagan na nga gabay ku nga pange̍cde̍yan. 7Itu nga no agdayaw ka iyaken, kuwam amin didi nin,” kunen na.
8Ket kinunen ne̍ Je̍sus, “Uwed naisurat iya Bibliya nga kunen na, ‘Agdayaw ka ngarud iya Apu nga Diyus mu, ket ig-igina ngas ya pagsirbiyam,’” kunen na.
9Ket kalpasan niyan, nipen manin niya diyablu nge̍ Je̍sus iya siyudad nga He̍rusale̍m. Ket pinagsikad na iya tuctuc niya Te̍mplu, se̍ na kinunen e̍ Je̍sus, “No tutu nga Anac naka nge̍ Apu Diyus, lumatuc ka man manipud idi. 10Ta uwed met naisurat iya Bibliya nga kunen na,
‘Bilinen ne̍ Apu Diyus
diya anghe̍le̍s na nga mangaywan ikew.
11Tapayaen daka nad kadiya ima da,
tasun orey ya sakam,
madi met masakitan ka batu,’
kunen na iya Bibliya,” kunen niya diyablu.
12Ket kinunen manin ne̍ Je̍sus igina, “Kunen na pe̍ iya Bibliya nga, ‘Madi ka sigiren ya Apu nga Diyus mu,’” kunen na.
13Ket ito nalpasin niya diyablu dito amin nga kabaellan na nga mangsulisug e̍ Je̍sus, pinanawan na pekkem mas.
To panangirugi ne̍ Je̍sus enna Galilya iya gagara na
Mat. 4:12-17; Mar. 1:14-15
14Ket itun, simoli nge̍ Je̍sus iya prubinsiya nga Galilya ngin, ket uwed igina ya pannakabalin niya Ispiritu ne̍ Apu Diyus. Nagwaras met ya damag maipanggep igina iya amin nga purpuruc nga nasakupan niyan nga lugar. 15Ket nangisursuru nge̍ Je̍sus kadiya gigimungan diya Hudyu antuni, ket dinayaw met diya amin nga toltoley.
To panangumsi dito iNasare̍t e̍ Je̍sus
Mat. 13:53-58; Mar. 6:1-6
16Ket nakadateng met nge̍ Je̍sus enna Nasare̍t, nga itu to ili nga dimackellan na. Ket iya algew Sabadu, nawe̍ met iya gigimungan da, sigun iya gangey na kada Algew Ngilin. Ket nagsikad nge̍ Je̍sus nga mangibasa iya Bibliya. 17Ket naiyawat igina ya nalukut nga pagbasaan, nga libru nito mammadtu nga Isayas. Binicrad na, ket sinapul na, se̍ na met nibasa to naisurat nga agten idi:
18“Uwed iyaken ya Ispiritu niya Apu,
ta pinili nac nga mae̍cdan,
tasun mangikasaba ngac
iya damag nga makaparagsac
kadiya nanumu nga toley.
Nibon nac met nga mangiwaragawag
iya pannakawayawaya diya natagabu,
se̍ ya pannakasingen manin diya nakulap,
se̍ tasun wayawayaac diya maparparigat.
19Nibon nac ngarud tasun ipakaemmuc
nga nadatnganin ya timpu
nga panangipasingen niya Apu
iya panangipateg na.”
20Ket linukut mettas ne̍ Je̍sus to pagbasaanin, se̍ na niyawat ito eb-ebbonen, se̍ nagtugew ngarudin. Ket amin diya toley nga uwed ito gigimungan, naiturung met e̍ Je̍susin ya panagsingen da. 21Ket itun, kinunen ne̍ Je̍sus igidan, “Idi nga naibasa nga gayat iya libru nito mammadtu nga nagicna nun, ket ita mettas nga algew, natungpal mettin,” kunen na.
22Ket amin dito naggigicna, ginabay da nge̍ Je̍sus, ket nasdaaw da ngarud kadito napaw-is nga kagkagi na. Ket kinunen da met iya panagtetebbar da, “Di met anac ne̍ Huse̍ yan?” kunen da.
23Ket kinunen ne̍ Je̍sus igida, “Emmuc ngarud nga gabay nu nga ipalagip iyaken yani nga pagkakagi nga kunen na, ‘Duktur, agasam ya mismu nga beggim!’ Ket mabalin nga kunen nu pe̍ nga, ‘Arimanem man pe̍ idi nga ilim diya nadamdamag mi nga inariman mu enna Kape̍rnaum.’” 24Se̍ kinunen pe̍ ne̍ Je̍sus igida, “Pudnu met yani nga kunec dakayu: Awan mangaskasaba nga maipateg iya mismu nga ili na. 25Se̍ pudnu met pe̍ yani: Adu diya balu nga babey idi Israe̍l ito timpu nito mammadtu nga E̍lyas. Malagip nu nga itun nga timpu, tellu nga dagun se̍ ennem nga bulan nga madi met nagudan, ket uwed met to napalaus nga bisin iya amin nga luglugar iya pagiliyan. 26Ngem to E̍lyas, awan met kadito balbalu nga iIsrae̍l ya nakaibonan na itun, no di lugud naibon ito isa nga balu nga iSe̍re̍pta, nga isa nga ili ka Sidun.
27“Agten met ito timpu nito mammadtu nga E̍lisyu, ta adu pe̍ diya agkukutel idi Israe̍l itun, ngem awan igida ya napalaing, no di lugud to Naaman nga iSirya ya napalaing,” kunen na.
28Ket ito nagicna dito nagdengdengngeg ito gigimungan yan nga kinagi ne̍ Je̍sus, napalaus met ya unget da nga aminin. 29Itu nga ginumnukat da, se̍ da pinagtalew nge̍ Je̍sus ito ili, se̍ da nipen iya gengngaw niya mung-ul nga nakabangunan nito ili da, tasun ibe̍r-aw da kuma. 30Ngem inasac ne̍ Je̍sus da, ket pimanaw igidan.
To lalaki nga naluganan ka sairu
Mar. 1:21-28
31Ket nawe̍ nge̍ Je̍sus ka Kape̍rnaum, nga isa nga ili ka prubinsiya nga Galilya. Ket iya Algew Ngilin, nangisursuru kadiya toley antuni. 32Ket nasdaaw met diya nakagicna igina, gapu ta naturay ya panangisuru na.
33Ket ito gigimungan, uwed met isa nga lalaki nga naluganan ka sairu. Nipkaw na met ka nabileg gin nga kinunen na, 34“Ay! E̍ Je̍sus nga iNasare̍t gayam! Nagan ngarud ya biyang mu dakami? Numbe̍t nakami kad pirdiyen? Em-emmu naka met! Ikew ya Nalinteg nga Ebbon ne̍ Apu Diyus!” kunen na.
35Ngem pinagulimec met ne̍ Je̍sus to sairu, nga kinunen na nga siiinget, “Madi ka mamagas! Agtalew ka iyan nga toley yin!” kunen na. Ket pinagdegsut mettin nito sairu to lalaki iya tengnga dito toltoley, se̍ nagtalew ngarudin, nga di na inan-anu win to lalaki nga nagluganan na.
36Ket nasdaaw da nga amin, ket nagtetebbar da nga kinunen da, “Kumaan ngata ya agten iyan nga naturay nga kagi? Ta uwed met turay se̍ pannakabalin na nga mangbilin kadiya sairu, ket pumanaw da nga tutu,” kunen da.
37Ket nagwaras ngarud ya damag maipanggep e̍ Je̍sus kadiya amin nga ed-edyan nga masakupan niyan nga lugar.
To panangpalaing ne̍ Je̍sus ito katugangan ne̍ Simon,
se̍ kadiya duduma pekkem
38Ket pimanaw nge̍ Je̍sus ito gigimungan, ket nawe̍ iya baley de̍ Simon. Ket ya babey nga katugangan ne̍ Simon, agsacsakit itun ka napalaus nga dagang. Ket nagpakaasi da e̍ Je̍sus nga singen na kuma kanu to babey. 39Nawe̍ ngarud nge̍ Je̍sus nga nagdokot iya abay niya ida nito agsakit, ket pinaunay na met to dagang na. Ket nalaingan mettin. Ket to babey, sigida met nga bimangunin, ket nagistimar pe̍ ka para igidan.
40Ket ito maisurneb ya sinagin, amin nga uwed em-emmu na nga agsacsakit ka orey nagan na nga kita sakit, nawe̍ da da inalac, ket nipen da met ito edyan ne̍ Je̍sus. Ket nipatey ne̍ Je̍sus diya ima na iya tunggal isa igida, ket pinalaing na da. 41Ket adu da met pe̍ dito naluganan ka sairu, ket pinagtalew ne̍ Je̍sus dito sairu nga naglugan igida. Ket ne̍c-e̍cre̍s dito sairu nga kinunen da, “Ikew ya Anac ne̍ Apu Diyus!” kunen da. Ngem e̍ Je̍sus, binilin na da, nga di na pinalubusan nga agkagi da, gapu ta emmu da met nga igina ya Kristu.
To panangasaba ne̍ Je̍sus kadito gigimungan diya Hudyu
42Ket ito kaagsapaan na, pimanaw nge̍ Je̍sus ito ili, nga nawe̍ ka lugar nga awan matagtagitoley na. Ket dito toltoley, nawe̍ da ngarud sinapsapul, ket ito nasmac dan, madi da gabay nga palubusan nga pumanaw. 43Ngem kinunen ne̍ Je̍sus igida, “Masapul nga ikasabac kadiya duduma pekkem nga il-ili ya Makaparagsac nga Damag maipanggep iya panangituray ne̍ Apu Diyus, ta itu met ya nakaibonac,” kunen na. 44Ket pinaspasyar ngarud ne̍ Je̍sus ya pagiliyan diya Hudyu, ket nangaskasaba kadiya gigimungan da.
Aktuálne označené:
:
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
© 1990 New Tribes Mission, Sanford, FL 32771-1487, USA.
Printed in the Philippines.